Populære bibelvers fra NINGPAWT NINGHPANG 3

Del

Hpun dai gaw sha na matu mai kaja ai mung, myi a matu yu chyoi nga ai mung, hpaji lu la na matu sharawng awng ai hpun rai nga ai mung, dai numsha gaw mu wu jang, dai hpun hta na asi di sha wu ai: madu wa hpe mung shi agaw jaw wu ai rai nna, shi mung sha wu ai.

Ya dai lapu gaw, Yehowa Karai Kasang galaw ai nam mali na dusat nhprang mahkra hta hpaji grau rawng nga ai. Shi gaw dai numsha hpe, “Ndai sun hta tu ai hpun mahkra hta na, nan n sha lu na rai myit dai, nga nna Karai Kasang gaja wa tsun a ni?” Ngu nna san wu ai.

nang hte numsha hpe mung, na a amyu matu hte shi amyu matu hpe mung ngai majan shangun da na made ai: shi gaw na a baw abrep na ra ai, nang mung, shi a lahtin achye na ra ai, ngu wu ai.

Numsha hpe mung, Na a tsin-yam hte shinggyim machyi ai gaw ngai grau shalaw ya na de ai: shinggyim machyi ai hte nang kashu kasha shangai lu na ndai; na a madu wa hta nang myit manoi nga na ra ai rai nna, shi mung na a ntsa e up nga na ra ai,” ngu wu ai.

ga de na nang hpe shapraw la de ai majaw, ga de nang nhtang wa ai du hkra, na a myi man a salu salat hte na a shat nang sha nga lu na ndai; kaning rai nme law, nang ga yun rai nga ndai rai nna, ga yun bai tai na rin dai,” ngu wu ai.

Adam hpe mung, “Na madu jan a ga nang madat nna, ngai, Hkum sha, ngu nna jet da ai hpun hta na nang sha nit dai majaw, aga gaw na a jaw e dingnye hkrum nga ai; nang hkrung nga ai nhtoi mahkra hte hta, ru tsang ai hte, ga hta na nang sha nga lu na ndai

Shaloi Yehowa Karai Kasang gaw, “Nang singgu chyakrin rai nga ai gaw nang hpe kadai shadum a ta? Ngai, hkum sha, ngu nna jet da ai hpun hta na nang sha kau nu ni?” Ngu wu ai.

Shing rai dai masha wa hpe shi shapraw kau dat nna, dai asak jahkrung ai hpun a lam sin nga na matu, Hkerub ngu ai ni hte shi chyu nwat shadang chye ai wan nhtu hpe, Edin sun sinpraw maga de tawn da wu ai.

Shaloi Adam gaw shi a madu jan hpe, “Ewa,” ngu nna shamying wu ai; kaning rai nme law, shi gaw hkrung mahkrung a kanu rai nga ai.