Lucas 3
3
Dxin le ruune lu yu biidx Juan bënni rkiile nis bunach
(Mt 3:1-12; Mr 1:1-8; Jn 1:19-28)
1Kati ziaj chiinu iz rnabe'e yëdz'lyu Tiberio César, Poncio Pilato gnabe'e Judea. Herodes gnabe'e Galilea len bënni bë'che'e Filipo gnabe'e Iturea len Traconítide, len Lisanias gnabe'e Abilene. 2Anás len Caifás nakgake pxuuz blou. Larakz dza ni, Dios bliidze Juan bënni xi'ine Zacarías lu yu biidx, 3len Juan gdëëde yëdz'du nakua' tza ra yeego Jordán len re' bunach ki rala lubi'ilaadxi'ike len Dios len ludiile nis, naar Dios gnit'lau'e xhtu'la'ake. 4Le ni guk ka nayoj lu Gich La'ay bzooje Isaías bënni be'e diidza ulaz kie' Dios:
«Chi'e bënni ruskua' zidzj lu yu biidx:
“Gulupa'a nëëz kie' Xanru;
Gulusaalj kie' nëëz li.
5Gap nak la'chi uba'a,
gdu gap nak lta' ra yedx ueak la'chi,
yugu nëëz bakawi lu'ueak dxia'a,
len yugu nëëz barsaki luba'a.
6Gdu yëdz'lyu gle'i le' bënni'a rsë'le'e Dios, usle' ro'u.”»
7Kati bunach gularooj naar jkiile leke nis Juan, le' re' leke: «¡Xi'in bel'! ¿Nuxh gudx lbi'ili ki gunn gxhunji'li yëla rsaka'zi' xhën'te le chi zua gdxin? 8Gulkëz bach chi nubi'ilaadxi'ili len ti gnaali lu ikj'laadxi'idau'li, “¡Netu nak'tu xi'in'xhzue' Abraham!”; Koma le nak'te rea' lbi'ili, Dios gun guune ga giaj ni lak ka xi'in'xhzue' Abraham. 9Lekz'ka', gia'waag chi zua rbëëz ki kchuug lu luit yaag. Yugute' yaag le ti rbia xhlu'li'i dxia'a, tuchuuge len tuzal'ke ley lgi'.»
10Na'ar bunach gulunaab'de le'
—¿Bixh rala gun'tu?
11Juan bubi'e diidza.
—Bënni de chop kë' xhe', gnëëdzje tu kie' bënni ti de xhe'; len bënni de le ga'we, gnëëdzje kie' bënni ti de le ga'we.
12Lekz'ka' guladxiine la'ke bënni tukiixhj'gake laaz'sua'ke ki Roma ki ludiile nis, len gulunaab'de Juan:
—Bënni useed ¿Bixh rala gun'tu netu?
13Juan re' leke:
—Ti tëëdi'li be'i jkiixhj'li tzka rala jkiixhj'li.
14Lekz'ka' la'ke bënni raja'ke gdil gulunaab'de le':
—Naxhka netu ¿Bixh rala gun'tu?
Gudxe leke:
—Ti bi kua'li ki bunach, ti gzeik'li'ne banaadx len ti gdxiak'li'ne xhgia' le ku tuune; len gdzag'laadxi'ili tzka raaxhj'li.
15Bunach nakua'gake tubaan'de len tunaabi kuin'ke xhki Juan nake le' Cristo; 16ati Juan gudxe yugute'ke: «Le nak'te, neda rkiila lbi'ili len nis, san ze'e tue' bënni jkiile lbi'ili len Bë' La'ay Kie' Dios lekz'ka' len gi'. Le' nap're yëla wak ka neda, len ti nak'kza bach kseedxa xhtui lë'le. 17Zëëne lu ne'e le rgui'ide bë' ki kchi'e xhua'xhtiil len ubiije xhpebi, gun'chi'e xhua'xhtiil lu liidxi, ati gzegie xhpebi lu gi' le ti uulkz.»
18Ka' gudxe leke na len ye la'k diidza, Juan rgixhji'ide bunach diidza kub dxia'a. 19Lekz'ka' gdil'leene Herodes bënni rnabe'e koma zua'leene'nu Herodías nguul kie' bënni bë'che'e, len lekz'ka' ki yugute' le ti nak dxia'a le chi beene; 20ati Herodes, byali'ide ruune le ku nak, len glu'e Juan liidx'gia.
Jesús rdiile nis
(Mt 3:13-17; Mr 1:9-11)
21Kati Juan rkiile nis bunach lekz'ka' pkiile nis Jesús; len tzal rui'leene diidza Dios, byaalj yewayuba 22len Bë' La'ay kie' Dios bëtje ga zue', blui' lau'e ka tuuba palom, len byën tu chi'i za' yewayuba le rna:
—Li' naku Xi'ina, nadxi'itzkida li', len rdzag'laadxa'a li'.
Xuuz xhne'e guul Jesús
(Mt 1:1-17)
23Ka chi'urua' iz yu'e Jesús kati gzulau'e ruune xchiine. Guke xi'ine José ka gulumbe'e le' bunach. José guke xi'ine Elí, 24Elí guke xi'ine Matat, Matat guke xi'ine Leví, Leví guke xi'ine Melquí, Melquí guke xi'ine Janai, Janai guke xi'ine José, 25José guke xi'ine Matatías, Matatías guke xi'ine Amós, Amós guke xi'ine Nahúm, Nahúm guke xi'ine Eslí, Eslí guke xi'ine Nagai, 26Nagai guke xi'ine Máhat, Máhat guke xi'ine Matatías, Matatías guke xi'ine Semeí, Semeí guke xi'ine Josec, Josec guke xi'ine Joiadá, 27Joiadá guke xi'ine Johanán, Johanán guke xi'ine Resá, Resá guke xi'ine Zorobabel, Zorobabel guke xi'ine Salatiel, Salatiel guke xi'ine Nerí, 28Nerí guke xi'ine Melquí, Melquí guke xi'ine Adí, Adí guke xi'ine Cosam, Cosam guke xi'ine Elmadam, Elmadam guke xi'ine Er, 29Er guke xi'ine Jesús, Jesús guke xi'ine Eliézer, Eliézer guke xi'ine Jorim, Jorim guke xi'ine Matat, 30Matat guke xi'ine Leví, Leví guke xi'ine Simeón, Simeón guke xi'ine Judá, Judá guke xi'ine José, José ki guke xi'ine Jonam, Jonam guke xi'ine Eliaquim, 31Eliaquim guke xi'ine Meleá, Meleá guke xi'ine Mená, Mená guke xi'ine Matatá, Matatá guke xi'ine Natán, 32Natán guke xi'ine David, David guke xi'ine Jesé, Jesé guke xi'ine Obed, Obed guke xi'ine Booz, Booz guke xi'ine Sélah, Sélah guke xi'ine Nahasón, 33Nahasón guke xi'ine Aminadab, Aminadab guke xi'ine Admín, Admín guke xi'ine Arní, Arní guke xi'ine Hersón, Hersón guke xi'ine Fares, Fares guke xi'ine Judá, 34Judá guke xi'ine Jacob, Jacob guke xi'ine Isaac, Isaac guke xi'ine Abraham, Abraham guke xi'ine Térah, Térah guke xi'ine Nahor, 35Nahor guke xi'ine Serug, Serug guke xi'ine Ragau, Ragau guke xi'ine Péleg, Péleg guke xi'ine Éber, Éber guke xi'ine Sélah, 36Sélah guke xi'ine Cainán, Cainán guke xi'ine Arfaxad, Arfaxad guke xi'ine Sem, Sem guke xi'ine Noé, Noé guke xi'ine Lámec, 37Lámec guke xi'ine Matusalén, Matusalén guke xi'ine Henoc, Henoc guke xi'ine Jéred, Jéred guke xi'ine Mahalaleel, Mahalaleel guke xi'ine Cainán, 38Cainán guke xi'ine Enós, Enós guke xi'ine Set, Set guke xi'ine Adán, Adán guke xi'ine Dios.
Nu geselecteerd:
Lucas 3: PZD
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
© Sociedad Biblica de México AC