Markus 4
4
ŠTARTO KAPITLO.
1Ta job sikerdes papele langs o baro paneste. Ta vejene i baro hufka lehe ketene, keake ta štejeslo ani bero ta bešjeslo api baro pani; o celo čel has api them langs o baro paneste. 2Ta job sikerden len but drucha parnisende, ta phendes lenge ani leskr sikerpen: Šunena: 3Dike, gejes i hacho vrin, ta vicerdeslo lesker gib vri. 4Ta vejes, her job vicerdes lesker gib, pejes čomoni api drom, pale vejene o čirkle o bolepenester ta chanene les pre. 5Čomoni pejes api barester kunč, kai his ger but phub; gejes sik pre, vel ta has o phub ger chor. 6Her ta gejes o baro kham pre, has len mule, vel ta has len kenk drab. 7Čomoni pejes tele boriate, ta kole boria vejene bares, ta has len mule, keake ta dejes kenk gib. 8Čomoni pejes api lačo phub, ta andes gib, vel ta gejes la pre, ta vejes la bares, keake ta hidžerdes čomoni trianda, čomoni šobvardeš, čomoni šel kopo. 9Ta job phendes: Kova, koles ta hi kan, kova šune. 10Ta haslo kokeres, phučen les o dešedui, kai haslen paše leste, prala kava parniseste. 11Ta job phenela ape lende: Tume našte (sei) džanene o čorochanepen o Devlesker themester; kolen ta hin vri, vela hako ani parnisepen rakerdo, 12ta dikhenele o jakenca, ta dikhenele či; ta šunen lengr kanenca, ta hajvenele či, ta riserden pen ger, ta lengr došia vel lenge ger meklo. 13Ta job phendes lenge: Hajeven tume kava parnise ger, her našte ta hajvene tume hake vaver parnisepen? 14O chacho vicerelo o lab. 15Kola kai hin langs o drom: kai hi o lab vicerdo, ta šundene, pala vela sik o beng, ta anela o lab nikli, ta has drane lengr dzi vicerdo. 16Keake hin nina kale, kai hi apo baresker kunč vicerdo; ta šunden kale kova lab, 17anenelen les sik i dziviate pre, ta ane lenge hi kenk drab, jon rikerene ger vri, ta vel pala i midžiko ciro, ta i bibanderpen i labeste, pala hi len sik chojemen. 18Vaver hi, kai velen tele boria vicerdo: kava hi kole, ta šunene o lab, 19ta kova phubienger traš, o chochepen o bravalepenester, ta o kamapen o vaver pedenca vejene čorochanes drin, ta pucene o lab, keake ta ačene kenk gibester. 20Kole kai hi api lačo phub vicerdo, kale hi kolen, her ta hunen o lab, ta anene les pre, ta andene gib, jekto trianda, jekto šobvardeš, ta jekto šelkopo.
21Ta job phendes lenge: Vele pale i momeli, ta kerene les tele i koršnica ta tele i čiven? Ger doleske. Ger ta vele api momelipaskero tardo? 22Či hi gardo, mo ta hi ger hajerdo, ta či džala čorochanes, ta vela ger ana dives. 23Kova koles kai hi kan, kova šune. 24Ta job phendes ape lenge: Dejene jak, ho šunene tume! Keake but ta dejene tume, keake but vejene pale, ta tume vel kome buteder pašal. 25Kava ta hi, koves vejes buteder, ta kova ta hi či, koveste vela kava ho hislo, čordo.
26Job phendes nina: Keake hi o Devlesker themeske, her te vicerdo o dženo gib api phub. 27Job kamela ta sovelo ta štejeslo paši dives ta paši rati, o gib vele vri ta vele bares, ta job džanele les ger. 28Ta o phub hidžerela an peske gib, sikeder i zenelo, pale i sungeli, pale i pherdo gib ani sungelo. 29Ta vejes o gib vri, pala bičervele job sik i činepaskeri, vel ta has o činemasker ciri kai.
30Ta job phenele: Her mo te rakerahas o Devlesker themeste, ta hovester parnisepen mo ta sikerahas les? 31Keake hi har i pepurester tikno gib, kova kai vela ani phub vicerdo, ta hi tikneder telo hakeni gib, 32kai hin api phub, ta hi kome vicerdo, džala les pre, ta vele bareder her hakeni drabenge, ta kerela keake bare patria, ta ačene o čirikle o bolepenester tele les. 33Ta but keake parnisenca rakerdeslo o lab, keake kai naštene ta hunena. 34Ta job rakerdes lenge foni ani parnisende, ta hi len kokeres, sikerdes job leskre sikermangerende lauter.
35Ta job phenela kova diveste, ta vejes brevul: Mek men ta džas menge api vaver rik. 36Ta jon mekjene o čel, ta andenle les paše lende, keake ta haslo ano bero, ta has nina vaver bere pašal. 37Pala vejes i baro braval, ta vejes o pani ano bero drin, keake te vejes les phardo pani. 38Job ta sodeslo palduno i bereste api pernica. Jon kerene pen les džanglo ta phenden leske: Sikerpasker‐rai, hi tuke jek, ta marahas? 39Ta job štejes pre, preterdes o braval ta phendes o baro paneste: Ač pokoni ta lalerehe! Ta o braval bašeslo pes, ta vejes celo pokoni. 40Ta job phendes lenca: Hoske darene tume keake? Hi tumen kenk pacepen? 41Jon trašen pen ta phenden vaverkend: Kon hi kava, ta kandelo les o braval ta o baro pani?
Markert nå:
Markus 4: SINT1912
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
First published by the British and Foreign Bible Society in 1912.