Populære bibelvers fra Pregethwr 9

Gwna dy orau glas, beth bynnag wyt ti’n ei wneud. Fydd dim cyfle i weithio na myfyrio, dim gwybodaeth na doethineb ym myd y meirw lle rwyt ti’n mynd.

Yna, ystyriais eto yr hyn sy’n digwydd yn y byd: dydy’r cyflymaf ddim bob amser yn ennill y ras, na’r cryfaf yn ennill y frwydr; dydy’r doethaf ddim yn llwyddo bob tro, na’r clyfraf yn cael y cyfoeth; dydy’r un sy’n nabod eraill ddim bob amser yn cael ei ffafrio. Mae damweiniau’n gallu digwydd i bawb.

Mwynha fywyd gyda’r wraig rwyt ti’n ei charu am y cyfnod byr wyt ti yn y byd dryslyd yma. Mae’n rhodd Duw i ti am dy holl waith caled ar y ddaear.

Dos, mwynha dy fwyd ac yfa dy win yn llawen! Dyna mae Duw am i ti ei wneud.

Mae doethineb yn well nag arfau rhyfel ond mae un weithred ffôl yn gallu dinistrio llawer o dda.

Mae’n well gwrando ar eiriau pwyllog y doeth nag ar lywodraethwr yn gweiddi yng nghanol ffyliaid.

Mae’r byw yn gwybod eu bod nhw’n mynd i farw, ond dydy’r meirw’n gwybod dim byd! Does dim gwobr arall yn eu disgwyl nhw, ac mae pawb yn eu hanghofio nhw.