Populære bibelvers fra Ranehlö 32

Del

Ngaich ngöṙô Angā-aṅ, Öt ngöhören an ngam minë-eny meh nö Yāköp, Israĕl pöri: pò meh kanô-òṅvö im Tēv i tarik inrē, ngaich mihôiṅ.

Ngaich ngöṙô Angā-aṅ, Hökngen chu ngaich, tön ngaich ön nö hòṅ peuheū. Ngaich ngöṙô angā-aṅ, Hö-ö chin hòṅ hökngen Meh kiröönngöre, yē Meh öt hòṅ hakôlò chu.

Ṙā-ai ang Yāköp nöng hĕngtit töṙah; ngaich hĕng tak ök tarik umuh lā-al ò nö tirīp hanöngsaha minlīlö ngam peuheū.

Ngaich ang Yāköp nö kaheuk minë-eny ök chūökö nö Penīĕl: pò chu kôta mat meukkūö ngam Tēv, ngaich aṙēlöng ngih nômö chu.

Ngaich hē Ò nö meūköre nö ötkô nö lā-al ò, lūölkö el katòh takeun ò ngaich angā-aṅ; ngaich ök el katòh takeun Yāköp nö nyūtöre i saha Ò nö tirīpan.

Ngaich ngöṙô Angā-aṅ tö ò, Chīö ap minë-eny meh? Yāköp, ngaich ngöṙô angā-aṅ.

Ngaich Yāköp nö hatönan, nö ngöṙô, Vë-ekūö Meh chin, vë-eny nang chu Man töp minë-eny Meh. Ngaich ngöṙô Angā-aṅ kūöyòh ö hòṅ hatön mine-eny chu? Hakôlò ò ngaich Anga-aṅ nö umuh.

Ötkanô-òṅvö chin höng rahëichvat tö nup töpōyen neūkölōn, nup hameuktö Meh i ngòh kūön alaha Meh; pò chu yih ngaich havāngngö kui Yôtön öich holtö vē tarikre; ngaich chin pöri öich nët kiteūm.

Lökten yin vē kūön Israĕl söl ing töngamuh, nö öt kāḵ lanūötlö ip kūö takeun, öp lamöklö el katòh takeun; pòn lūölka el katòh takeun Yāköp nö ip lanūötlö kūö takeun.

Ngaich Yāköp nö ngöṙô, Ō Tēv, öp yöng chu inrē Isāk, Ō Mā Tēv, më-eṅ tö ngöṙô, tö chu, Havantöre man ip panam meh, i makalaha meh inrē, Hakôlò meh Chin min

Vë-ekūö Meh chin, Öm ṙānyen chu, ṙā-ang eltī öp mëm chu, ṙā-ang eltī Isô: tön pa-ekūö chin tö ò, hòṅ ò nö öt yih min nö fëlngen chu, töm yöngnyiö nö holtö më kūönre.