Populære bibelvers fra 1 Yohan 3

Del

Ngàcèrìé, nøngmaq nø kàí wa mø̀í dø, bv̀nlì taqkèní shóngnøt vjø̀ng dvtanlv́m wàì.

Nøngmaq dvpvt Kristu gø̀nshaq zíshì lòng taqkèní, shóngnøt nø pà í we nøngmaqí sháìe. Nøngmaq gø vnvm vchvngrì dvpvt gø̀nshaq zíshì ràe.

Vpè Gvrayí nøngmaq sv̀ng Gvray àngcèrì wa ètǿì høqshaq, kadvngshì ring dø èshòng daqshà we sv̀ng dèdvmnø̀ng. Jø̀ngjǿng ni nøngmaq nø Gvray àngcèrì íshàe. Rvgaq tø̀m vsà:ngí nø Gvray kaq mvsháò. Wervtnø̀, nøngmaq sv̀ng gø àngmaqí mèsháì.

Mvrà wá mvnshì gǿ nø Satanpèò íe. Pàwá wani Satan nø nv̀mlat kèní mvrà wàò pè íe. Satan bv̀nlìrì shvmv́nglv́m rvtnø̀ Gvray Àngcèpè dì daqì.

Gvray àngcè kagǿ gø mvrà wá mvmvnshì. Kadø íe wani, Gvray gø̀nshaq nø àng vdòng taq vl nø̀, àng nø Gvray àngcè í rvt mvrà zv̀ndvtut wá màshvla.

Luqtv̀m dø vdá we tiqgǿ nø àngnvm àngchvng dvshà we sv̀ng yà:ngò nìgø, dvshá mvzaò nìnø, àng taq Gvray shóngnøt kadøwa lvvl ni?

Gvray dvkv́mkàrì sv̀ng cv̀n rì nø, Gvray nv̀ng vzø̀m nø̀, Gvray gø àngmaq nv̀ng vzø̀me. Gvray nø nøngmaq nv̀ng vzø̀m we sv̀ng A:ngí èzí daqshà we Shànshér Pvlàcè taqkèní sháìe.

Døngman lòng mvwàò nø̀ àngnvm àngchvng sv̀ng mvshóngshì gǿ nø Gvray àngcè mø̀í. Yalòng taqkèní nøngmaqí Gvray àngcèrì nv̀ng Satan àngcèrì sv̀ng vwál sháìe.

Nøngmaq tiqgǿ nø tiqgǿ vshòngké ràe, wa kà nø, nv̀mlat kèní nàmaqí vtáshaq íe.

Vnvm vchvngrìé, rvgaqtø̀m vsà:ngí nàmaq sv̀ng shèngovtnø̀ng dvgvp mènàtiqnø̀ngni.