Populære bibelvers fra JENESIS 32

Del

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

Uta u briew u ong, “Pyllait noh ïa nga; ka la sdang kynjat shai.” “Em, ngan ym pyllait, lymda me kyrkhu ïa nga,” ong u Jakob.

hynrei u la sah shadien marwei. Nangta uwei u briew u wan bad u la ïalympat bad u haduh ban da jan kynjat shai.

U Jakob u la ong, “Nga la ïohi ïa U Blei markhmat, bad nga dang im hi.” Kumta u la khot kyrteng ïa kata ka jaka, Ka Peniel.

Haba uta u briew u ïohi ba um lah jop ïa u Jakob, u kura ïa u na ka skhep; bad kata ka skhep jong u ka la lait.

“Kaei ka kyrteng jong me?” uta u briew u kylli. “U Jakob,” u jubab.

U Jakob u la ong, “Mynta ïathuh ïa nga ïa ka kyrteng jong me.” Hynrei u la jubab, “Balei me kwah tip ïa ka kyrteng jong nga?” Nangta u la kyrkhu ïa u Jakob.

Ngam long uba bit dor ban ïohpdiang ïa baroh ka jinglehisynei bad ka jingieit baïaineh ba me la pynpaw ha nga, u shakri jong me. Nga la jam ïa ka wah Jordan tang bad u diengduh jong nga, bad mynta pat nga la wan phai bad kine ar ki kynhun.

Wat haduh mynta mynne, ki khun ki ksiew jong u Israel kim ju bam ïa ka dohksah kaba halor ka shyieng skhep, namar dei ha kata ka dohksah ba u Jakob u la shah kura.

Nangta u Jakob u la duwai, “A U Blei jong u parad jong nga u Abraham, bad U Blei jong u kpa jong nga u Isaak, to shahshkor ïa nga! Me la bthah ïa nga, A TRAI, ban leit phai pat sha la ka ri bad sha la ki kur ki jait, bad men pynbiang ba kiei kiei baroh kin ïaid beit bad nga.

Nga kyrpad ïa me ba men pyllait ïa nga na ka kti u Iso u hynmen jong nga. Nga sheptieng — sheptieng ba u wan ban ïaleh bad pynïap lut ïa ngi baroh, wat ïa ki kynthei bad ki khynnah ruh.