Gn 5
5
Eb' li ralal xk'ajol laj Adán
(1 Kr 1,1-4)
1A'aneb' a'in li xk'ab'a'eb' li ralal xk'ajol laj Adán. Sa' li kutan kiyoob'tesiik wi' xb'aan li Yos, laj Adán kik'ehe'k jo' xjalam u li Yos. 2Teelom ut ixq naq ke'yoob'tesiik.#5,2 Mt 19,4; Mk 10,6. Li Yos kirosob'tesiheb'#5,1-2 Gn 1,27-28. ut “poyanam” kixk'e cho'q xk'ab'a'eb' sa' li kutan ke'yoob'tb'esiik wi'.
3Lajeeb' xwuqk'aal (130) chihab' wank re laj Adán naq kiwank chik jun ralal jo' tz'aqal xjalam u, jo' rilob'aal a'an; aj Set kixk'e cho'q xk'ab'a'. 4Chirix xyo'lajik laj Set, laj Adán toj kiwank chik wiib' o'q'ob' (800) chihab' sa' li ruuchich'och', ut ke'wank ralal xk'ajol. 5Lajeeb' xwuqka'k'aal rox o'q'ob' (930) chihab' wank re laj Adán naq kikamk.
6Oob' xwaqk'aal chihab' (105) wank re laj Set naq kiyo'laak laj Enós. 7Chirix xyo'lajik laj Enós, toj wuqub' rox o'q'ob' chihab' (807) kiyo'yook laj Set sa' ruuchich'och', ut ke'wank ralal xk'ajol. 8Kab'laju xwaqk'aal rox o'q'ob' (912) chihab' wank re laj Set naq kikamk.
9Lajeeb' ro'k'aal (90) chihab' wank re laj Enós naq kiyo'laak laj Kenán. 10Chirix xyo'lajik laj Kenán, toj o'laju rox o'q'ob' (815) chihab' kiyo'yook laj Enós sa' ruuchich'och', ut ke'wank ralal xk'ajol. 11Oob' xwaqk'aal rox o'q'ob' (905) chihab' wank re laj Enós naq kikamk.
12Laj Kenán lajeeb' xkaak'aal (70) chihab' wank re naq kiyo'laak laj Mahalalel. 13Chirix xyo'lajik laj Mahalalel, toj ka'k'aal rox o'q'ob' (840) chihab' chik kiyo'yook laj Kenán sa' ruuchich'och', ut ke'wank ralal xk'ajol. 14Lajeeb' xwaqk'aal rox o'q'ob' (910) chihab' wank re laj Kenán naq kikamk.
15Laj Mahalalel oob' xkaak'aal (65) chihab' wank re naq kiyo'laak laj Yéred. 16Chirix xyo'lajik laj Yéred toj lajeeb' xka'k'aal rox o'q'ob' (830) chihab' chik kiyo'yook laj Mahalalel sa' ruuchich'och', ut ke'wank ralal xk'ajol. 17O'laju ro'k'aal rox o'q'ob' (895) chihab' wank re laj Mahalalel naq kikamk.
18Laj Yéred wiib' xb'eleek'aal (162) chihab' wank re naq kiyo'laak laj Enok. 19Chirix xyo'lajik laj Enok, toj wiib' o'q'ob' (800) chihab' chik kiyo'yook laj Yéred sa' ruuchich'och', ut ke'wank ralal xk'ajol. 20Wiib' xb'eleek'aal rox o'q'ob' (962) chihab' wank re laj Yéred naq kikamk.
21Laj Enok oob' xkaak'aal (65) chihab' wank re naq kiyo'laak laj Matusalén. 22Laj Enok kiwank sa' sum'aatin rik'in li Yos. Chirix xyo'lajik laj Matusalén toj o'lajuk'aal (300) chihab' chik kiyo'yook laj Enok sa' ruuchich'och', ut ke'wank ralal xk'ajol. 23Chixjunil li xyu'am laj Enok a'an oob' xb'eleelajuk'aal (365) chihab'. 24Laj Enok kiwank sa' sum'aatin rik'in li Yos. Sa' jun kutan ink'a' chik ki'ile'k ru, xb'aan naq kolsaapuuq xb'aan li Yos.#5,24 Eklo 44,16; 49,14; Sab 4,10-11; Heb 11,5; Jud 14.
25Oob' xlajeek'aal (187) chihab' wank re laj Matusalén naq kiyo'laak laj Lámek li ralal. 26Chirix xyo'lajik laj Lámek toj wiib' xkab' ro'q'ob' (782) chihab' chik kiyo'yook laj Matusalén sa' ruuchich'och', ut ke'wank ralal xk'ajol. 27B'eleeb' xb'eleek'aal rox o'q'ob' (969) chihab' wank re laj Matusalén naq kikamk.
28Wiib' xlajeek'aal (182) chihab' wank re laj Lámek naq kiyo'laak jun ralal, 29aj Noé kixk'e cho'q xk'ab'a', xb'aan naq kixye: “Li Qaawa' kixtz'eqtaana li ch'och'. Ab'an li k'uula'al a'in tixk'ojob' qach'ool chirix li kawil k'anjel naqab'aanu”, chan laj Lámek. 30Chirix xyo'lajik laj Noé, toj o'laju xlajeek'aal xkab' o'q'ob' (595) chihab' chik kiyo'yook laj Lámek sa' ruuchich'och', ut ke'wank ralal xk'ajol. 31Wuqlaju xb'eleelajuk'aal xkab' o'q'ob' (777) chihab' wank re laj Lámek naq kikamk.
32Laj Noé o'k'aal xkab' o'q'ob' (500) chihab' wank re naq ke'yo'laak laj Sem, laj Kam ut laj Jafet, eb' li ralal.
Nu geselecteerd:
Gn 5: QQC
Markering
Deel
Kopiëren
Wil je jouw markerkingen op al je apparaten opslaan? Meld je aan of log in
Q'eqchi DC Bible © Bible Society in Guatemala, 2005.