Populære bibelvers fra ลูกา 17

Del

โทเร๊อ เหย่ซู่ เฮ๊ อา เน๊อ, “ก๊อถ่อจว๊ามอ, เน เตหยื่อ แหย่โอ่เหม่แก เป่ เฮ๊อ เน เตเช เฮ๊อ.”

เตอเนอ อากู, อา เก่ เมซื๊อ เน โซซว๊าโตโพ๊ เฮ๊เรอ, อา เก่ แฮโต คยาแซ๊ เน โซซว๊าโตโพ๊ เร๊อ อา เก่ แฮ เฮ๊ เน๊อ, ‘แว ถู่แหล่แต๊แกละกาเฮ๊อ แวซิปล่อ เฮ๊อ’ เฮ๊เนอ, เน เบ่ ปลวาแก ลู เตซื๊อ.”

เด๊อ เหย่ซี อาเกล เตเพรเนอ, อา แม๊เถอะซิเง เร๊อ เหย่ซู่ แหย่โอ่เหม่แก่ เฮ๊อ อา อาขว่าอาคยา, อา กาคยา เร๊อ อา เอ๊โทถู่เซ๊แถ่ จอแปแหร่. โทเร๊อ อา แด๊งือจ๊อเบแล เด๊อ เหย่ซู่ อา กู๊โด่ช๊า เร๊อ อา เฮ๊บุ๊ยเฮ๊เตอเรอแถ่ ลู. อา หม่า สะมาเรียพู๊ เตเพร.

รอหนิ แลแค ซีเหน่ นี๋. “ซี โป่แหว่ เด๊อ อา หยื่อเอ่ เหย่ซู่ เตเพร เก่ เมเตซื๊อ เฮ๊เรอ, เบ่ อิซว๊าอี๊แส่ อา. อา ถู่แหล่เต๊เปล่ กาคยา คยาแซ๊ อาซิปล่อ เฮ๊เรอ ปลวาแก ลู เตซื๊อ นี๋.

เร๊อ เหย่ซู่ เฮ๊ ลู เน๊อ, “แกแย เด๊อ แว แหย่โอ่เหม่ เป่ ลู เต๊เห่ เนอหม่า อา โอ่ เพรเช๊อ แวเฮ๊แต๋! ลุยซว๊าเตเพร ปา เล๋, อา โอ่โต เบ๊อะเต?

เร๊อ แบ่เจ่ เฮ๊ฉื่อ เหย่ซี เน๊อ, “ซี เตหยื่อ อา โอ่ปีตี๊ ตี๋ เต๊เปล่ปล่อ ตอปล่อ เนอแพ๊ ตื๊อดื่อเรอ ซี เก่ เฮ๊ ส่อเหมาะดุ เออต๊อเหมาะ เน๊อ, ‘จุ่ยเถ่ เนหรุ่ยเนอ, เร๊อ จว๊าช๊อโอ่ เนเหน่ เด๊อ เทอดุซาวา อากูเนอ,’ ซี เก่ เฮ๊ อา เนอ, อา เก่ จูเอ่ ซีโหง่ แพ๊.

เมเตเฮ๊เรอ แกแย เด๊อ อา ซิหยื่อ เตเมแลเปล๊แก เกอเร๊อ อา ซิปล่อเซอเพร เตเพรเพรเนอ, อา เก่ แลจู่ แก อาซิปล่อ เซอเพร ปา. หม่าแน๊เรอ แกแย เด๊อ อา เด๊อะแลแก อา ซิปล่อเซอเพร เด๊อ แวขว่าแวคยา เตเพรเพรเนอ, อา เก่ พย๊าหนิ ซิปล่อเซอเพร ตูจูเพรเง ปา.

เหย่ซู่ เฮ๊ อา โคเจ่ เต๊เห่ เน๊อ, “เตอิลออี๊โหล่ ซื๊ออู เต๊เห่เนอ อา เบ่ โอ่แถ่ แหน่ ปา ตื๊อดื่อเรอ แกแย เด๊อ อา เมโอ่ ทวาแถ่ เตอิลออี๊โหล่ ซื๊อ อู เออเตเพรเนอ, เตจาเตจือ อา เบ่ แหน่เจ๊อ ลู ปา. แกแย ฮู๊เนอ เตเพรเนอ พื๋อ เน๊อ อา เตเร เมโอ่ทวาแถ่ เต เด๊อ เพรปีตี๊เล๊อ เด๊อ อูเกล เตเพร เพร เก่ เมเตซื๊อ ฮู๊เออ เนอเรอ, จอ หล่อดุ เด๊อ อา แกโบลูเนอ เร๊อ ต่าตาแก อา เด๊อ เทอดุซาวากู เนอหม่า อาแร๊เล๊อ ปา เจ๊อ เด๊อ ลูเง เจ๊อ.

“แกแยพู๊คู หม่าเฮ๊อ แวเออ เก่ แฮปา เบ๊อะเนอ, อา เก่ ทวาแถ่ แซ่เกอดื่อ ฮู๊ เพโนอาห์ ทือเค เนอ ปา. เบ๊อะเนอเค แกแย เต๊เห่ โอเอ่แลแค, หนิพู๊พย๊าเม เต่อ แลแค เจ๊อเบ๊อะเพโนอาห์ โน เด๊อ ส่อเกลอดุกู เนอเตอเนอ เจ๊อ. เร๊อ เทอดุแถ่ เซอแก ลอปลี แกแย โอ่แก เด๊อ อากลอ เนอเต๊เห่.