Populaire Bijbelverzen uit Mateo 24

Deel

U kadukássan ay kumalat tu atanan a lugar kanya mawan u págmahal nu kakpalan. Pero u matapat hanggan tu katapusan ay siya u maligtas.

Sakay mepaliwanag ti buo a mundo u Maganda a Baheta a tungkol tu pághari nu Diyos para iye ay matukoyan nu atanan a bansa. Sakay káttapos ay dumemát u katapusan.”

Makasanig kam ti gera sakay bahebaheta a te gera. Dyan kam maligalig. Dapat a mangyare hide iye pero bakán padla iye u katapusan.

Dipo mákpággera u bansa hide laban tu iba-iba a bansa sakay u kahariyan hide tu iba-iba a kahariyan. Magkahod ti sákaláp sakay linog tu iba iba a lugar. Pero u atanan ni iye ay sapul palla nu pághirap hide.

Mawan u langit sakay u luta pero u upos ko hide ay awan mawan.”

Dipo makpal a umangay tu ngahan ko sakay magkagi a, ‘Hikán u Mesias!’ Sakay makpal hide a metawtaw.

Ti panahon an itod, kaiyamután kam nu atanan a tolay dipo nikán sakay dakáppán para pahirapan sakay bunuwán. Makpal a umadág tu pánniwala de sakay maiyamut tu balang essa. Itokyon de u kapareho de ti pánnampalataya. Makpal u magpanggap a propeta sakay itawtaw de u kakpalan.

Timmábbeg ti Jesus, “Mag-ingat kam a awan kam metawtaw ni ti deya man!

Kaya magin handa kam a pirmi dipo dumemát u Anak nu Tolay tu panahon a awan moy asaan.”

Kaya magbantay kam dipo awan moy tukoy ni nikan u aldew a umangay u Panginoon moy.

Kinagi pa ni Jesus “Pero awan ti nakatukoy tu aldew sakay panahon nu káddemát ko. Maski u anghel hide ti langit oni u Anak be ay awan na tukoy---u Ama la u nakatukoy ti iye.

Dipo te magkunware hide a Mesias sakay te pumeta a awan tatahoden a propeta. Mangpeta hide ti makataka-taka a tanda sakay kababalaghan hide para itawtaw ni maari, pate u tolay hide nu Diyos.

U káddemát nu Anak nu Tolay ay pareho tu káddemát nu lonsu tu itod tu panahon ni Noe. Tu itod, u tolay ay naghandaan, naglasingan sakay nagkabanga, hanggan tu aldew a makasáddáp tu dakál a abang ti Noe. Dimmemát u lonsu a awan di namalayan sakay nalemas hide a atanan. Konna labe hod u mangyari tu káddemát nu Anak nu Tolay, awan di maandaman.