Populære bibelvers fra Yohan 15

Del

Ngà nø bìmrøng ǿngàe, nàmaq nø dvgv̀ngrì èínø̀nge. Ngà vdòng vl nø Ngà gø àng vdòng vl we wegǿ nø àngshí gvzà zí longe. Pàwá wani Ngà taq mècaqshìnø̀ng nìnø nàmaqí pà gø wá mèlúnnø̀ng.

Nàmaq nø Ngà vdòng èv̀lnø̀ng. Ngà gø nàmaq vdòng v̀llv́m íe. Bìmrøng taq mvcaqshì we dvgv̀ng nø àngshí zí mvlú:nò dø, nàmaq gø Ngà vdòng mèv̀lnø̀ng ninø, àngshí mèzí lóngnø̀ng.

Nàmaq nø Ngà vdòng èv̀lnø̀ng nø, Ngà kà gø nàmaq vdòng vl nìnø, nàmaq èshòngnø̀ng we kapà gø èrøtshìnø̀ng. Wekvt nàmaq sv̀ng èzí daqnø̀nge.

Nàmaqí Ngà sv̀ng rècv̀ngshà we mø̀í, Ngàí mv̀ng nàmaq sv̀ng rvcv̀ng bǿshà. Nàmaq èdìnø̀ng nø zá:nò we àngshí zílv́m Ngàí nàmaq sv̀ng bv̀nlì shvri bǿshà. Wekvt Ngà bø̀ng kèní nàmaqí Vpè sv̀ng kapà èrøtnø̀ng nìgø, À:ngí nàmaq sv̀ng èzí daqnø̀nge.

Vdè rv̀mnvng dvpvt vdè gø̀nshaq dvbǿmshì we yalòng mvdv̀m té ring we shóngnøt nø màvl.

Ngà vdòng taq caqshì nø̀ àngshí mvzí we dvgv̀ng í dv́ngte sv̀ng À:ngí tu:tnò nø̀, àngshí zí we dvgv̀ng í dv́ngte nø, àngshí té zílv́m rvt À:ngí dvshè:ròe.

Yalòng nø Ngà dvkv́mkà íe. Ngàí nàmaq sv̀ng shù:ngì dø, nàmaq tiqgǿ nø tiqgǿ nàshòngkénø̀ng.

Nàmaq nø àngshí gvzà èzínø̀ng yv́ngkèní Ngà coqcv́n jǿng èínø̀ng we dvtan lú:ngòe. Wekvt Vpè ngø̀rdvgùng bung longe.

“Ngà nø bìmrøng mvdø̀ng ǿngàe. Ngà Vpè nø vshv́ngshú íe.

Ngà vdòng taq màvl gǿ nø gu:rò nø̀ shúngvm we dvgv̀ng dø íe. Werì sv̀ng mvshù:mò dá:ngí svmi sv̀ng gu:rò nø̀ vkatnvme.

Ngà dvbùnøt nàmaq vdòng vl nø nàmaq dvbùnøt dv̀n zø̀nglv́m dvpvt, Ngàí nàmaq sv̀ng yadv́ng pv̀n dvtá bǿshà.

Vpè dvkv́mkà Ngàí cv̀nò nø̀, Àng shóngnøt vdòng Ngà vl dø tiqdvchá, nàmaq gø Ngà dvkv́mkà ècv̀nnø̀ng nìnø, Ngà shóngnøt vdòng èvl lóngnø̀nge.

Nàmaq tiqgǿ nø tiqgǿ vshòngké ràe. Yalòng nø Ngà dvkv́mkà íe.

Nàmaq nø rvgaqò èínø̀ng nìnø, rvgaq nø àngòrì sv̀ng shóngshì døni nàmaq sv̀ng èshòngnø̀ng ni we íe. Ínìgø nàmaq nø rvgaqòrì mèínø̀ng. Ngàí nàmaq sv̀ng rvgaq kèní rvcv̀ng bǿshà rvt, rvgaqí nàmaq sv̀ng shèngonø̀ng we íe.