Эге дөс 3
3
Баштайгы бачыт болгаш яла
1Дээрги-Бурган-Чаяакчының бүдүрүп чаяап кааны дириг амытаннарының аразындан эң-не кажары чылан болган#Мф. 10:16. Ол херээженден айтырган: «Сесерликте кандыг-даа ыяштан чимистерни чиирин Бурган силерге хоруп каан дээр, ол ылап-ла шын бе?»
2«Бис кандыг-даа ыяштан чимистерни чип болур бис – деп, херээжен харыылаан. – 3Чүгле сесерликтиң ортузунда турар ыяштың чимизин чип болбас дээрзин Бурган биске чугаалаан. Аңаа дээп безин болбас, оон башка өлүр бис#Э. д. 2:17».
4«Чок, өлбес силер – деп, чылан чугаалаан. – 5Бир эвес ол ыяштан чимистерни чиптер болзуңарза, бурганнар дег, эки-бакты угааптар, карааңар ажык апаарыңарны Бурган билгеш, хоруп турар-дыр». 6Ол ыяштың чимистери чиксенчиг, аянныг, кижини угаанныг кылыптар кылдыр херээжен көрүп каан. Оон херээжен бир чимисти үзе тыртып алгаш, чипкен. Ашаанга база чимисти ап бээрге, ол база чип алган#Рим. 5:12; 1 Кор. 15:21-22. 7Оларның иелдирзиниң карактары ажыттынып, боттарының эвегенин көрүп кааннар, бел кежиин чажыра баглап аар чүвени бүрүлерден кылып алганнар.
8Кежээки сериин өйде сесерликте Дээрги-Бурган-Чаяакчының кылаштап турарын дыңнап кааш, кижи кадайы-биле ыяштар аразынга чашты берген.
9«Кайда сен?» – деп, Дээрги-Бурган-Чаяакчы кижини кыйгырган.
10«Сээң үнүңнү дыңнап кааш, эвегенимден эпчоксунгаш, чашты бердим» – деп, ол харыылаан.
11«Чанагаш сен деп сеңээ кым ынча дидир? – деп, Бурган айтырган. – Мээң хоруп турганым ыяштан чимис ап чиппээн сен бе?»
12«Меңээ эккеп бергениң херээжен ол ыяштан чимисти ап бээрге, чиптим» – деп, кижи харыылаан.
13«Чүнү канчап алганың ол?» – деп, Дээрги-Бурган-Чаяакчы херээженден айтырган.
«Чылан мени мегелепти, ынчангаш чидим» – дээн.
14Ынчан Дээрги-Бурган-Чаяакчы чыланга мынча дээн:
«Ол үүлгеткениң чүүл дээш
бүгү азырал болгаш черлик дириг амытаннардан артык каргаттырар сен!
Бүгү назыныңда иштиң-биле сояр сен,
довурак-доозун-биле чемненир сен.
15Херээжен биле сени дайзыннар кылып каар мен,
сээң биле ооң ажы-төлү бот-боттарынга дайзыннар болурлар:
ооң оглу сээң бажыңны буза шавар#Рим. 16:20,
а сен ооң таваңгайын шагар сен».
16Дээрги-Бурган-Чаяакчы херээженге мынча дээн:
«Сээң иштиг-сааттыг үеңни аажок хилинчектиг кылып каар мен,
ажы-төлүңнү хилинчектенип чыткаш божуур сен.
Ашааңны аажок күзеп, аңаа хандыкшыыр сен#3:16 Азы: «Ашааңны аайыңга киириксээр сен». ,
ынчалза-даа ол сени чагырар»#Эф. 5:21; Кол. 3:18.
17Дээрги-Бурган-Чаяакчы эр кижиге мынча дээн:
«Херээженниң сөзүн тооп дыңнааш,
мээң чиирин хоруп турганым чимисти чиген сен.
Сээң хайың-биле чер каргаттырар!
Бүгү назыныңда чилчииң үзүлдүр ажылдап чорууруң черден
аъш-чем, кат-чимис тып чип чурттаар сен.
18Чер сеңээ тенниг чадаң ыяштар өстүрүп бээр,
а сен ховунуң сигени-биле чемненир сен.
19Ынчангаш дериң төп чорааш, чем тып чиир сен#Эккл. 3:10.
Сөөлүнде барып бодуңнуң-на келген чериңче эглип чоруй баар сен;
довурак-доозундан тывылган сен,
довурак-доозунче катап-ла шилчий бээр сен#Эккл. 3:20».
20Кижи (Адам) кадайынга Ева#3:20 «Ева» деп ат «чуртталга» дээн уткалыг. деп атты берген, чүге дээрге ол бүгү-ле кижилерниң иези болган. 21Дээрги-Бурган-Чаяакчы Адамга болгаш ооң кадайынга хөмден кылган хептер кедирип каан. 22Оон Дээрги-Бурган-Чаяакчы мынча дээн: «Кижи эки-бакты угаап билир Бистиң бирээвис ышкаш апарды. Чиирге, өлүм чок апаар амыдыралдың ыяжының#Э. д. 2:9; Ажыд. 2:7; 22:2 чимизин моон соңгаар кижи үзүп чивес болзун». 23Ынчангаш Дээрги-Бурган-Чаяакчы кижини бодунуң-на үнген черин болбаазырадып чурттазын дээш, Эдемниң сесерлиинден үндүр ойладыпкан. 24Адамны үндүр ойладыпкаш, Бурган Эдемниң сесерлииниң чөөн талазынга херувимнерни база бүгү талазынче долганып турар чалбыыш-оттуг хылышты тургузуп каан. Олар амыдыралдың ыяжынче баар орукту камгалап-карактап турган.
Markert nå:
Эге дөс 3: TUV
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© Институт перевода Библии, Москва, 2011