Populaire Bijbelverzen uit LUKAS 7

Deel

Tingari, kakindaghi e ko l᷊abo e'e manode u dosange ko maul᷊i e'e seng niampungang! Boko taumata niampungang singkodo, i sie l᷊ai sarung kumindaghi singkodo.” Bou e'e I Yesus nangul᷊i su tau kowawine e'e, “Apang dosangu seng niampungang.”

Arawe I Yesus nangul᷊i su tau kowawine e'e, “Watu u i kau mangimang si Sia, i kau seng nipakasal᷊amati. Dakoe tamai dingang u purarame!”

I sie nurumarisi su l᷊ikuri Yesus masandighu l᷊aer-E dang kasangie apiru nupakaunsa l᷊aeri Yesus dingang u l᷊ounge. Bou e'e l᷊aeri Yesus nimue dingang u utae, mbuhue ni'imbunge dingang u nisiwohi u l᷊anisi.

E'e sabapie ia sisane ko ta wahani mupasaruang I Tuang inau piange pupaparenta te tadeau paparentang ku maul᷊e. Watu'u ia mambeng tumuhu parentang u tumbonang ku dang su wal᷊ang u ia pia l᷊ai manga sardado ko mambeng tumuhu su parenta ku. Boko ia muparenta singkatau sordado, ‘Tamai!’ i sie mang tamai, dang boko ia mangul᷊i su kowal᷊inge, ‘Mai si'i!’ i sie mang mamai. Dang boko ia muparenta paparentang ku, ‘Koako i'i!’ i sie mang mukoa.” I Yesus naherang nakaringihi e'e. I Sie nuwihu dang nangul᷊i su taumata maul᷊i ko katuhue si Sie, “Wal᷊inge gampang taumata i'i. Su tal᷊oarau tau Israel Ia mborong ta nakarea pangangimang kiri i kal᷊aboe!”

Su tempo e'e I Yesus nupakaul᷊e ngu taumata maul᷊i, dang nanguseri napene roh ko dal᷊ai dingang u nukoa maul᷊i taumata ko wuta, nakawua. Inaui I Yesus nusumimbahi, “Pusul᷊ete sarang koa i Yohanes dang pakatitong te apang ko nikaringihi dang ko nikawuangi kumu: tau ko wuta nakawua, tau ko pepa nakal᷊al᷊eng, tau pia saki pisi ko makatataku, naul᷊e, tau ko wenggeli nakaringihi, tau ko nate sau nuwiahi, dingang u habari mapia bou Mawu Ruata nihabari suapang taumata ko susa.