Populære bibelvers fra Mark 6

Del

Tukke kappon yamùk uyàpùppù essentak, Jesus molopai inenupa ton uta'lettàtok là yattai pùla. Màlàyau tok pàk, “Utànpai'nokon iwalàwannà esse, molo àwàlàkapù kon pa,” teppù ya.

Màlàyau Jesus uya, “Katù Maimu yenpoikanài mùkkàlà tùnamasen pata yamùk yawàlà, tùse ipata yau pùla, molopai itonpa yamùk kùlottau pùla, molopai itùwùk tawon kon kùlottau pùla nàlà,” teppù.

Tùwepalùka pe Jesus uya ilinà pe kappon yamùk yeneppù, màlàpàk Jesus usentupappù tok pàk, masapùla itesak pùnon kalinilu yamùk kasa tok wechi pàk. Tok yenupa pàk iwepyattàppù, tukkan yà'là yekkwa ton nà pàk.

Yà'làlà eke ton Katù yapàikketù yenpoikappù ya pen. Tùse tukke pùla e'nek ton ipittàpàtùppù ya temyatù tùnonkase tok pona. Ichenumenkappù kulu màlà ailon tetok pùla tok wechi pàk. Tùpata woinokon pata yamùk yawàlà kappon yamùk yenupa pàk Jesus usalàppù.

Jesus uya pùlomù pusak yanùmùppù molopai asa'lon kon molok yamùk, tenu tùlùppù ya epùn winàkàik tenki teppù ya Katù pàk. Pùlomù pusak pilipàtùppù ya molopai tùnenupa ton yemyak itùlùppù ya kappon yamùk lepapàttoppe tok uya. Asa'lon kon neken làma molok yamùk yekamùppù ya tok yemyak. Tamù'nawolon kon uta'lettàppù màlà iche tùwettok kon yawàlà. Inenupa ton uya pùlomù pusak molopai molok tompappù pilipùppù 12 pe kaichalà eketon walicha.