Populære bibelvers fra Yohan 16

Del

Ngà vdòng taq nàmaqí mòngzø̀l lòng lúnlv́m dvpvt, Ngàí nàmaq sv̀ng yadv́ng pv̀n dvtá bǿshà. Rvgaq tø̀m taq nàmaqí dvshà mvhøt lòng nàhǿm lóngnø̀nge. Ínìgø shaqshaqwa èv̀lnø̀ng, Ngà nø rvgaq sv̀ng jorv́mà,” a:lòe.

Ínìgø dìnglòng dvtanshú Pvlàcè tuq daq kvt nø, nàmaq sv̀ng dìnglòng í dv́ngte shá dèzv́rvtnø̀nge. Àng nø Àng nø:tní mvshø̀n. Íwe À:ngí táò dv́ngte wa shø̀:nòe. Vzv̀ng kaq bø̀nlv́m rì gø dètá daqnø̀nge.

Akvt høq nàmaq nø Ngà bø̀ng taqkèní tiqpv̀n gø shini mèrøtnø̀ng. Røt èmvnnø̀ng, wekvt èlún daqnø̀ng nø nàmaq nø dvbù nø:tní dv̀n èzø̀ng lóngnø̀nge.

Ínìgø, Ngàí nàmaq sv̀ng kàdøng vla:tnìni, Ngà longvm lòng nø nàmaq dvpvt té shvla we íe. Ngà mvlongvm nø̀ngnø Dvbvngshú nø nàmaq yv́ngsv̀ng mvdi daq. Ngà longvm kvt wa, Ngàí Àng sv̀ng nàmaq yv́ng dvzv́r dakngòe. Àng tuq daq kvtnø, mvrà vl dang gø, døngman dang gø, kàngélv́m dang gø, rvgaqtø̀m vsv̀ng kaq À:ngí chaqdap dvtan daqòe.

Welòng dø nàmaq gø akvt nøt dvshà we nàhǿmnø̀nge. Íwe Ngàí nàmaq sv̀ng vrá yv̀nga:tnì kvt nàmaq dèbù lóngnø̀nge. Nàmaq dvbùnøt sv̀ng kagǿí gø mèlúa bǿnø̀ng. Weni taq nàmaqí Ngà sv̀ng røtlv́m tiqkà gø màvlvm. Ngàí kàdøng vla:tnìni, Ngà bø̀ng taqkèní nàmaqí Vpè sv̀ng kapà èrøtnø̀ng nìgø, À:ngí èzí daqnø̀nge.

Ngàí kàdøng vla:tnìni, nàmaq nø dèyórshìnø̀ng nø rv̀ngshvng èwà lóngnø̀nge, íwe rvgaq nø dvbù longe. Nàmaq nøt dèshànø̀ng nìgø, nàmaq nøt dvshàlòng nø dvbùlv́m vpovme.