Populære bibelvers fra T. LŪKÖS 8

Del

Nup me-el tölöök tumlat, cha-a yip tölöök, tökô-en ellōn, hamang ngam ṙô, haköpngöre ngaich, ip manööyö, ngaich nö ṙônguvö.

Nup famuk ël nup töchökhukūö, cha-a yip hamang, ngaich yē rô-òten cha, ngaich nup kanôlò, lōn ane inrē minyam, nö rāingökui tī tö cha; ngaich öt taneūnguṙen cha-a tö ṙòng.

Nup mi-i kui ihong, cha-a yip hamang, ngaich ṙāmölōn sin nö hōḵo ngam ṙô, ötṙēhĕvö pöri cha-a; yip töng rahëichtaṙen nö ṙātö ellōnre, ngaich ṙāngenre, hē el kanihngen.

Ngaich ngö ṙô Anga-aṅ tö cha, Isuh ap mikah yīö? Pa-ekūö ngaich cha-a, hĕnghöre pingangkūö; ngaich ngö ṙô cha-a tö höö, Achīö angvö ngòh tamölṙô ngam kuföt, ngam mai inrē ngaich hāngö ṙô.

Nup mi-i taseū talöökö, cha-a yip hamang yihtöre ngaich ngam sī-ö, nö kēḵngö ap ṙô nö ellōn cha; pòn sōtu cha-a nö ṙātö ellōnre, ngaich hayöökaṙen.

Pòn rö-övö nö töhayunkavö öp töthanmeukten min; ötrēhĕn nö tö-ulāikavöṙen, öp töt akahaiṙen, ane inrē tö-ötteungtökūö nö im hanātö.

Höng meuktöre ngam kikānö töre nö öt hayunkaṙen, ngaich pa-ekūö anga-aṅ, ve-eny ap löktötīre anga-aṅ nö lūölken Ò, i kūö më tömaṙôngö tarik; tö ò inrē nö lööken. Ngaich ngö ṙô Ò tö ò, Kakūönö, ap mikah meh ap tölöökentī tö meh. Kumchikngöröönre man kuṙòh kiröönngöre.

Yihtöre cha-a nö in Ò nö kilanglen Ò, nö ngö ṙô: Mahaköhöti, Mahaköphöti, ötkôlò in. Ngaich choholre anga-aṅ, ngaich vëkö ngam kuföt, ngam ëlmai inrē; ngaich ṙāngenre anū-ö, ngaich kalūöng.