Populære bibelvers fra Yohana 4

Del

UNguluvi yu Numbula. Avaanu vina vikimufuunya, visakulwa vave vikimufuunya kwa numbula ni shiyooli.”

Uluhaavi luyinsa khanji shi lwafikha, luna avaanu vina visakula kimufuunya uNguluvi, vakhamufuunya kwa numbula ni shiyooli. UDaada uNguluvi, isakula avaanu vina vikimufuunya kwa nsila iyo.

Leelo umuunu yuna iingʼwa amalenga gina nikimupeela one, asikhakhawukha shiluta. Amalenga gina nisimupeele one, gakhava ngaja shisansa sha malenga mukhati yaakwe, shina shisiyuuma hata padoodo. Ishisansa isho, shisimupeele uwuumi wa shiluta.”

UYeesu wámugomosesa wáaja, “Nda waali umanye yu naani yuna ikikulomba amalenga aga kiingʼwa na kimanya shina uNguluvi isakula kikupeela, nda wanilomba one, na yuune ndi nakupeela amalenga, gina gikivapeela avaanu uwuumi wa shiluta.”

UYeesu wávagomosesa wáaja, “Ishakiilya shangu one, kigaha gina ageene uDaada uNguluvi yuna wánifilikhaga, na kimaliisa insengo yaakwe.

Uwashimaayi yula wámugomosesa uYeesu wáaja, “Wee mutwa, owe ugaya shiinu isha kinejela amalenga, khanji ilisima ili litali mandu. Lino, owe usigaaje kwi amalenga ago, gina gikivapeela avaanu uwuumi?

Uwashimaayi yula wámugomosesa wáaja, “Nimeenye kiija iyinsa uMukulusaaji, yuna itambulwa Kilisito. Khanji nimeenye kiija, pina akhayinsa akhatutaviilila goona.” Baheene uYeesu wámugomosesa wáaja, “One yuna nilogola noowe, yumwene yuna owe ukimulogola.”

“Shoshi mumuloleele umuunu yuna wánijovela goona gina niwaahile kigasenga. Wuli, umuunu uyo akwiliile kiiva yu Mukulusaaji yuna uNguluvi wátahisaaga kimufilikha?”