Populære bibelvers fra Matfei 16

Del

Iisus sanoi omile opastujile: «Ken ku tahtonou astuo minule jälles, häi kieldävykkäh omas ičes, otakkah oman ristan da astukkah minule peräh.

I minä sanon sinule: sinä olet Pedri, Kallivo, i tälle kallivole minä pystytän oman uskojien kanzukunnan. Uadun vägi ei voita sidä.

Minä annan sinule avaimet sit veriäs, kudai vedäy Taivahallizen valdah. Min sinä sivot mual, se roih sivottu taivahas, i min sinä piästät välläle mual, se roih piästetty taivahis.»

Kačo, ken rippuu omas henges, se menettäy sen, a ken menettäy oman hengen minun täh, se suau sen.

Midäbo hyviä on ristikanzale, ku häi suannou kaiken muailman, a hengen menetännöy? Ongo moine hindu, kudamal ristikanzu voibi lunnastua oman hengen?

«A työ kui duumaičetto?» kyzyi Iisus. «Ken minä olen teijän mieles?» Simon-Pedri vastai: «Sinä olet Messii, elävän Jumalan Poigu.»

Iisus sanoi hänele: «Ozakas olet sinä, Simon, Jonan poigu. Tädä sinule ei avannuh ristikanzan mieli, a avai minun Tuatto, kudai on taivahis.