Jon Mintamchonam
Mintamchonam
Jon gv Gamlv milambv minam si Jisunyi turbwngla doonv Pwknvyarnv gv gamchar gubv kaatamdo, yvvdw “Nyi gubv rilinla okv ngonugv dooku lo dooming gvkunv.” Kitap si atuv minsudo, so Gamlv sam vkvlvgabv lvkpvnv sum puririnv vdwv Jisunyi milvvnam Ringnv gubv, Pwknvyarnv gv Kuunyilo gubv vla mvngjwng morung dukubv, okv vbv bunugv ninyia mvngjwng kolokv bunu turnama paadu kubv (20:31).
Jisunyi Pwknvyarnv gv turbwngnv gamchar v vla kaatamro kochingbv minchonam Gamlv lo Jisu mvpu nvbv okv milv jinam Ringnv ngv, Pwknvyarnv gv Kuunyilo ngv vla kaatam nvnv bv lamrwpadubv mvnam rinam a kaatam jito. Ho kochingbv lamrwpadubv mvnam rinam gv lvga nga minji kunamv. Atung gonv kitaplo ogubv Jisunyi nyi tunggonv vdwv jvjvbv mvngla okv ninyia reming gvnvgubv rikunamv, vbvrijvka nyi tunggonv ninyia rinyingla okv ninyia mvngjwng manam gv lvga nga lvkto. Mvrwmvpa 13-17 lo Jisunyi naatungdw ariumlo ninyia reming gvnv vdwam Jisu gv doobam namamla ninyia takki madvbv ninyigv minpvripv okv mintv hartv jinam a mego lvkpv.
Lvknya nvnv mvrwmvpa lo Jisunyi naatung laku kvba baakanam, ninyi daapo lo takkinam, okv turkurkunam, okv turkurro kochingbv ninyi riming gvnv vdwlo kaatam siku nama lvkpv.
Rimurnv nyimv nga goknam higu (8:1-11) sum mvrwku arwng lo vvpvdo, ogulvgavbolo lvkchonam kitap vdwlo sum naala naa nyatoku. Vbvrijvka atung gonvlo hum lvkta toku.
Kristo gvlokv turbwngnam singnam okv Jisu lamtv ngv, jvjv ngv okv turnam v vla naarwksinv vdwam jinyubv amin jinam gv lvga nga Jon pvbwng vrwng yabv mindu. Jon gv lvknam gaam sum makar dubv gaam akonv minchisinam a, lokia gwnggvsinggv nvnv yikungyira nga minvnvto, ho hv yalu lvga am miring nvbv Isi, Vtwng, loung, Svlar kaayanv okv ninyigv Svlar, okv Anggor miami okv ho gv apw asi vnam vdw si.
Arwng lokv darlinnam
Rirapminrap kunam(1:1-18)
Jon Baptist okv Jisu gv lvbwlaksu richonv (1:19-51)
Jisu nyi vdwlo ridungripa rikunam (2:1—12:50)
Rinya alu okv Jerusalem nvchilo (13:1—19:42)
Turkurkunam okv Ahtu gv kaatamsikunam (20:1-31)
Lvknya: Galili lo lvkin guda kaatamsikunam (21:1-25)
Nu geselecteerd:
Jon Mintamchonam: TAG
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Tagin New Testament © NECTAR and The Word For The World International, 2018.