Populaire Bijbelverzen uit Matalikilo 17

Deel

Lino Abulamu naakali aamyaka iili makumi aali fuka afuka Mwami Leza wakasika kulinguwe akuti, “Ndime Leza Singuzuzyoonse. Kondiswiilila mazuba aabuumi bwako boonse, ube muntu uulondokede.

Kuzwa lino tocitegwa Abulamu pe, unootegwa Abulahamu nkaambo ndakucita kuti ube wisi wamisyobo minji.

Mwami Leza wakaindilizya akuti, “Ndiyoobamba cizuminano cangu eeci kulinduwe akubana bako mumazyalani aabo oonse aaciboola, kuti cikabe cizuminano citakooyoomana. Ndiyooba Leza wako a Leza walunyungu lwako.

“Eeci ncecizuminano ncetibambe anduwe, ndakusyomezya kuti uyooba wisi wamisyobo minji.

Pele Leza wakati kuli Abulahamu, “Peepe, mukaintu wako Sala nguutikakuzyalile mwana mulombe ngotikaulike kuti Izaka. Ngonguwe ooyo alunyungu lwakwe, ngwenjoobamba cizuminano cangu citamani.

Nyika eeyi, oomo moli mweenzu sunu, ndiyooipa kulinduwe akubana balunyungu lwako. Nyika yoonse eeyi ya Kenani iyooba yako akutamani, ambebo ndiyooba Leza wabantu bako.”

Nkabela Abulahamu wakavuntama, watalika kuseka, naakayeeya kuti, “Ino inga muntu mudaala mbuli ndime, uujisi myaka iili mwaanda inga wakonzya buti kuzyala mwana? Sena ncobeni Sala mubucembele bwakwe bwamyaka iili makumi aali fuka inga wazyala mwana?”

Alimwi Leza wakati kuli Abulahamu, “Mukaintu wako tocinoomwiiti limbi kuti Salayi, kuzwa lino unootegwa Sala.

Kuzwa lino muleelede kuti kamupalulwa kuti cibe citondezyo cacizuminano akati kanu andime.

Pele cizuminano cangu ndiyoocibamba mumwanaako Izaka ooyo uutikazyalwe kumukaintu wako Sala muciindi nciconya cino mwakali.”

Kufumbwa mwana mulombe waba aamazuba aali lusele antoomwe abazike bazyalilwa muminzi yanu, nibaba baulwa kuzwa kumasi aambi, baleelede kupalulwa mbubonya buyo. Umwi aumwi mwana mulombe uleelede kupalulwa kuti cibe citondezyo amibili yanu cakuti cizuminano cangu ciyooba cizuminano citamani.