Lir. 15
15
Endakaano eya Wele ne Aburamu
1Enyuma we kamakhuwa kano, elomo eya Wele Omunyali Owa Bioosi yecha khu Aburamu mu malola ne eloma eli, “Aburamu, okharia tawe, Ese ndi engabo yowo, ne kumuruuru kwowo kulaba kumukali.”
2Ne kakhali Aburamu aloma ali, “Ee, Omwami WELE, okhambe sina, ese se ndikho no mwana tawe, ne oliila khu miaandu kiase ali Elieseri owa Damasika? 3Se wayimba omwana tawe. Nasioobi owasaalwa munju mwase niye oliila khu miaandu kiase.” 4Nio elomo eya Wele Omunyali Owa Bioosi yecha khu Aburamu lundi eli, “Nasioobi yuno se aliila khu miaandu kiowo tawe, omwana wowo niye osaala niye oliila khu miaandu kiowo.” 5#Bar. 4.18; Baeb. 11.12 Wele Omunyali Owa Bioosi amurusia enje mala aloma ali, “Lola khwikulu mala obale ching'enieesi, kaba bali onyala khuchibala. Lisaaye liowo lilaba lirio.”
6 #
Bar. 4.3; Bakal. 3.6; Yak. 2.23 Nio Aburamu asuubila Wele Omunyali Owa Bioosi mala Wele amubala ali, ali omuluungi.
7Mala Wele aloma ali, “Ese ndi Wele Omunyali Owa Bioosi owakhureera khukhwama mu sibala sia Uri sie Bakalitayo khu khua ewe sibala sino sibe sisiowo.”
8Nio Aburamu areeba ali, “Ee, Omwami WELE, manya ndiena ndi sibala sino silaba sisiase?”
9Amukobosia ali, “Nderere emasoti eyolile kimiiko kitaru, esubeeni eyolile kimiiko kitaru, limiiku liliolile kimiiko kitaru, ne liuusi ne libongo-bongo.” 10Mala amureerera bino bioosi, buli silala asikhalamo bitonyi bibili mala abianja lubeka ne lubeka ne khali chinyuni se achiikhalamo khabili tawe. 11Nga chingosia checha khu nyama che mbosio echo, Aburamu achioona.
12 #
Ayu. 4.13,14 Nga enyanga yaba ne elikho ekwa, liilo lisiro liaamba Aburamu, buuri bukali bwamuaamba mala enje yatimba timbo. 13#Khur. 1.1-14; Bikh. 7.6 #Khur. 1.1-14; Bikh. 7.6 Mala Wele Omunyali Owa Bioosi aboolela Aburamu ali, “Manya mu bung'ali oli lisaaye liowo baliba baakwa mu sibala sikhali sisiabwe tawe, mala baliba nasioobi ebweeneyo. Baliipisibwa siibi khulwe kimiiko chimia chine, 14#Khur. 12.40-41; Bikh. 7.7 ne kakhali ndireera sinyaasio khu sibala nisio balikholela nga banasioobi, mala enyuma wako baliruramo ne kimiaandu kimikali. 15Ne ewe wamwene okhafwe kamakora mala osiikhwe mu muleembe. 16Ne khu selukho ekhola khane, lisaaye liowo balikobola, sikila se kharusie mu sibala sino Baamori tawe khukhwola nga bumayaanu bwabwe bukhabe bukali nio libe mbo khukhwola mbaukuume.”
17Ne nga enyanga yakwa mala bwatiimba, kumulilo kwe liliisi kwaburukha, ne enjaso etirira biabiira akari we bitonyi bie embosio ebio. 18#Bikh. 7.5 #Bikh. 7.5 Khu ndaalo eyo, Wele Omunyali Owa Bioosi akhola endakaano ne Aburamu ne aloma ali, “Ndaelesia lisaaye liowo sibala sino, khukhwama khu luuchi lwa Misiri khukhwola khu luuchi luboofu, Efurati, 19sibala sie Bakenayi, Bakeini, Bakatimoni, 20Bahiti, Baperisi, Barefaimu 21Baamori, Bakanaani, Bakirikashi nende sie Bayebusi.”
Nu geselecteerd:
Lir. 15: LUBUKUSU
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
©Bible Society of Kenya, 2019