Populære bibelvers fra T. LŪKÖS 7

Del

Lökten Chin ngö ṙô tö meh, Nup tökööl ò, nup töpōyen, nö aṙēḵlöngö; pò ò nö pōyen hanāngenlōn. Ngòh törahëichyen inṙēlö pöri, ngaich rahëichyen hanāngen? Ngaich ngö ṙô Ò tö ngam kikānö, Aṙēḵlöng nup tökööl meh.

Ngaich ngö ṙô Ò tö ngam kikānö, Ap mikah meh ap mahayööken meh. Kumchik ngöröönre man ngaich kuṙòh kiröönngöre.

Sökhaka anga-aṅ nö la-uk kunröön Ò, nöng peuiny; ngaich mu-uhôngi kunröön Anga-aṅ tö makmat ò; ngaich chūtö anū-ö tö ò nö aṅtī tö keūyöre; ngaich hāṅmökūö nuk kunröön Ò tö ò; ngaich hachāmö anū-ö tö ök tötahūsa tavī-i.

Lökten chu ötrēhĕn lōnuvö tö yinihtöre in Meh kūö e. Höng ṙô-òvö Man yĕh; ngaich kô-òren ap kūön chu min nö lööken. Pò chu chu-ö inrē me-elkatòh chöngö; aṅhaṅv elkatòh inrē chu-ö tö kumyung. Ngaich hĕng taka tahölṙô chu-ö tö ngòh, Kuṙòh, öich ngö; ngaich kô-òren anga-aṅ nö kiröönngöre. Hēk, Ta-ih, ngö tö ngam tahëng taka; ngaich kô-òren anga-aṅ nö yihtöre. Hēk, La-evṙen man, ngö chu-ö tö ngòh kūönre; ngaich kô-òren anga-aṅ nö la-evṙen tö e. Höng hangtöre Yēsū tö u, ngaich uṙeh Anga-aṅ tö ò; havööhöl Anga-aṅ tökūöre, ngaich ngö ṙô Ò tö yik tömaṙôngö, tamömrit Ò, Ngö ṙô Chin tö yīö, öt kanôtuvökūö Chin tö töngatī ṙôken mikah, höngröö rö-övö nö i Israĕl.

Hē e Anga-aṅ nö halanken yik tö maṙôngö tövahvö, yik töpōihangen, ane inrē tö sī-u alaha; kētö mat yik tömaṙôngö tötmeuk inrē. Ngaich ngö ṙô Anga-aṅ nö sapṙô cha, Kuṙòh, kiröönngöre nan; ve-enynang Yôhan tö nup maheuṅkre, nup ahangre inrē; tö vē tötmeuk nö teūngen tö matre; vē tökaròk nö kiröönngöre; vē töyeūnyu nö lööken; ane inrē vē töthang nö hang; hachohlöng inrē tökapah; mikahtuṙen vē yāich, tö ngam tölöök inhānga.