Populære bibelvers fra wandījo 26

Del

Ikalaga ū mu sī yenīyī ikanza ho, nakūbiza hamò nang'ho; na nakūkūfuuha. Nguno pyī ī sī jenīji nakūkwinha, jibize wingīji wako hamò na shibyalīlwe shako; na nakūgūshikīlīgīja ū mhayo ūyo nang'wilahīlīla so Abulahamu.

Ī Shibyalīlwe shako nakūshīta shibize na banhū bingī gītī sonda ja ng'wigūlū. Nīyo nakūbinha pyī ī sī jenīji, hama pye a mahanga ga mu sī gakwanukūla mu nzīla ya būbyīle wako. Nguno ū Abulahamu walī aniigwile, washimīzīlaga mu katongeelele kane; na a malange gane walī agadimile, pye na a kahelele nī shilagīlo shane.”

Ūsegeja wīnga a h'ipandī lyenīlo, ūūkasīmba lūngī; lelo atigelile munhū wa kūbikoloosha a ha lwenūlo. Ū lwene ūlwitana Lehoboti, ūhaya gīkī, “Ī haha lūūlū ū SEEBA watwinha ng'wanya gwa kwigalīhīja, na kūkwīla mu sī.”

Ū SEEBA ūng'wilongela ū Isaka ūng'wīla gīkī, “Ūtizūja Misili, ikalaga mu sī īyo nalīkūwīla kwikala.

Ū Isaka ūbeeja ng'walīlo a henaho; ūlīkumīlīja ī lina lya ng'wa SEEBA; ūtūūla ho na ng'hambī yakwe. A batūmami bakwe būsīmba lwinzī ho.