Populære bibelvers fra GÉNESIS 26

Del

Shuj llactamanda purij runashna, cai llactapi causajujpimi, Ñucapash canhuan cashpa, bendiciasha. Cai tucui alpacunataca canmambash, cambaj miraicunamambashmi carasha. Chashna rurashpami, cambaj taita Abrahamhuan juramentushcataca pactachisha.

Cambaj miraicunataca, jahua pachapi luzerocunatashnami, ninandapacha mirachisha. Cambaj miraicunamanmi, cai tucui alpataca carasha. Tucui cai pachapi tiyaj llactacunaca, cambaj miraicunamandami bendiciai tucunga. Ñuca rimashcata, imata rurai nishcata, Ñuca mandashca shimicunata, Ñuca yachachishca shimicunata Abraham uyashpa cazushcamandami, chashna bendiciai tucunga” nijurcami.

Isaac runaca, chaimanda rishpami cutin shuj utujuta allachirca. Chashnami yacumandaca, ña na fiñanajunajurca. Chaimandami chai yacutaca, “Rehobot” shutita shutichishpa: “Tucuipi ali causashpa caipi mirachunmi, Mandaj Diosca yanapahuarca” nishpami chashna shutichirca.

Mandaj Diosca, Isaacman ricurishpami cashna nirca: “Ama Egiptomanga urai ringuichu. Ñuca mandashca llactapimi causana cangui.

Shina nijpimi Isaac runaca, chaipi shuj altarta shayachishpa, Mandaj Diospaj shutita jatunyachijurca. Shinallata paipaj causana carpatapash chaipimi churarca. Isaac runapajta rurajcunaca, yacuta llujchingapami shuj utujuta allanajurca.