Populære bibelvers fra Luke 17

Del

Molopai Jesus uya ipàk, “E'wuluukakà, molopai itàkà. Ailon tetok auya uya pàli'yau amasak màlà,” teppù.

Iwemakuimasak ewinàkàik 7 pe itekkwa tewin wei yau yattai, molopai màlà yattai'ne iyàppàtù apyak, ‘Usewankono'mayaik,’ kase yau, ipàk mesentuppatàik,” teppù ya.

Tok tonpa wennapoppù Katù yapulà pe eke pe tùwentaimepàsse tùuchipittàsak yene tùuya pàk. Iwettolùpattàppù màlà non pona Jesus pùta piyak, tenki tei'ma. Samaria pon pe iwechippù màlà.

Màlàpàk esentàk kon! “Àtonpa kon wemakuima yau, mekamappotàik, molopai tùmakuyi winàpai iwelattà yau, mesentuppatàik ipàk.

Jesus uselupappù, “10 pan kon ku kàyik yamùk nùchipittài? I'nai ken mùkyamlo 9 pan kon?

Itepulu uya yeikuppù, “Ailon tetok auya'nokon wechi mustard yenappà kaichalà yau, sàlà kùyali yek pàk, ‘Ekalakakà, akala pokonpe molopai àppànkà palau kak!’ te auya'nokon sàlà eppaino molopai amaimu kon yawàlà iwechi,” tukaik yeikuppù ya.

Ànù'là takkwalù pùnùnmanài tùponalok pe uya ilachima màlà, tùse ànù'là takkwalù lachimanài uya yepolo màlà.

Jesus uya ta'lon kon pàk wateppù, “Yà'là yamùk là kappon yamùk ku'nài makui yak tok utàtoppe, wekkuppù pe man. Tùse àsà pe kulu iwechi màlà iwekkutoppe iku'nài pona! Wakù peiwa nen iwechi màlà, eke tàk, eppanài, yaulonsak i'mù pàk molopai yenu'masak palau kak yau, pùsamlo echikili ton nùkkwà wettoppe àli pe ikupù ya tukaik.

Noah yattai iwechippù kasa làma iwechi màlà, Kàyik Mumu weyu yattai. Kappon yamùk wechippù màlà tùuta'lettà kon pàk molopai tùwuku kon inchi pàk, kàyik yamùk molopai nossan yamùk wechippù tùwemali'mapàtù kon pàk Noah wenuku tùkanwa yak ponalà, molopai tuna'ma uyàpùppù màlà, tok yeulankappù ya tamù'nawàlà.