Populære bibelvers fra Mark 14

Del

Màlàyau iwàpùlemappù, “Ukàippùnù, Ukàippùnù, tamù'nawolon kuttok auya yapàiketù molo man. Sàlà wettalumattàtok yamakà uwinàpai. Tùse iche wettok kùkkupùi iche làkku ewettok ikukkà,” tukaik

“Enpen ettàk kon molopai àpùlematàk eyittutok yak àutà kon tukaik. Ayakkwalù kon nen alikyek pe man, tùse atu'mùla àpun kon man,” teppù Jesus uya tok pàk.

Ailon kulu sàlà, mailàlà Wakù Itekale usekama sàlà wolù yawàlà yau, inkupùppù nàlà usekama màlà. Màlà pàkàlà kappon yamùk usenumenka màlà nossan pàk,” teppù.

Màlàyau tok pàk, “Uyakkwalù sa' tùusewankono'matok yau kulu man, uyelikka ya kasa lànen! Talà ettàk kon molopai enpen ettàk kon,” teppù ya.

Tùuta'lettà kon yau, Jesus uya pùlomù pusak yanùmùppù molopai tenki teppù ya Katù pàk, màlàyau ipilipàtùppù ya tùnenupaton yemyak molopai itùlùppù ya tok yemyak. “Yanùntàk molopai inattàk kon, sàlà màlà upun,” teppù Jesus uya tok pàk.

Molopai pùsau yanùmùppù ya Katù pàk ‘tenki’ teppù ya Katù pàk tok yemyak itùlùppù ya, Màlàyau tamù'nawolon kon uya inchippù. Jesus uya tok pàk, “Sàlà màlà umùnù iwekkwansak tukkan kon ponaloppe. Umùnù, Katù uya ikupù tùuya tetok wemyakanma pùla iwechi yekamanài,” teppù.

Màlàyau Jesus uya tok pàk, “Tamù'nawàlà ewepe kon màlà molopai unàmà auya'nokon iwe'menukasak kasa kulu Katù Maimu yau, ‘Katù uya kalinilu yamùk yesak wànà màlà, molopai kalinilu yamùk wetta'nùppù màlà,’ tukaik,” teppù.

“E'wuluukatàk kon. Utàn nokon sàlà. Yentàk utùnàippù mei pùla man!” teppù Jesus uya.

Màlàyau Jesus uya Peter pàk, “Ailon kulu sàlà, sàlà yewalupàyi tau asak itekkwa kalicho tàwù wapiya, àsolùwau itekkwa, ‘Unùttu pen mùkkàlà,’ te auya màlà upàk,” teppù.