Iyohaichish 5
5
5. Iyohaichish.
Nekirot esapane guru gusu, Dabid kava Iyohaichish.
1AA Ehoba, ku ye itak ikokanu wa en kore,
Ku ramepakari ambe esanniyo wa en kore.
2En hekote Kamui, ku goro Kamui, E orun inonno-itak ku ki gusu
Ku ash te hawe nu wa en kore.
3Aa Ehoba, kunneiwano ku goro hawe E nu kusu ne na;
Kunneiwano Aokai gusu ku etokooiki wa shiruwande kusu ne.
4Aokai anak ne wen-buri enupetne Kamui shomo ne,
Wenbe anak E samata an eaikap kusu ne gusu ne na.
5Wayasap utara anak ne E shik-samata yairoshkire eaikap:
Aokai obitta no okai irarape iki utara etunne ruwe ne na.
6Aokai anak ne shungep ki guru isamka kusu ne:
Kem ohetu newa kokandama ki guru Ehoba etunne ruwe ne.
7Kuani anak, E koro omap an ramuhauge irenga inne ne gusu, E kora kenru orun ku ahun kusu ne:
E koro Ashkanne kenru epeka no pasetara kooripak an wa ku hepokiki kusu ne na.
8Aa Ehoba, iorun shiktokoko utara okai gusu, E koro oupeka-i otta en ani wa en kore:
En kotchaot E kon ruhu oupekare wa en kore.
9Nei utara koro paroho otta sonep isama;
Koro onnaige oara wen ruwe ne:
Rekuchi anak ne makke tushiri ne;
Parumbe ani panore ki ruwe ne gusu ne na.
10Aa Kamui, nei utara kokatpakte wa en kore;
Koro eukoramkorobe ani yaikota yaihachire kuni ne kara: koro obaitaburi inne ne gusu soyekatta okewe wa en kore;
Shinuma utara Kamui okbare nisa ruwe ne gusu ne na.
11Koroka, Aokai gusu eyaikopashte utara obitta yainuchattek kusu ne;
Aokai anak ne nei utara kikikara ruwe ne gusu, ramma pakno nupetne haukore-kunitara ruwe ne kusu ne na.
Samata, E reihei omap utara Aokai enupetne kuni ne kara wa en kore.
12Aokai anak ne oupeka guru nunuke;
Aa Ehoba, Aokai anak kikhumbe an-i korachi pirika irenga nei guru nikkotamare ruwe ne kusu ne na.
Markert nå:
Iyohaichish 5: AINU
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
© British and Foreign Bible Society 1897, 2018