Populaire Bijbelverzen uit Mateo 18

Deel

Dipo ni te duwwa o tállo a nagipon-ipon dipo nikán ay hoddák a kaguman de.”

Sakay kagiyan ko pa be nikam: ni u duwwa nikam he ti lutaay ay magkaessa tu pagaged ti anya man a bagay tu pagdasal moy ay iyatád iye nikam nu Ama ko a atoy ti langit.

Dinulaw ni Jesus u essa a anak sakay pinataknág tu atubang de. Kinagi na, “Pakatandaan moy iye: hanggan awan kam nagbago sakay pumarehas tu anak hide a mapakumbaba, talaga a awan kam mebilang tu pinaghariyán dán hide nu Diyos.

Ni deya man u magpakababa a kumán a anak a iye ay siya u pinakamataas tu pinaghariyán dán nu Diyos hide.

Sakay ni deya man a tumanggap tu essa a anak a kona he dipo bakán a hikán bale hikán u tinanggap na.”

Kinagi pa ni Jesus “Kagiyan ko nikam: anya man a ipagbawal moy ti lutaáy ay ipagbawal ti langit sakay anya man a payagen moy ti lutaáy ay payagen bi ti langit.

Kona labe hina u gimitán nikam nu Ama ko a atoy ti langit ni awan moy patawadan u kapatkakka moy.”

Kinagi pa ni Jesus “Mas mapiyya pa tu essa a tolay a báttenan siya ti essa a dakál a bito tu álleg na sakay itápduk siya tu bállog nu diget nan magin ginábwatan siya nu págkasala nu essa tu konna he a anak a naniwala nikán.

Anya tu pangisip moy u gimitán nu essa a tolay a te 100 a tupa ni netawtaw u essa a tupa na? Awan beman iwahak na u 99 a nagsabsab tu kalamonan para la ehyokan na u netawtaw?