Populære bibelvers fra JENESIS 39

Del

U TRAI u la don ryngkat lem bad u Joseph bad u la pynmanbha ïa u.

Kumta u Potiphar u aiti ïa kiei kiei baroh kat kiba u don ha ka jingpeit u Joseph, bad um shym pynkhuslai ei ei shuh ïa lade lait tang ka bam ba u ju bam.

U la buh ïa u Joseph ban khmih ïa kiwei pat ki koidi kiba don hangta, bad u la buh jingkitkhlieh ha u ïa kawei pa kawei ka kam kaba la ju leh hangta.

bad u la phah kem ïa u Joseph bad u set ïa u ha ka byndi ha ka jaka ba la set ïa ki koidi jong u syiem, bad hangta la pynsah ïa u. Hynrei U TRAI u don ryngkat lem bad u Joseph bad kyrkhu ïa u, ba kumta u nongap byndi u la sngewbha eh ïa u.

U Joseph u long uba dap shynrang bad uba bhabriew lymphuin, bad hadien khyndiat por, ka tnga jong u kynrad jong u ka la sdang ban ikwah ïa u Joseph, bad ka la ong ïa u ban leit thiah bad ka. U la kyrngah bad u ong ha ka, “Ha khmih, u kynrad jong nga um donkam ban pynkhuslai shuh shaphang ïa lade bad kano kano ka kam hapoh ïing, namar nga don hangne. Ha kane ka ïing, nga don kajuh ka iktiar kumba u don, bad um shym la tyngkai ei ei shuh na nga lait noh tang ïa phi. Kumno keiñ nga lah ban leh kat ïa kata ka kam runar, bad ban leh pop pyrshah ïa U Blei?”

Hynrei ha kawei ka sngi haba u Joseph u leit rung shapoh ïing ban trei ïa la ka kam, uwei ruh na ki shakri ïing um don. Ka la tan ïa u na ka jaiñkup, bad ka ong, “Ale thiah bad nga.” Hynrei u la lait phet bad u la mareh shabar da kaba iehnoh ïa la ka jaiñkup ha ka kti jong ka.