Populære bibelvers fra Matiu 16

Del

Nio Jisu ta eri ma kiolake voko disaipeli madu, “Vo oka zariani luluelo aṉa ta vota pui o kerukeruilou o ṉavi o kiada melai vota o tolailou aṉako luluelo kale omadeuvo vo maba vo o borikani jari o ṉaviko korosi, vo okai vouvo ama.

“So sole aṉata a bazueṉa ṉo, Pita, ṉoko ṉi ko kio ni kalo ta lado ikio, ni omadeuvo kala ta o orumuka voko pade lado ko vola topi, so jari nio aṉata a orumukou aṉako lotu ṉo topi, ni vou melai pui kopa niumaekou.

Ni aṉata a qatiṉou ṉo vo Baṉara ko aukale ama lekasa puilo ko vidulu, ni ko quli ṉoṉo qaitiko ama quli miduku kale ma ko quli ṉoṉo zarieko ama quli miduku kale ta vo aukale ala Baṉara ta o ṉati tiorikou ni o ṉati vinaekou ko,” kiolake.

Ako kala vo oka zariani pakieko pala voko tupu kale ama saevo ta vota o niumaeka inio voko saevo tovama saevo kale ama, melai vo o ṉamuko ala voko tupu kale ama saevo aṉako luluelo kale ta o kovou noqola kama saevo.

Noi nio? Kala maba o ṉeamukani komia pado ama peuru ma peuru kale ama batiro melai okai suatani ko noqola kama saevo ta obe tauveziovo ala inio komia peuru ma peuru ama quli kale kio? Maba pui! Pulia quli ta opa katikou tu o kovo ko noqola kama saevo.

Ni vota mata o kuimaemake se ni eri kiolake, “Ta meta lala lala inio bela kimela?” Ni vo Saimone Pita ta o vati tiorikake ni eri kiolake, “Ṉota vo Baṉara o pitoeṉeni Pakio ṉa vo saevola Baṉara vo meqora ṉa,” kiolake.

Nio Jisu ta o vati tiorikake vo Saimone ni eri kiolake, “Matu uri ṉo kiṉolani, Saimone, Jone vo meqora ṉa. Komia tuveano ta pui maba kasi azo ko kuevako, melai kota aṉavo Mama aukale ala o katiṉako ṉo,” kiolake vo Jisu.