yo-han 4
4
ye-su pwavb zu'g taub saa-maa-lia Janb mwavd
1faa-li-sij myenb haid kxvq ye-su tu'q saib kxj kaub Zamq yaag Tevj saib kxj Jiaj uam Eei leid kaub Zamq yo-han. 2mq paag zyen sig se maiq zeid ye-su Tevj myenb Jiaj uam Eei leid. Kuvj ninb Eei saib kxj Bua Tevj Navq. 3ye-su hiuq tu'q myenb Navq naaiq nx kxvq, ninb zyrug Zwrtq yu-Dia scvq cvj Rwrnj kaa-li-li. 4ninb haid Navq haaij xij zu'g yavb saa-maa-lia scvq Rwrnj.#4:4 yetg kau faa-li-sij myenb simq, maiq yavb naaiq tiub Jauq mivb, mq paag ye-su xij zu'g yavb weig ei Tinb huvb Eei eij zruj.
5kan saa-maa-lia scvq mivb kau, Tauj nxm muvq heug si-Kaa, leib yaa-Kopq pun ninb Eei txn, yo-sepq, uaq Rov Dau maiq ko.#Tin teig trub 33:19; yo-su-waa 24:32 6yaa-Kopq Eei uamb Kwrtq yaag yem uaq nxm txvj. ye-su yavb kau Jauq, Kruq haig, zyrug zweid Fiag uamb Kwrtq Len. uaq zang luvb aaq lamb teij aanj a'q.
7maaib taub saa-maa-lia Janb mwavd mivb uaq uamb Kwrtq zaavb uam. ye-su kxvq Buaj ninb, “txg aag, Toq meib pun teij uam yia hopq og.” 8(txij Jyenq uaq nxm zyavb hog saib kxj Bua pia'g muvq maaid ka'naaiq Eang.)
9uaq taub saa-maa-lia mwavd kxvq, “meib yiu-Tai myenb fuvg Toq yia saa-maa-lia msia'q txn pun uam meib hopq?” (weig zu'g yiu-Tai myenb maiq Zauj saa-maa-lia Janj Jiu Tov.)#4:9 kikg waag kxvq “saa-maa-lia Janj Eei Rxmg yenq yiu-Tai myenb keg maiq lovg.”#e-saa-laa 4:1-5; ne-haa-mi 4:1-2
10ye-su tau, “sij kxvq meib hiuq tu'q Tinb huvb pun Eei zivb Eeig, yaag hiuq tu'q Tevj meib Toq uam hopq se tovb haiq taub, meib zyrug Toq ninb, ninb yaag xij pun yuvd mcvg Eei uam meib hopq.”
11uaq taub msia'q txn kxvq, “tomb kxj aa'b! meib lyemb maiq maaib haiq Euvg Zia uam. uamb Kwrtq yaag Do Eei. yuvd mcvg Eei uam meib mivb haaij lxd taaib? 12yia Bua Eei ovb Taaib vc'q, yaa-Kopq, zx'q naaiq nxm uamb Kwrtq lyrub yia Bua lovg. ninb kanb Zauj ninb Eei txnb Jweiq, scvb Kuq yetg zuvq yaag hopq naaiq nxm uamb Kwrtq Eei uam. meib zruj kaub Lo Jiaj yaa-Kopq fai?”
13ye-su tau, “haiq taub hopq naaiq nxm uamb Kwrtq Eei uam, Ga'haaq Jaav cvj haib Gaatq Eei. 14mq paag haiq taub hopq yia pun Eei uam, Jaav yetg liud maiq haib Gaatq. yia xij pun uaq Euvg uam yem ninb Eei Hruq Navq yetg zivq uam pctq Zwrtq taaib nx, pun ninb tu'q yetg liud Eei mcvg.”
15uaq taub msia'q txn cvj kxvq, “tomb kxj aa'b! Toq pun teij naaig Euvg uam yia hopq maa'b! yia zyrug yetg liud Jaav maiq Gaatq yaag maiq zu'g taaib naaiq zaavb uam.”
16ye-su Buaj ninb, “Rwrnj mivb heug meib Eei Goj Zauj Jyenq taaib naaiq maa'b!”
17uaq taub Janb mwavd tau, “yia maiq maaib Goj.”
ye-su kxvq, “meib kxvq maiq maaib Goj kevb zeid Eei. 18meib lovg Jiaj pyaa Txvj Goj mig a'q. ib zang lovg Jyenq naaiq taub yaag maiq zeid meib Eei Goj. meib Eei waag kevb zyen Eei.”
19Janb mwavd kxvq, “tomb kxj aa'b! yia pwatg meib zruj taub trug waag myenb. 20yia Bua Eei ovb Taaij yem naaiq nxm Bov zavg Tinb huvb, mq paag meib Bua yiu-Tai myenb kxvq hxpg zu'g yem ye-lu-saa-lem zivb zavg Tinb huvb.”
21ye-su kxvq Buaj ninb, “txg aa'b! syenj yia Eei waag maa'b! zyavb hog xij Tauj, meib Bua maiq yem naaiq nxm Bov yaag maiq yem ye-lu-saa-lem paaij zavg tiaj. 22meib Bua saa-maa-lia myenb maiq hiuq tu'q meib Bua zavg haiq taub. mq paag yia Bua yiu-Tai myenb zavg haiq taub yia Bua hiuq Eei, weig zu'g Fruj en yem yiu-Tai myenb taaib. 23uaq nxm zyavb hog xij Tauj, zuvq Tauj taaib a'q. zyenb zyen pua'g zavg zavg tiaj uaq teij, xij lovg sivj livb yaag lovg zyen leid zavg, weig zu'g zavg tiaj lxd naaiq Euvg myenb zavg ninb. 24Tinb huvb se sivj livb. zavg Tinb huvb Eei myenb xij zu'g lovg sivj livb Zauj zyen leid zavg.”
25uaq taub Janb mwavd kxvq Buaj ninb, “yia hiuq tu'q me-si-yaa, tovb Buaj heug ki-tug uaq taub, xij taaib. Tauj taaib uaq zang ninb zuvq xij Buaj Revg Euvb Euvg yia Bua.”
26ye-su kxvq, “tovb ib zang Zauj meib kxvq Jyenq waag naaiq taub se tovb uaq taub a'q.”
saib kxj Bua mivb muvq Rwrnj taaib a'q
27uaq zang saib kxj Bua Rwrnj taaib pwatg ye-su Zauj uaq taub Janb mwavd kxvq waag zyrug Namq maiq mevb pc'g.mq paag maiq maaib haiq taub naaig uaq taub msia'q txn, “meib taaib lxd haiq Euvg?” fai naaig ye-su, “zruj haiq Euvg Zauj ninb kxvq waag?”
28uaq taub Janb mwavd zyrug kwavg Jyenq ninb Eei niab ha'lrub uaq, Rwrnj muvq mivb Buaj yem muvq Eei myenb, 29“meib Bua taaib mavg kaaj, maaib taub myenb ninb kxvq Revg yia zruj Jiaj Eei Euvb Euvg sig. naaiq taub maiq zeid ki-tug fai?” 30zwavj myenb zyrug Zwrtq muvq mivb mavg ye-su.
31Janb mwavd Rwrnj mivb uaq zang, saib kxj Bua heug ye-su, “saib tiaj aa'b! Eang Naavj a'q.”
32mq paag ye-su Buaj ninb Bua, “Eang hopq yia maaib Eei. tovb yia maaib Eei uaq Euvg Eang hopq meib Bua maiq hiuq.” 33saib kxj Bua laanb naaig laanb, “maaib myenb txb Naavj taaib pun ninb Eang fai ni?”
34ye-su tau, “yia Eei Eang hopq se yia ei Jyenq Paaiq yia taaib uaq taub Eei za'eij zruj, yaag zruj zyavj ninb Eei kov. 35meib Bua maaib Jruj waag kxvq, ‘cvj maaib pyei Laaj Eia'g syru kcvb zwavj Eei zyavb hog Tauj a'q.’ yia Buaj meib Bua lovb lovj Eei mavg uaq Deig. Zunb kcv zua'g, syru tu'q a'q. 36ib zang syru kcvb zwavj Eei myenb tu'q ninb Bua Eei kovb zinb yaag syru kcvb zwavj weig pun tu'q yetg liud Eei mcvg. zwavj Eei myenb Zauj syru Eei myenb zyrug lomb Rxib a'Neiq. 37weig zu'g myenb kxvq, ‘maaib taub zwavj, maaib taub syru,’ uaq Jruj waag za'kevb zyen. 38yia Paaiq meib Bua mivb syru tovb meib Bua maiq Dxtq Qa'q zwavj Eei. kanb taub Dxtq Qa'q zwavj mq paag meib Bua pc'g pc'g tu'q ninb Eei Qa'q.”
saa-maa-lia myenb syenj Zamq Eei
39uaq nxm muvq Eei saa-maa-lia myenb Zamq Eei syenj ye-su weig zu'g uaq taub saa-maa-lia Janb mwavd zruj zxvb zevj kxvq, “ninb kxvq Zwrtq Revg yia zruj Jiaj Eei Euvb Euvg sig.” 40Navq naaig, saa-maa-lia myenb taaib lxd ye-su uaq zang, ninb Bua Toq ye-su Zauj ninb Bua yem uaq. ye-su zyrug Zauj ninb Bua yem i Nxi. 41weig ye-su kxvq Eei waag cvj maaib myenb Zamq Eei syenj ninb.
42naaiq teij myenb kxvq Buaj uaq taub msia'q txn, “ib zang yia Bua maiq zeid weig meib kxvq Eei waag syenj. yia Bua kanb haid ninb kxvq yaag hiuq tu'q naaiq laanb myenb za'kevb zruj paamb myenb Eei Fruj zyruq.”
ye-su zxg lovj tomb Jyen Eei txn
43Jiaj liud uaq teij i Nxi, ye-su Zwrtq Jauq mivb kaa-li-li scvq. 44ye-su kanb kxvq Jiaj, “trug waag myenb yem kanb Eei teib puv, kanb Eei myenb maiq Taaib ninb.”#matq-Taai 13:57; maa-Ko 6:4; lu-kaa 4:24 45Tauj kaa-li-li scvq, kaa-li-li myenb zipq ninb, weig zu'g ninb Bua yaag mivb ye-lu-saa-lem Jiaj siaj mcvg zipq zyrug tu'q pwatg ye-su zruj Eei yetg zuvq sig.#yo-han 2:23
46ye-su cvj Rwrnj kaa-li-li scvq, Kaa-naa laavd, tovb zinb Daavg ninb lovg uam zruj penj a'vung tiuq uaq nxm laavd. maaib taub huvb Eei tomb Jyen, ninb Eei txn yem Kaa-pe-naa-um muvq putq pcvg mig a'q.#yo-han 2:1-11 47tomb Jyen haid kxvq ye-su yem yu-Dia scvq taaib Tauj kaa-li-li, ninb zyrug mivb lxd, Toq ye-su mivb Kaa-pe-naa-um zxg ninb Eei txn. ninb Eei txn putq pcvg xij taig haig a'q.
48ye-su kxvq Buaj ninb, “sij kxvq meib Bua maiq tu'q pwatg yia zruj Javb hog Zauj Bua'g hxvb Eei sig, meib Bua zuvq maiq syenj yia.”
49tomb Jyen kxvq, “tomb kxj aa'b! Toq meib kan yia mivb maa'b! Raub heij yia Eei txn haib taig.”
50ye-su kxvq, “meib kunq Rwrnj a'q. meib Eei txn lovj a'q.”
uaq taub Jyen syenj ye-su Eei waag zyrug Rwrnj mig a'q. 51Rwrnj kau, pwatg ninb Eei pru Bua taaib Buaj ninb, “ib zang meib Eei txn lovj mig a'q.”
52ninb naaig ninb Eei pru, “yia Eei txn zyavb haaij lovj?” ninb Bua tau, “a'Nxi Ga'haaq aanj yetg nxm zyavb hog sin laavb mig a'q.”
53uaq taub txn Eei tia zyrug Javj zu'g za'kevb txij ye-su kxvq Buaj ninb, “meib Eei txn lovj a'q,” uaq nxm zyavb hog. ninb Zauj ninb Eei yetg pyauq myenb zyrug syenj ye-su Revg.
54naaiq se ye-su yem yu-Dia scvq mivb kaa-li-li scvq zruj ta'Eeig Rung Bua'g hxvb haig Eei Javb hog.
Nu geselecteerd:
yo-han 4: IuMiNOR
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
ฉบับอักษรโรมันโบราณ © Thailand Bible Society, 2007.
