Populære bibelvers fra Mark 7

Del

Masapùla “I'napai, kappon yewan yapai nepakkayai'nùk màlà, àli pe usenumenkantok àli imakuyippù kuttoppe ya tesak ke iku'nài, amappe we'nàtoppe, we'wàntoppe, wemali'mannàpà ipokonpe pen pokonpe we'nàtok, tùuseka'nonkaik we'nàtok, yà'làlà àli ànkupai we'nàtok, ànù'là yenkuttàtok, àli kuttok tùwekuli'maik pùla, kùlùmàlunnàtok, ànù'là yesek talumattàtok tùpatakaik, ànù'là yentai weku'nàtok, molopai pakko pe tùttuik pùla we'nàtok. Tamù'nawàlà sàlà yamùk uya màlà kappon kupù àli pe itewan yapai tùwepakka ke,” teppù Jesus uya.

“Yà'làlà newonyai'nàk ayak àli pe àkupù woton pùla iwechi màlà. Tùse ayapai neken nepakkayai'nùk màlà àli pe àku'nài,” teppù Jesus uya tok pàk.

Jesus uya tok maimu yeikuppù, “Ikasa sa' Isaiah uselupappù màlà pena àpàkù'nokon. Wakù pe tukaik tùusennakasan amyamlo! Imenukappù ya kasa kulu. ‘Pùsamlo kappon yamùk unamanài nan tùmaimu kon ke neken, tùse tok yewan mei man uwinàpai.

Iwoton pe pùla uyapulànnan mùkyamlo, masapùla kappon uya enupantok pàk enupanài nan mùkyamlo, uwinàpaino kasa kulu!’ te Katù uya,” tukaik.

“Katù uya enupantok nonka auya'nokon mailà molopai, kappon yamùk uya neken nen uchi eyenupatok kon kupù auya'nokon,” tukaik.