Populaire Bijbelverzen uit PALABURU 17

Deel

Kagananya tinuwu I Burahima, siompuyu pai sasio ntaʼu, mepatongawa i PUE ri siʼa ndatoʼo, “Yakumo Pue Ala Anu Makuasa, Pepoʼinayamo ri Yaku pai neʼe bali-bali nupawianaka pepokonoku.

Seʼimo janji anu kupareʼe pai siko: Yaku majanji, siko da mewali papa sondo banca. Inceʼe painaka toʼomu kuintimakamo mantoʼo i Burahima.

Yaku da mangabangani janjiku ri siko pai ri waʼa mulimu papolapi-lapi, pai janji setu bareʼe da reʼe kapusanya. Yaku da mewali Pue Alamu pai Pue Ala waʼa mulimu.

Seʼimo janji anu kupareʼe pai siko: Yaku majanji, siko da mewali papa sondo banca. Inceʼe painaka toʼomu kuintimakamo mantoʼo i Burahima.

Paikanya ndatoʼo i mPue Ala, “Bareʼe. Rongomu i Sara anu da mampoana sambaʼa ana tuama anu da nupapotoʼoka i Saki. Bareʼe da meuranaka yaku ri janjiku pai ananggodi setu sangkani pai mulinya rantani masae-sae. Pojanji setu bareʼe da reʼe kapusanya.

Yaku da mangawaika siko pai waʼa mulimu, tana seʼi, anu seʼi-seʼi nupeari ewa tau mencua. Juku-juku tana Kanaa seʼi da napopanta waʼa ana pai makumpumu rantani masae-sae pai yaku da mewali Pue Ala pue ntau seʼe.”

Metutu manyomba i Burahima, paikanya mogele siʼa ane nanawa-nawa, “Ewambeʼi da pewalinya sambaʼa tuama anu tinuwu saatu ntaʼu da marata woʼu ana? Ara da mewali i Sara anu tinuwu siompuyu ntaʼu da moana?”

Ungka lairia ndatoʼo i mPue Ala ri Burahima, “Siko bareʼemo maya mampeboo rongomu i Sarai; montepuʼu seʼi-seʼi pebookamo toʼonya i Sara.

Montepuʼu seʼi-seʼi siko sangaya-ngaya da mangasuna pura-pura ana tuama ri tinuwu uayu ndeme, tesua pai waʼa anamayunu anu ndapoana ri raya banuamu bara anamayunu anu nuoli. Popasuna setu mewali sambaʼa petondoni mpojanjiku pai komi.

Paikanya pojanjiku seʼi da kupakainti pai i Saki, anamu anu da napoana ri Sara, ri taʼu da rata ri tempo anu ewanceʼi seʼe.”

Montepuʼu seʼi-seʼi siko sangaya-ngaya da mangasuna pura-pura ana tuama ri tinuwu uayu ndeme, tesua pai waʼa anamayunu anu ndapoana ri raya banuamu bara anamayunu anu nuoli. Popasuna setu mewali sambaʼa petondoni mpojanjiku pai komi. Sambaʼa-sambaʼa tau seʼe sangaya-ngaya da ndasuna da mewali petondoni anu tongawa anu mampakayonto pojanjiku pai siko bareʼe da reʼe kapusanya.