John 7
7
CHAP. VII.
Christus wahhaddedeghten ne yoghskenhase kanayegktsera.
1Oghnagenge ne kengayen tsiniyawen-on Jesus rathahhaghkwe Galileetseràgon: iken yaghten hononwe-on nʼenhathahhak ne Jewry, ne wahhoni tsi rodirighwisakon ne Jewfhaga tsinenhadiyere nʼenhonwaryoh. 2Onen nonwa onontohha enwaderihwihhewe tsinihondennyodden ne Jewshaga ne tabernacles. 3Rondaddegen - ah kadi wahhonwenhaghse, eren seght ok Judeatseràgon yehàse, nene enhonderighwatkaghtho oni ne senntyoghkwa tsinikayodenghseròtense nene saryerha. 4Iken yaghonghka ne ongwe ogh ten hatyerha ne adaghseghtonge, ok raonha rarighwisaks agwegon enhonwayenderhen, togat nonken nene ken ne karihhotense ne satyerha, sadaddodaghsyon ongweghne. 5Iken ne rondaddegen-on yagh oni te tʼhoneghdaghkon ne raonhage. 6Ethone Jesus washakawenhaghse, tenwaderigh wihhewe niih tsiniwakerihhòten: ok dengh non tiutkon sewarhare nʼisi tsinisewarihhòten. 7Nene ongwe yaghten ondon enyetsighswense; ok iih yonkswense, ne wahhoni tsikerighwatròri, tsi wahhetken naah nene aoyòdenghsera. 8Ise etho enseweghte tsi yakodènnyode: yagh niih etho ten yehenke nonwa tsi yakodenoyode; iken arekho tʼenkaycrine tsinenwakerighwihhen. 9Neonen tsiwahshakawenhaghse nʼetho ne kawènnage, aghson egh yeh ennderondaghkwe Galileetseragon.
10Ok denghnon ne onen tsi egh ronenonghton ne rondaddegen-son, ethone oni raonha egh wareghde tsiyakodennyode; yaghten ne wènon kehha ok denghnon tsiniyought ne adaghseghton kehha. 11Ethone ne Jewshaga ronwayadisakskwe tsi yakodènnyode, ok wahhoniron, kàh nene ise? 12Ok eso wathonderighwagenni ne ongwehogon raonha raoriwa: iken oddyake wahhoniron, rongwetiyon naah: tʼhikade wairon, yaghten ok denghnon ne shakomgonrhadenni ne ongwe. 13Ok sane yagh onghka ten honwatrori ne enyoghronkathak tsiniyctsànise ne Jewshaga.
14Ethone sadewaghsenna yaweght tsiniʼkahhavrisgwe tsi yakodennyode Jesus etho wareghde Templetseragon, ok wahshakorihhonyen. 15Ok ne Jewshaga wahhadirighwaneghragon, rondon, oghníyought tsi raghyadonghserayendèri ne ken rongwe, yagh se ten honwarighhonyen? 16Jesus tehharighwàseragon, ok ràwen, tsini wakerighhòten yagh niih ten kewenniyoh, ok raonha denghnon raòwengh nene rakhenha-on. 17Togat nonken onghka kiok ne rongwe entharighwayèrit tsinireghre, enhonigonghrayendane tsinikarrihhòten, kàh tens gayen ne Yehovaghne, togat iihne tekewenninnegen-onhatye. 18Raonha nene radaddeghtharaghkwen rèsaks raogloria; ok denghnon raonha nene resaks raogloria nene ronha-on, nene sagat naah togenske, ok yaghten horíwayen ne wahhetkenglisera. 19Moses wahhy eghtsisewariwàwigh ne yoghtyawenratsera, ok shegcn yagh onghka tsinitsyan ten yontsteristha tfinikarrihhòten? ogh na ne yotyeren tsi takwaryohserene? 20Ok ne ongwe tʼhoderighwaghseragwen ok ronen, sayen ne-kanigonghraksen: onghka yesarjohferene? 21Jesus tahhadadi ok wahshakawenhaghse, skayodenghserat tsiniwakyerea, ok agwegon sewarighwaneghragwas. 22Moses kadi eghtsisewàwigh ne circoncision; (yagh ne degen aoriwa si Mosesne yoderighwinon ok denghnon ondaddenihnehha;) ok ise yawenndadogenghdonge eghtfisewacirconcis ne ongwe. 23Togat nonken ne rongwe enhonwacirconcis ne yawenndadogenghdonge, nene yaghten aontayerighwàrighte tsinihorighwisson ne Moses; sewaghsense ken ne iih, neok aoriwa tsisabhitsyende, onwe ne rongwe ne yawenndadogenghdonge? 24Toghsa ok enekenkehha tfiwènon tesewayadòreght, ok denghnon yoderighwagwarighsyon tsiniyought egh tesewayadoreghthak. 25Ethone rònen oddyake ne Jerusalem radinakere, yagh ken ne de gen ne raonha, nene radirighwisaks ne enhonwaryoh? 26Ok denghnon rorihhowànen roghtharatye, ok vaghothenon ten ronwènni, agwagh ken ronaderyendare ne Radiyadagwenniyofe, tsi ne kengayen naah ne Christus? 27Ok sàne dewayenderi ne ken rongwe tsinithawènon; ok ne onen Christus entreghte, yaghonghka ne ongwe ten yeyendèri tsinithawènon. 28Ethone tahhadewennayendon, aghson tsishakorighlionyèni, radonnyon, takwayenderi ok oni sewayenderi; tsinitewakénon: yagh oni iih akenigonra tsi kerigh wakewe, ok raonha ne rakhenhaon togenske naah, yaghten eghtsisewayendèri nene. 29Ok denghnon riyendèri: iken egh tewakyenghdaghkwe, ok raonha ne rakhenha-on. 30Ethone wahhaderighwisake nʼenhonwayèna: ok denghnon yagh onghka nʼongwe oghten honwayèren, ne wahhoni arekho aontenwaderighwihhewe tsinihonwarighwisià-enni. 31Ok yawetowànen ne ongwe wathoneghtagh-ken raonhage, ok wahhoniron, neonen Christua entre senha ken yotighwaneghragwaghtanyon tsinenhàyere tsiniyought ne ken rongwe tsinihoyèren? 32Ne Pharisee wahhonronke tsi etho ne rodirighhoten nʼongwe tsironwaghtharaghkwen; ok ne Pharisee oni ne radiyadagwenniyose Cohenàson wahshakoderighhondane ne enhonwayena. 33Ethone Jesus wafhakawenhaghfe, shegon oghstonha nyàre wadògen iddewese, ok ethone egh yenke tsi renderon ne rakhenha-on. 34Enskawayadisake, ok yaghten enskwayadatshènri: ok tsinonwe nʼike, yaghten ondon eghyensewawi. 35Ethone wahhontserògon ne Jewshaga, rondonyon, kàh nonwe ensreghde nene yaghten enghtsidewayadatshenryohhe, etho ken onghte enreghde tsidhònese ne yonkhikhaghsyon, tsiyenakeronyon, ok enshakorighhonye niyade honoghwhentjage? 36Oghne karrihhòten yedon tsi ne ràwen, enskwayadisake, ok yaghten ensk wayadatshenri ok tsinonwe nʼike, yaghten ondon eghyensewawi. 37Onen tsi wahhondeghniserokten tsiyakodennyode nene wenndowànen, Jesus tahhadyadakwarighsyon, ok wahhadewennayendon, radonyon, onghka kiok aghronyadathense, karo itreghte iihne ok raghnegirha. 38Raonha nene tehaweghdaghkon iihne, tsinikawennoten ne kaghyadonghseradogenghti, raonegwenndagon entkaghnawinnegemve ne ne yonhe onwe ne kaghnegòten. 39Ok ne ken yaweght ne Kanigonra roghtharaghkwen, ne ne enhodiyendane rononha ne ne tehoneghtaghkon raonhage: ikeh arekho ten yondaddàwigh ne Kanigonghriyoston; ne wahhoni tsi arekho tʼaontahonwagloriste ne Jesus.
40Yawetowànen kadi ne ongwe, ne onen tsi rodirighwaghronken ne ken, wairon, Togenske naah, ne ken ne Prophet. 41Thikadi, wairon, ne naah ne Christus. Ok denghnon, oddyake sayàiron, Galilee kengh nongadi enthayenghtaghkwe ne Christus? 42Yagh ken ten yàwen ne kaghyadoghseradogenghti, nene Christus naah sʼhodiwajirat ne David, ok oni egh enthayenghtaghkwe tsi Kanàdayen ne Bethlehem, tsinonwe David ranakereghkwe? 43Etho kadi nenyawen wathodityonghtyage ne ronongwe ne raorihhòni. 44Ok oddyake tsinihadi yaweron enhonwayènage; ok denghnon yagh onghka ogh ten honwayèren.
45Ethone sahhònewe ne ronwaderihhondane, tsiradideron ne radiyadagwenniyose Cohena-son eni ne Pharisee; ok wahhonwanenhaghse, oghne yotéren yaghten eghtsisewayathewe? 46Ne ronwaderihhondane tentahhònen, yaghtionwenndon nʼongwe eghtenyewennòten tsiniyoght ne ken rongwe. 47Ethone tentahhondàdi ne Pharisee, yetshirighwayadaghtonten ken oni nʼise? 48Wathoneghdaghkon ken kaniga tsinihadi ne radiyadagwenniyose ok ne Pharisee, tsinihorihhoten? 49Ok denghnon ne ken ongwe nene yaghten hadirighwayendèri ne yoghtyawenratsera ronwen-nadewendeghton naah. 50Nicodemus wahshakawenhaghse (raonha nene aghsenndhen royadorèn-on ne Jesus, etho se rayadare tsinihadi) 51Tsini karihhòten ne ongwaghtyawenratsera tehonwayadoreghten ken ne ongwe, arekho ten ahhonwawennàronke, arekho oni tʼaonkadogenne tsini hayerha? 52Tentahhondadi ok sahhonwenhagse, Galilee haga ken oni nʼise? serighwísak, oni serighwakaenyon: iken yaghten ne Galileetseragon entahhàdane ne Prophet. 53Ok agwegon ne ongwe etho sahhoneghde tsi nonwe ne yakononghsode.
Nu geselecteerd:
John 7: MOH1804
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Historical text maintained first published by the British and Foreign Bible Society in 1804.
