Populære bibelvers fra Yohana 12

Del

Umuunu yoyoona yuna ikinisenjela one, isakulwa anifwate. Khanji, popoona pala pina nikwali, papeene pina umuvanda wangu akhava akwali. UDaada akhamutuna umuunu yoyoona yuna ikinisenjela one.

Umuunu yoyoona yuna isakula kiwusaajila uwuumi waakwe, uyo asiwuyase, leelo umuunu yoyoona yuna ikiwuyasa uwuumi waakwe kwa kiiva ya one, uyo asiwupate uwuumi wa shiluta.

Shiyooli nikivajovela, imbeyu nda yisisiliilwe mu lilongo yisikwiliile kimela, leelo nda yisiilwe mu lilongo, yiimela na kikhoma amakhomo minshi.

One nayinsa mu nyi iyi ngaja wuvalafu, baheene shila muunu yuna ikinihuviilila asikhakhalaga mu nshiisi.

“Umuunu yoyoona yuna ipuliisa amaswi gangu, leelo asikigayinatila, one nisikhayinsa kimuhiga, kwa kiiva nisikhayinsile mu nyi iyi kivahiga avaanu, leelo nayinsaga kivakulusa.

Ino uMaliya wátoola insupa ya mafuta aga lifungu likhome, gina ginunshilila mandu, wámududumisisa uYeesu mu magulu, wamufyangula ni nyele saakwe. Inanda yoona yanunshilila umununsi umunofu gwa mafuta ago.

Lino vatoola amansambala ga matende, vaaluta kimuposheela uYeesu. Vakhoosa ishawuti vaajova, “Hosana! Ayimililwajwe yuna iyinsa kwa litaawa lya Mutwa uNguluvi! Ayimiliilwe uMutwa wa Vaisilaheli.”

UYeesu wávagomosesa wáaja, “Uluhaavi lwafikha ulwa kitupikhwa uLusawo lwa Muunu kiwonekha bahawuvalafu.