Populaire Bijbelverzen uit Gyenesis 22

Deel

Na Abraham frɛɛ bea no ne dzin Jehovah-jireh: dɛ mbrɛ ebodu ndɛ wɔda ho ara frɛ no no, dɛ, EWURADZE ne bepɔw do na wɔbɛkyerɛ.

Na, ɔsee dɛ, Afei fa wo ba, wo ba kortonoo a edɔ no, mekyerɛ Isaak no, na kɔ Moria asaase do; na fa no kɔbɔ ɔhyew afɔr wɔ hɔ, wɔ mbepɔw no mu kor a mebɛkyerɛ wo no do.

Na ɔsee dɛ, Mma mmfa wo nsa nnka abofra no, nkyii so mma nnyɛ no biribiara: na afei na mehu dɛ isuro Nyankopɔn, susuampa dɛ ɔwo annkam me wo ba, wo ba kortonoo ntsi.

Na Abraham see dɛ, Me ba, Nyankopɔn noara bɛkyerɛ eguambaa a wɔdze no bɔbɔ ɔhyew afɔr: na hɔn beenu nyina bɔɔ mu kɔree.

dɛ nhyira mu a, mibehyira wo, na ɔdɔr mu a, mebɛma w’asefo adɔr dɛ ɔsor nworaba, na dɛ mpoano anhwea; na w’asefo bɛfa hɔn atamfo hɔn abotsen; na w’asefo mu na wobehyira asaase amanaman nyinara; osiandɛ etsie me ndze.

Na ɔbaa dɛ iyinom n’ekyir no Nyankopɔn sɔɔ Abraham hwɛe, na ɔsee dɛ, Abraham; na ɔsee dɛ, Emi nye yi.

Na EWURADZE no bɔfoe fi sor frɛɛ no, na ɔsee dɛ, Abraham, Abraham: na ɔsee dɛ, Emi nye yi.

Na EWURADZE no bɔfoe fi sor frɛɛ Abraham bio dɛ, mbrɛ EWURADZE se nye iyi, osiandɛ ayɛ dɛm adze yi, dɛ ammfa wo ba, wo ba kortsee no, annkam me ntsi, maka moho ntam

Na wodur mbrɛ Nyankopɔn kyerɛɛ no no; na Abraham sii afɔrmbukyia wɔ hɔ, na osiesiee nyena no yie, na ɔkyekyeer ne ba Isaak dze no too afɔrmbukyia no do wɔ nyena no do.