Populære bibelvers fra Y-Yôhan 10

Del

Mnuih knĕ hriê knŏng čiăng tlĕ, bi mdjiê, leh anăn bi rai. Kâo hriê leh čiăng kơ phung biăp dưi mâo klei hdĭp, leh anăn mâo klei hdĭp êbeh dlai.

Kâo jing mgăt biăp jăk. Mgăt biăp jăk jao klei hdĭp ñu pô kyua phung biăp.

Phung biăp Kâo hmư̆ asăp Kâo, Kâo thâo kral digơ̆, leh anăn digơ̆ tui hlue Kâo.

Leh anăn Kâo brei kơ digơ̆ klei hdĭp hlŏng lar, leh anăn digơ̆ amâo srăng rai luč ôh, leh anăn amâo mâo pô srăng kdhăk mă digơ̆ mơ̆ng kngan Kâo ôh.

Kâo jing ƀăng bhă. Tơdah hlei pô mŭt ti Kâo, ñu srăng tlaih, srăng mŭt leh anăn kbiă, leh anăn ƀuh rơ̆k ƀơ̆ng.

Kâo jing mgăt biăp jăk. Kâo thâo kral phung biăp Kâo, leh anăn phung biăp Kâo thâo kral Kâo

Ama Kâo, Pô brei leh digơ̆ kơ Kâo, jing prŏng hĭn kơ jih jang, leh anăn amâo mâo pô dưi kdhăk mă digơ̆ mơ̆ng kngan Ama Kâo ôh. Kâo hŏng Ama jing sa.”

msĕ si Ama thâo kral Kâo, leh anăn Kâo thâo kral Ama; leh anăn Kâo jao klei hdĭp Kâo pô kyua phung biăp.

Amâo mâo pô ƀlêč mă klei hdĭp Kâo mơ̆ng Kâo ôh, ƀiădah Kâo jao gơ̆ tui si Kâo pô čiăng. Kâo mâo klei dưi jao gơ̆, leh anăn Kâo mâo klei dưi lŏ mă gơ̆. Klei mtă anăn Kâo mă tŭ leh mơ̆ng Ama Kâo.”

Yêsu lŏ lač kơ diñu, “Kâo lač kơ diih klei sĭt nik, Kâo jing ƀăng bhă kơ phung biăp.

Hlei pô jing mgăt arăng mưn amâo djŏ mgăt biăp ôh, kăn jing pô biăp rei, ƀuh asâo tan hriê, lui hĕ phung biăp leh anăn đuĕ mtam. Asâo tan mă phung biăp leh anăn prŭng digơ̆.

“Kâo lač kơ diih klei sĭt nik, hlei pô amâo mŭt ôh ti ƀăng bhă war biăp, ƀiădah đĭ mŭt ti êlan mkăn, mnuih anăn jing sa čô knĕ leh anăn mnuih tlĕ mmiă.