Populære bibelvers fra ỊJỌN 10

Del

Oloyi kaa ka ẹpwa nya ọngịnyị ehe, chajị nyọka hu ang yoyi bwu ụwa bala ọ-nwụ ọngịnyị ịlụwa bala ọ-ka ta ang myị́ ang ịlụwa wuu ayịreji. Ma, am lẹ, m tị warị wẹ odehe ọlẹ, chajị ká angịnyị ehe ka jẹ́-ẹ bwulam la ọhịhị nya Ohe Oluhye, kị ka jẹ́-ẹ la ọhịhị ọọwa mwụ aba ba ịnyị!”

“Am kpakpakpa a ri ọngọgbikpịlọ ọnyịịla lẹ! Ọngọgbikpịlọ ọnyịịla kaa nwụlanọ nyọka gbu wọnụ nya ịkpịlọ nyamwụ ju.

Angịlẹ kị ri ịkpịlọ nyam kaa wo omyi nyam. Am ayịdang tị jẹ́ ịkpịlọ nyam yẹẹyẹẹ. Ịkpịlọ ịịwa tị kaa bam jẹ ịnyịnyị.

M ya ọhịhị ọmyịmyị-ka haa lẹ. Ịwa ayịdang á ka gbu kpá ẹnẹnẹhẹ kaka. Ọngọngọhẹ á tị jẹ́-ẹ jwaa gbile kpa rụ la agbụrụ bwu ẹpwụtụbwọ nyam myị́ kpong-kpong kaka ịnyịnyị.

Am kpakpakpa a ri ọnụ ụgbẹyị o-bwu ka ube nya ịkpịlọ nya Ohe Oluhye ọọwa lẹlẹ. Lẹ, ọng myị́ ọng ọlẹ kọ ka myị-ị bwu ẹga nyam jụ kele ka ube nya ịkpịlọ ọọwa lẹ aalẹ, ọ ka chịda lẹ. Aalẹ, ọngọọwa ka la ọngịrị juwa jụ bwu ọnang nya ube ọọwa kpehe bala ọ-jụ ka ẹpwang, ka juwa tịtọ nya ang oriri jaabwọ kọ họ́ọ kaka ba myị́ ịnyịnyị lẹ.

Am kpakpakpa a ri ọngọgbikpịlọ ọnyịịla ọọwa lẹlẹ. Ịkpịlọ nyam jẹ́m datị hi angịkịla. Am ayịdang tị tịtị jẹ́ ịkpịlọ nyam ịịwa yẹẹyẹẹ.

Ohe Oluhye Adam ọlẹ kọ kpa angịwẹ wam a ri Agụgụ ọlẹ kọ gụ ọng myị́ ọng wuu lẹlẹ. Ọngọngọhẹ á juwa ọlẹ kọ ka jụ angịịwa gbile kpa rụ la agbụrụ bwu ẹpwụtụbwọ nya Adịda ọọwa myị́ kpong-kpong kaka. Am bala Adịda ọọwa ayịdang tị ri ọngịnyị ọngọ ookpokpo.”

Chajị, ịnyịnyị Adịda ayịdang a jẹ́m yẹẹyẹẹ bala, am, ọ-tịtị jẹ́ Adam yẹẹyẹẹ lẹlẹ. Am ayịdang nwụlanọ kam ka gbu wọnụ nya ịkpịlọ nyam ịịwa ju lẹ.

Ọngọngọhẹ ọkịla á juwa ye ọhịhị nyam ọọwa bwu ẹga nyam ka. Ma, am ayịdang a wẹẹ tụụbwọ hyoo deeji la ịlọm lẹ. Chajị, m la ọngịrị nyọka tụụbwọ hi ọhịhị nyam deeji la irya nya ịlọm myị́ bala ọ-ka hwoo bwu eji myị́ ịnyịnyị. Chajị, ịnyị, Ohe Oluhye Adam, a dam ehile yẹkẹẹ, am nyị họ lẹ.”

Ịnyị, iJisọsị a myịmyị byaa yẹkẹẹ, “Am kpakpakpa a ri ọnụ ụgbẹyị o-bwu ka ube nya ịkpịlọ nya Ohe Oluhye lẹ.

Ma, ọngọlẹ kị tị diro-diro kaka gbe ịkpịlọ nya okpoko, kọọwa ayịdang á la ịkpịlọ ịịwa ka lẹ, ụka kọ yẹ odọmwụu kọ juwa warị, ọ kaa rụnyẹ rụ hi ịkpịlọ ịịwa. Ọọwa lẹ, odọmwụu ọọwa, a kaa kele kaka wu ịkpịlọ ịịwa bala o-nyaa epepe wuu lẹlẹ.

IJisọsị myịmyị byaa yẹkẹẹ, “Nya ịlẹhị-ịlẹhị, m byinu yẹkẹẹ, ọng myị́ ọng ọlẹ kọ jụ bwu ọnụ nya ụgbẹyị kele ka ẹpwụ nya ẹpwang nya ịkpịlọ ka, kọ ri ká ọngọọwa á kpụ uhye bwu ẹga ọkịla kele aalẹ, oloyi, ọngọọwa a ri lẹ!