MARK 15
15
Pilat zulo Jisu Sawu
(Mt 27.1-2; 11.14; Lk 23.1-5; Jn 18.28-38)
1Achinetomiqoye inaqhe itheno Muchomiqo ngo Ayezah kutsuchekemi eno Ahohomi kutami kumtsu sasu kughakutha lakhi shi. Panonguno ayikighino Jisu tshu sasu wuno Pilat tsuve. 2Tile Pilat no Jisu vilo iniju, “Noye Judami kukau kesha?” Pano khochile, “Nono pivae.” 3Achinetomino thwokha jeli pesu Jisu nguku, 4ikehu Pilat no itaghi pa vilo iniju, “Noye kiumu khochilemoni kesha? Panonguye thwokha jeli pesu oshou nguku akhani!” 5Ikemu Jisu no kumu khochile kithemoe, tishikehu Pilat ye akichiqhi auve.
Jisu pithivenike Kughathave
(Mt 27.15-26; Lk 23.13-25; Jn 18.39—19.16)
6Hechekulu Ghulhu atsu-tsulo Pilat ye timiqono khukeu kiqi lono akughumi lakhikhi khaqhipheve che. 7Tipa ghulokilo Barabba ipikeuye ayeh kipemi hekibide lono timi heqhi pithiveke ghenguno hekibidemi gholo akughu shiae. 8Timi aqokitikhino ighino Pilat vilo pano puzu-u kishi panongu lau akughumi lakhi khaqhiphetsu che keno titoi shitsu lopi iniju. 9Pilat no panoqo vilo iniju, “Nonguye ipelo nongu lau Judami kukau khaqhiphetsu penishi ani kesha?” 10Kughengu achinetomino anhekushu launo Jisu sawo pa lau suvekeu Pilat no vetha luveke. 11Ikemu achinetomino timi aqokitikhi xukuthono Pilat pelo panoqo lau Barabba khaqhiphetsu penike khu. 12Pilat no itaghi timiqo vilo pi, “Tishiaye, nonguno Judami Kukau ipi kuchekeu timi hu pesu niye kiu shivelopi kya?” 13Panonguno ighachile pi, “Kros lo pa yedavelo!” 14Pilat no panoqo vilo ishi iniju, “Paye kiu lhoksa mlavekeno kya?” Ikemu timiqono “Kros lo pa yedavelo!” pi alau shi ighamuku. 15Ike Pilat no timiqo pulou shitsunishi kelauno panoqo lau Barabba khaqhiphevetsu; eno Jisu ye akighi kichhe pesu ghaqhipe puzu kros lo yedave penike ikhiphepe tsuve.
Ghushimi no Jisu Qoqhi
(Mt 27.27-31; Jn 19.2-3)
16-17Ghushimino Jisu sunhe sasu kughaki kikhalalo wuve (tiye, Ahng no achekeu kikhalalo ke); eno panonguno kutamiqo kumtsu ku-kumqo. Panonguno lahuphi pa pu-ue, eno asahu pesu ghokunano pa kutsu qhopipe. 18Tishi puzu panonguno pa gihukeu shi agigihu pa tsu: “Judami Kukau, axu pushulo!” 19Panonguno akusu pesu pa kutsulo ghatsu eno pa shou musute puku eno qhoqhunhepeno pa gihuke ghilishi itsaqipiye. 20Panonguno pa thaigha tave kethiu, lahuphi xaluvetsu eno pa phi ikhipe pa pu-u. Eno panonguno kros lo pa yedanike sunhe saipeve.
Jisu Kros lo Yedave
(Mt 27.32-44; Lk 23.26-43; Jn 19.17-27)
21Panonguno wuchekelo Simon ipikeu cheghike kusholu. Paye Kurinia noghami Aleksander ngo Rufa pama papuh, eno paye aphu lono aphughilo wucheghi. Ghushimino tsumomo Simon pelo Jisu kros xapupe. #Rom 16.13 22Panonguno Jisu sasu Golgotha ipi chekeu-alo saighi, tipa-a pesu “Akutsu boghe-a” ipi cheni. 23Tilehi panonguno akukhu-zu pesu aji lo lekite puzu pa tsu, ikemu Jisu no shotsumoe. 24Panonguno kros lo pa yedave puzu pa phiminiye panoqo dolono khuno kiu luke pu keno asaqhi bejuno kuphalukhave. #Leshe 22.18 25Panonguno kros lo pa yeda kelo inaqhe ayi toku kihe ghuloki shi ae. 26Pa shou akipimi tsukeu ishi yepe qhipua, “Hiye Judami Kukau.” 27Jisu gholono kupukami kini, lakhino pa-u ajeu eno lakhino pa-u piyiu ishi kros lo yedae. 28[Hino kuchoyesulo ishi pipuakeu shikupuve, “Pa pesu alhoksami paphishi kihi.”] #Isa 53.12
29Tipau vechesu wuchekemino panongu kutsu kungu Jisu thaigha ghi pi, “Noye achineki xaleqhiveno ghulo kuthu lono ti shiveni kuau hu. #Leshe 21.7; 109.25; Mk 14.58; Jn 2.19 30Kros lono iqighiveno olikhi oxaluvelo!” 31Tihutoi, achinetomi ngo Ayezah kutsuchekemiqo ghi pa thaigha ghi lakhino lakhi vilo pi, “Paye kutami xalu, ikemu pa likhi pa xamlae! 32Israilmi kukau Mesiya pelo itehino kros lono iqighive julo, tishianguno ningu no pa pulunike!” Jisu gholo kros lo yedapuakemi ghi pa thaighakeu tsa pi.
Jisu Thivekeu
(Mt 27.45-56; Lk 23.44-49; Jn 19.28-30)
33Puchou ayi chighi kini kihelo aghakhuqha kumtsulo zumoive, tiye ayikihedo kuthu kutolo tishi ae. 34Avelau ayi kuthu kihelo Jisu no asutsa kumghashi igha, “Eloi, Eloi, lama sabaktani” tipau kiqiye, “ILhou, iLhou, noye kushiye iqhive ani kya?” #Leshe 22.1 35Timi khami tile puthugho akeqono pano pikeu chilu puzu ishi pi, “Julo, paye Elija ku ani!” 36Panoqo gholo milakhino posu wuno aghushi lakhilo akiqhizu chhitoi putsuno aqhaqhi lakhilo tsada puzu pa pelo mutsu peniye tsu eno ishi pi, “Qelo, Elija no ighi puzu kros lono pa ikhiqhini kemo keno ninguno junie!” 37Jisu no asutsa vekipighi igha puzu suthauve.
38Achinekilo aphino kotha puakeu hu atsuqa lono abo kutolo ala kini shi suxuve. 39Ghushimi 100 shou akijeuno kros zulo puthugho ae eno Jisu ye kishi igha puzu thive keno ithulu puzu ishi pi, “Kuchouno timi hipauye Alhou Nue!” 40Tilehi totimi khami ghi putouno juae. Tipanoqo gholo Magdala noghami Maria ngo Jems ayitiu eno Jese pama paza Maria eno Salome ishi ae. 41Panonguye Jisu no Galil lo achekelo pa gholo che eno pa kuphu cheke. Totimi kutami ghi kutomo tile ae, panonguye pa gholono Jerusalem lo iqhoghikemiqoke.
Jisu Qhovekeu
(Mt 27.57-61; Lk 23.50-56; Jn 19.38-42)
42Tipani avelau Sabat tsala ghenguno kutope qhiveni keu shive. 43Ike Arimathia noghami Josef no ighi. Paye Judami Hoho lo kihikusumi lakhi eno kutamino qhoqhughi achekemi eno pa ghi Alhou yehkipe ighinikeu juachekemi, ikehu pano amlo kuloghishi puzu Pilat lau wuno Jisu sukumo khu. 44Pilat no Jisu ye thivea pikeu chilukelo paye akichiqhive. Pano ghushimi 100 shou akijeu kupuwu eno pa vilo Jisu ye mtsuqheyino thive akeo mokeno iniju. 45Kughou ghushimi 100 shou akijeu launo Jisu ye thivae pikeu Pilat no chilukeno Josef pelo Jisu sukumo pelupe nikeu pulovetsu. 46Josef no aphi kumtsha-kimiye lakhi qhu, eno Jisu sukumo kros lono ikhiqhi puzu aphino tipau hechije kuzuve eno ti suwo atuquqhalo akumoki chhupe puakeu lo qhive. Tishieno pano atu kije lakhi tukulu sawo akumoki ikulola hu nhave. 47Magdala noghami Maria ngo Jese paza Maria ngo ishino khea, eno Jisu sukumoye khile kutsuve keno jupepuave.
Markert nå:
MARK 15: SUMIBSI
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.
MARK 15
15
Pilat zulo Jisu Sawu
(Mt 27.1-2; 11.14; Lk 23.1-5; Jn 18.28-38)
1Achinetomiqoye inaqhe itheno Muchomiqo ngo Ayezah kutsuchekemi eno Ahohomi kutami kumtsu sasu kughakutha lakhi shi. Panonguno ayikighino Jisu tshu sasu wuno Pilat tsuve. 2Tile Pilat no Jisu vilo iniju, “Noye Judami kukau kesha?” Pano khochile, “Nono pivae.” 3Achinetomino thwokha jeli pesu Jisu nguku, 4ikehu Pilat no itaghi pa vilo iniju, “Noye kiumu khochilemoni kesha? Panonguye thwokha jeli pesu oshou nguku akhani!” 5Ikemu Jisu no kumu khochile kithemoe, tishikehu Pilat ye akichiqhi auve.
Jisu pithivenike Kughathave
(Mt 27.15-26; Lk 23.13-25; Jn 18.39—19.16)
6Hechekulu Ghulhu atsu-tsulo Pilat ye timiqono khukeu kiqi lono akughumi lakhikhi khaqhipheve che. 7Tipa ghulokilo Barabba ipikeuye ayeh kipemi hekibide lono timi heqhi pithiveke ghenguno hekibidemi gholo akughu shiae. 8Timi aqokitikhino ighino Pilat vilo pano puzu-u kishi panongu lau akughumi lakhi khaqhiphetsu che keno titoi shitsu lopi iniju. 9Pilat no panoqo vilo iniju, “Nonguye ipelo nongu lau Judami kukau khaqhiphetsu penishi ani kesha?” 10Kughengu achinetomino anhekushu launo Jisu sawo pa lau suvekeu Pilat no vetha luveke. 11Ikemu achinetomino timi aqokitikhi xukuthono Pilat pelo panoqo lau Barabba khaqhiphetsu penike khu. 12Pilat no itaghi timiqo vilo pi, “Tishiaye, nonguno Judami Kukau ipi kuchekeu timi hu pesu niye kiu shivelopi kya?” 13Panonguno ighachile pi, “Kros lo pa yedavelo!” 14Pilat no panoqo vilo ishi iniju, “Paye kiu lhoksa mlavekeno kya?” Ikemu timiqono “Kros lo pa yedavelo!” pi alau shi ighamuku. 15Ike Pilat no timiqo pulou shitsunishi kelauno panoqo lau Barabba khaqhiphevetsu; eno Jisu ye akighi kichhe pesu ghaqhipe puzu kros lo yedave penike ikhiphepe tsuve.
Ghushimi no Jisu Qoqhi
(Mt 27.27-31; Jn 19.2-3)
16-17Ghushimino Jisu sunhe sasu kughaki kikhalalo wuve (tiye, Ahng no achekeu kikhalalo ke); eno panonguno kutamiqo kumtsu ku-kumqo. Panonguno lahuphi pa pu-ue, eno asahu pesu ghokunano pa kutsu qhopipe. 18Tishi puzu panonguno pa gihukeu shi agigihu pa tsu: “Judami Kukau, axu pushulo!” 19Panonguno akusu pesu pa kutsulo ghatsu eno pa shou musute puku eno qhoqhunhepeno pa gihuke ghilishi itsaqipiye. 20Panonguno pa thaigha tave kethiu, lahuphi xaluvetsu eno pa phi ikhipe pa pu-u. Eno panonguno kros lo pa yedanike sunhe saipeve.
Jisu Kros lo Yedave
(Mt 27.32-44; Lk 23.26-43; Jn 19.17-27)
21Panonguno wuchekelo Simon ipikeu cheghike kusholu. Paye Kurinia noghami Aleksander ngo Rufa pama papuh, eno paye aphu lono aphughilo wucheghi. Ghushimino tsumomo Simon pelo Jisu kros xapupe. #Rom 16.13 22Panonguno Jisu sasu Golgotha ipi chekeu-alo saighi, tipa-a pesu “Akutsu boghe-a” ipi cheni. 23Tilehi panonguno akukhu-zu pesu aji lo lekite puzu pa tsu, ikemu Jisu no shotsumoe. 24Panonguno kros lo pa yedave puzu pa phiminiye panoqo dolono khuno kiu luke pu keno asaqhi bejuno kuphalukhave. #Leshe 22.18 25Panonguno kros lo pa yeda kelo inaqhe ayi toku kihe ghuloki shi ae. 26Pa shou akipimi tsukeu ishi yepe qhipua, “Hiye Judami Kukau.” 27Jisu gholono kupukami kini, lakhino pa-u ajeu eno lakhino pa-u piyiu ishi kros lo yedae. 28[Hino kuchoyesulo ishi pipuakeu shikupuve, “Pa pesu alhoksami paphishi kihi.”] #Isa 53.12
29Tipau vechesu wuchekemino panongu kutsu kungu Jisu thaigha ghi pi, “Noye achineki xaleqhiveno ghulo kuthu lono ti shiveni kuau hu. #Leshe 21.7; 109.25; Mk 14.58; Jn 2.19 30Kros lono iqighiveno olikhi oxaluvelo!” 31Tihutoi, achinetomi ngo Ayezah kutsuchekemiqo ghi pa thaigha ghi lakhino lakhi vilo pi, “Paye kutami xalu, ikemu pa likhi pa xamlae! 32Israilmi kukau Mesiya pelo itehino kros lono iqighive julo, tishianguno ningu no pa pulunike!” Jisu gholo kros lo yedapuakemi ghi pa thaighakeu tsa pi.
Jisu Thivekeu
(Mt 27.45-56; Lk 23.44-49; Jn 19.28-30)
33Puchou ayi chighi kini kihelo aghakhuqha kumtsulo zumoive, tiye ayikihedo kuthu kutolo tishi ae. 34Avelau ayi kuthu kihelo Jisu no asutsa kumghashi igha, “Eloi, Eloi, lama sabaktani” tipau kiqiye, “ILhou, iLhou, noye kushiye iqhive ani kya?” #Leshe 22.1 35Timi khami tile puthugho akeqono pano pikeu chilu puzu ishi pi, “Julo, paye Elija ku ani!” 36Panoqo gholo milakhino posu wuno aghushi lakhilo akiqhizu chhitoi putsuno aqhaqhi lakhilo tsada puzu pa pelo mutsu peniye tsu eno ishi pi, “Qelo, Elija no ighi puzu kros lono pa ikhiqhini kemo keno ninguno junie!” 37Jisu no asutsa vekipighi igha puzu suthauve.
38Achinekilo aphino kotha puakeu hu atsuqa lono abo kutolo ala kini shi suxuve. 39Ghushimi 100 shou akijeuno kros zulo puthugho ae eno Jisu ye kishi igha puzu thive keno ithulu puzu ishi pi, “Kuchouno timi hipauye Alhou Nue!” 40Tilehi totimi khami ghi putouno juae. Tipanoqo gholo Magdala noghami Maria ngo Jems ayitiu eno Jese pama paza Maria eno Salome ishi ae. 41Panonguye Jisu no Galil lo achekelo pa gholo che eno pa kuphu cheke. Totimi kutami ghi kutomo tile ae, panonguye pa gholono Jerusalem lo iqhoghikemiqoke.
Jisu Qhovekeu
(Mt 27.57-61; Lk 23.50-56; Jn 19.38-42)
42Tipani avelau Sabat tsala ghenguno kutope qhiveni keu shive. 43Ike Arimathia noghami Josef no ighi. Paye Judami Hoho lo kihikusumi lakhi eno kutamino qhoqhughi achekemi eno pa ghi Alhou yehkipe ighinikeu juachekemi, ikehu pano amlo kuloghishi puzu Pilat lau wuno Jisu sukumo khu. 44Pilat no Jisu ye thivea pikeu chilukelo paye akichiqhive. Pano ghushimi 100 shou akijeu kupuwu eno pa vilo Jisu ye mtsuqheyino thive akeo mokeno iniju. 45Kughou ghushimi 100 shou akijeu launo Jisu ye thivae pikeu Pilat no chilukeno Josef pelo Jisu sukumo pelupe nikeu pulovetsu. 46Josef no aphi kumtsha-kimiye lakhi qhu, eno Jisu sukumo kros lono ikhiqhi puzu aphino tipau hechije kuzuve eno ti suwo atuquqhalo akumoki chhupe puakeu lo qhive. Tishieno pano atu kije lakhi tukulu sawo akumoki ikulola hu nhave. 47Magdala noghami Maria ngo Jese paza Maria ngo ishino khea, eno Jisu sukumoye khile kutsuve keno jupepuave.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Sumi Naga CL Bible - BAIBEL
Copyright © 2013 by The Bible Society of India
Used by permission. All rights reserved worldwide.