Populaire Bijbelverzen uit Mateo 23

Deel

U pinakamataas nikam ay dapat u magin utusan moy.

U nagpakataas ay medibbe sakay u nagpakababa ay melangkaw.”

Kakagbi kam, maisto hide nu Kautusan ni Moises sakay Pariseo hide! Mapagkunware kam! Inyatád moy u ikapo maski u págrekado a awan ti halaga pero kinalimunan moy a igimet u mas lalo a mahalaga a adal tu Kautusan: Hikam ay magin pantay tu atanan a bagay, u magin makakagbiyan sakay u katapatan. Tama ngane a mag-ikapo kam pero dyan moy be kalimunan a gimetan u mas mahalaga tu Kautusan.

Kakagbi kam, maisto hide nu Kautusan ni Moises sakay Pariseo hide! Mapagkunware kam! Lalinisán moy u luwas nu tasa sakay nu penggan moy pero u disalad nu puso moy ay putat ti daya, dámmot sakay págsamantala.

Kinagi pa ni Jesus, “Jerusalem, Jerusalem! Pinabuno mo u propeta hide sakay bábbudasán moy u pinaangay nu Diyos nikam! Sangan a beses ko a sinikap a alagaan u mágyan niko, konna tu paglákáp nu essa a inahin tu sepsep na hide pero inadiyán mo.

Talaga konna kam tu páglábbángan! Tu pangeleng nu tolay ay magkabait kam pero u tatahoden, tunay kam a mapagkunware sakay madukás.”