Populære bibelvers fra Sant Matiéu 7

Del

Demandas, e vous dounaran; cercas, e trouvarés; picas, e vous durbiran.

Quau que siegue que demando, reçaup; e quau cerco, trovo; e en quau pico, se durbira.

Tout ome dounc qu'ausis aquéli paraulo que dise e lis óusservo, sara coumparable au sage qu'a basti soun oustau sus la pèiro.

Tout ço que voulès, dounc, que lis ome vous fagon, tambèn vautre fasès-lou à-n-éli: car es acò la Lèi e li Proufèto.

Coume es pichoto la porto, e coume es estrecho la draio que meno à la vido! e n'i'a bèn gaire que la capiton.

Intras pèr la porto estrecho, dóumaci es largo la porto, tèn d'espàci la draio que meno à la perdicioun, e n'i'a de bèu que ié passon.

Adounc se vàutri, marrit que sias, sabès douna de bòni causo à vòstis enfant, de quant mai voste Paire d'eilamount dounara li bèn verai à-n-aquéli que ié demandon?

Jugés pas, se voulès pas que vous jujon. Car dóu meme biais qu'aurés juja lis autre, sarés juja, e à la mesuro qu'aurés mesura vous mesuraran.

Mai tout ome qu' ausis li paraulo que dise, e lis óusservo pas, sara coume lou pau desèn qu'a basti soun oustau sus la sablo.

Coume vai que veses une paio dins l'uei de toun fraire, e que la fusto qu'as dins l'uei la veses pas? O bèn coume pos dire à toun fraire: Laisso, que tire la paio de toun uei, quand as uno fusto dins lou tiéu.

Avisas-vous di faus proufèto que vous arribon vesti de móutounino em'acò en dedins soun de loup abrama. A si fru li couneirés. Anas-ti cueie de rasin sus li roumias o de figo sus de cauco-trepo?

Ansin tout aubre bon fai de bon fru, e tout marrit aubre n'en fai de marrit.

Noun pòu un aubre bon faire de marrit fru, ni un aubre marrit n'en faire de bon.

Tout aubre que noun fara de bon fru, lou couparan e dins lou fiò lou jitaran.