Populære bibelvers fra Joni 10

Del

E sega ni dau lako wale tu ga mai na daubutako, e lako ga mai me mai butako, ka ravuravu, ka vakarusa. Au sa lako mai me rawa vei ira na bula, na bula e maucokona vinaka sara.

“Oi au na i vakatawa vinaka; sa solia na nona bula na i vakatawa vinaka ena vukudra na sipi.

Era sa rogoca na domoqu o ira na noqu sipi; au sa kilai ira, ka ra sa muri au.

Au sa solia vei ira na bula tawamudu, ka ra na sega sara ni mate. Ena sega ni dua me na kaliraki ira tani rawa mai ligaqu.

Oi au na matamata. Kevaka ena curu kina e dua na tamata, ena vakabulai, ka na dau curu mai ka dau curu yani, ka na kune kakana.

Oi au na i vakatawa vinaka: ka'u sa kilai ira na noqu, ka ra sa kilai au talega o ira na noqu

Sa uasivi cake mai na ka kecega na veika sa solia vei au o Tamaqu, ka sa sega ni rawa vua e dua me kaliraka tani mai na liga i Tamaqu. Keirau sa duabau ga kei Tamaqu.”

me vaka ga na nona kilai au na Tamaqu, kei na noqu kilai koya. Au sa solia na noqu bula ena vukudra na sipi.

E sega ni dua e mai kauta tani vei au, ka ni'u sa solia vakai au ga. Sa tu vei au na kaukauwa me'u solia, ka tu talega vei au na kaukauwa me'u taura lesu tale. Oqo na i vakaro sa vakarota vei au o Tamaqu.”

Sa qai kaya tale vei iratou o Jisu, “Au tukuna vakadodonu sara vei kemudou, oi au na matamata ni bai ni sipi.

Ia o koya e cakacaka saumi ga, me vaka ni sega ni vakatawa, ka sega ni taukeni ira na sipi, ena laivi ira tu ga na sipi ka dro ni sa raica na olifa ni sa lako tiko yani; sa na qai toqovi ira na sipi na olifa, ka veiseyakitaki ira.

Sa qai kaya o Jisu, “Au sa tukuna vakadodonu sara oqo vei kemudou, o koya e sega ni curu ena matamata ni bai ni sipi, ka kaba cake ga ena dua na sala tani, sai koya oqo na daubutako ka daukocokoco.