Populære bibelvers fra Лука 17

Del

ЕтӀанэ Исус а лӀым риӀуагъ: – Тэджи кӀожь, уишӀошъхъуныгъэ уигъэхъужьыгъ.

Зы мафэм къыкӀоцӀ гъогогъуиблэ оркӀэ псэкӀод ышӀэмэ, къыгъэзэжьэу, «СыкӀэгъожьыгъ» ыӀомэ, фэгъэгъужь.

Ахэмэ ащыщэу зым зэрэхъужьыгъэр зелъэгъум, мэкъэшхокӀэ Тхьэм щытхъу фишӀэзэ къыгъэзэжьыгъ. Исус ылъакъохэм адэжь бгъэгукӀэ зыщыридзыхи, щытхъу фишӀыгъ. А лӀыр Самарие хэкум щыщыгъ.

Арышъ, шъузфэсакъыжь. О пшы псэкӀод ышӀэмэ, ар зэрэпсэкӀодыр еӀожь, кӀэгъожьмэ, фэгъэгъу.

– НэбгырипшӀыр къабзэу хъужьыгъэба? – къыӀуагъ Исус. – Адрэ нэбгырибгъур тыдэ хъугъэха?

– Андэгурацэм фэдизэу шӀошъхъуныгъэ шъуиӀэу, мы ынджыр чъыгым «Зыкъыхэтхъыжьи, хым зыщыхэшӀэжь» ешъуӀомэ, къышъодэӀущт, – къыӀуагъ Зиусхьаным.

Хэтми зыпсэ мыкӀодэу къызэригъэнэжьыщтым ыуж итым ыпсэ шӀокӀодыщт, ау хэти зыпсэ зышӀокӀодырэм ыпсэ мыкӀодэу къыгъэнэжьыщт.

– ЦӀыфхэм псэкӀод ашӀэнэу дэзыхьыхырэ Ӏофхэр къэхъунхэ фае, ау а Ӏофхэр къызпкъырыкӀырэ цӀыфыр гъогу мыгъо теуцуагъ, – ариӀуагъ Исус игъогу рыкӀохэрэм. – А цӀыфым мы цӀыкӀухэм ащыщэу зыгорэм псэкӀод ышӀэнэу дихьыхыным нахьи, мыжъошъхьал ежь ыпшъэ рашӀэу хым хадзагъэмэ, ежьыркӀэ нахьышӀущтыгъ.

– Пегъымбар Нухьэ имафэхэм адэжь Ӏофхэр зыфэдагъэхэм фэдэу, ЦӀыф Лъэпкъым ы Къо дунаим къызщыкӀожьыщтым ыпэрэ мафэхэм Ӏофхэр афэдэщтых. ЦӀыфхэр шхэщтыгъэх, ешъощтыгъэх, къащэщтыгъ, дакӀощтыгъэх, Нухьэ къухьэм зитӀысхьэгъэ мафэм нэсыфэкӀэ. ЕтӀанэ псы къиугъэшхор къакӀуи, ахэр зэкӀэ ыгъэкӀодыгъэх.