Yoane 11
11
1Sī neteme, nin eni Lasarus, neteme Betani, yamarat; nimote mori eni Mēri ĭm Marta, avensi eni, 2Mēri mori yemavūi Novsūromon ugi dumpon ves, memesentevi noan eni ugi novlĭmpū numpūn, ĭm man Lasarus yamarat. 3Revevenme endūrū dūmūtamūli pugi Novsūromon mūmūnūwi mūmōkū, Novsūromon, iyi mori kemnelintugi umnamarat 4Iesū yemorigi memenūwi, memokū, Imo namarat tawi ugi nemás kō, nĭmsĭn nilasilaswi eni Nōbū, ma Netni eni Nōbū, ampi nilasilaswi iran popōwo ugi. 5Im Iesū yemelintugi Marta, ĭm avensi eni, ĭm Lasarus. 6Im pol sugkū yemorigi iyi yamarat Iyi yemorokotelap dan dūrū ra nūrū mori Iyi yemetewi. 7Penūri imo Iyi yemenūwi punora ōvun nūrie eni, memokū, Kos loĭmlampe ra Yūdia. 8Mōvun nūrie dūmūnūwi pugi mūmōkū, Rabi, oveteme Isrēel dūmosorugi mūmōkū wantevok ugi nevat, ĭm kĭk ōmampe yūi kū? 9Iesū yemenūwi, memokū, Ovun nugkon twelv ra sī dan, kū? Nagkū sī umnavan ra nempugon dan iyi otumuntamsal, popōwo iyi umagesi nilara ra imo nemap. 10Kō, nagkū sī umnavan pūmrok iyi umosiīevo, popōwo tawi nilara ūnisog iyi. 11Iyi yemenūwi imo, mōmenūwi punora, memokū, Avetsī umnalēpo; kō, ya umampe menōiugi. 12Ovun nūrie eni dūmūnūwi, mūmōkū, Novsūromon, Nagkū iyi umnalēpo, ampiēōwara iyi. 13Kō Iesū yemenūwi memokū ugi nemás eni; ko irora dūmōkū Iyi yemenūwi memokū ugi nalēpo wokon. 14Iesū yemenūwisū punora, memokū, Lasarus okemas. 15Im ya umnavos popōwo ugi kĭmi, ma sugkū kimi kwontavnirĭgi, ma yaū tawi yūi. 16Kō, kos kelampe pugi. Im Tomas nalĭg eni Dĭdĭmus, yemenūwi punora ōvun nūrie mori, memokū, kos kelampe, kos sū, eĭm lamas dal Iyi.
17Im Iesū yivelum memokesi iyi yemale ra velitenemi dan devat. 18Betani potipot Yerūsalem, ĭsūt sugkū mīl endūrū. 19Im sikat oveteme Isrēel dūpmūvelum pugi Marta ĭm Mēri woretugi, popōwo ugi man. 20Im pol sugkū Marta yemorigi ma Iesū umprokevelum, iyi yempelah mevtit iran, kō Mēri yemetendōwi ūnisog nimo. 21Marta yemenūwi pugi Iesū, memokū, Novsūromon, nagkū kĭpimante igko, manūg petūmas. 22Kō, ya umagkili ma Nōbū ampunok marima sīsesĭ kĭk onesenĭgi Nōbū magkū ugi. 23Iesū yemenūwi pugi, memokū, Manum ōmamsor marugi nemas. 24Marta yōmenūwi pugi, memokū, Ya umagkili ma iyi ōmontūok marugi nemás ran dan nisah. 25Iesū yōmenūwi pugi, memokū, Nevsorasah marugi nemás, ĭm nomūrep, ūmamne ra yaū; iyi sī umentavnirĭgi yaū, nagkū iyi okomas, kō, iyi ōmamūrep. 26Miyi sī umnomūrep mementavnirĭgi yaū, otūamas. Kĭk ementavnirĭgi imo, kū? 27Marta yemenūwi pugi memokū, Monokowo, Novsūromon, ya umentavnirĭgi ma kĭk Krĭstō, Netni eni Nōbū, kokevelum ra nemap. 28Im pol sugkū iyi yemenūwi imo, iyi yivelah, memovrugi vamon Mēri avensi eni, memenūwi, memokū, Tavsogi igko, umamperug kĭk. 29Im pol sugkū iyi yemorigi, marimago iyi yemtūok mempe pugi. 30Iesū yetūvelum mafeli ūntemne, yemorokotelap ra nūrū mori Marta yemevtĭt iran. 31Mōveteme Isrēel mori dūmūte dal iyi ūnisog nimo, mūmageri dal, dūmōkesi Mēri yemtūok itnum mempe ilat, mūmūri, mūmūnūwi, mūmōkū, Iyi umampe ra velitenemi worageri yūi. 32Im pol sugkū Mēri yivelum ra nūrū mori Iesū yemetelapwi memokesi, iyi yumol ra nōan eni, memenūwi pugi memokū, Novsūromon, nagkū kĭpimante igko manūg petūmas. 33Popōwo imo sugkū, pol sugkū Iesū yemokesi ma iyi yemnageri, mōveteme Isrēel mori dūmūri dūmageri, Iyi yemesesorū ūnisog naviat eni, 34memesepen yēōmpeli Iyi memtagkelora memokū, Ia kūtenemia? Mirora dūmūnūwi pugi mūmōkū, Novsuromon, elum, mokesi. 35Iesū yemageri. Mōveteme Isrēel dūmūnūwi mūmōkū, 36Ah Iyi olintugi iyi tamas. 37Kō, nugkon ra irora dūmūnūwi, mūmōkū, Iyi mori yeratīpelah nipmi eni neteme nĭmtipat tawi faneteme worefinte imo neteme marugi nemas, kū? 38Popōwo imo sugkū Iesū yōmesesora ūnōwan, mempelum ra velitenemi, veli, ĭm nevat yemsumpat. Iesū yemenūwi, memokū, Uvīpelah nevat. 39Marta, veven neteme mori yimas, yemenūwi pugi, memokū, Novsūromon, Iyi umampen sat popōwo dan devat iran. 40Iesū yemtagkeli memokū, Ya onūwi punok mokū, nagkū kĭk ontavnirigi kagesi nilasilaswi eni Nōbū, kū? 41Mirora dūmūvīpelah nevat mori marugi nūrū neteme yimas yemale. Im Iesū yemelasah, memenūwi, memokū, Nate ya umnumpalugi iram popōwo kĭk orĭgi yaū. 42Im ya umagkili ma kĭk emandĭgi yaū indōwi; kō popōwo ugi numpūnlō mori umantūrū igko ya onūwi, ma irora wontavnirĭgi ma kĭmtamūliyaū. 43Im pol sūgkū Iyi yemenūwi imo Iyi yemovrugi gi naviansah, memokū, Lasarus, elum ilat. 44Miyi mori yimas yivelum ilat, dūmovsen nokoven ĭm nōan eni ugi ōvun nevlugkon némas, dūmūseni nipmi ugi sī némas. Iesū yemenūwi punora, memokū, Usūli iyi woravan.
45Sikat ra irora ōveteme Isrēel mori dūmūvelum pugi Mēri mūmōkesi imo Iesū yemumpi, dūmūtavnirĭgi Iyi. 46Kō, nugkon ra irora dūmūve punora ōvun Faresi, mūmūnūwi punora imo mori Iesū yemumpi.
47Popōwo imo sugkū, ōvun tavsogi horog, mōvun Faresi dūmūsemsimokonda mūmaūorugi, mūmūsepen tagkelora, mūmōkū, Sie kos kĭmlenumpi? Popōwo imo neteme mori umnumpi ōvun numpūrah horog sikat. 48Nagkū kos kelawi sugkū, omwisū wontavnirigi Iyi; mōveteme Rōm wampelum mampi lō ĭm nūrū enugkos.
49Im sī ra irora, Kaifas, tavsogi horog ra nevi mori, yemenūwi punora, memokū, Kĭmi kūtūmagkili sīsesī; 50kūtūmuntarū ma aremī nĭsekont ma sī neteme amas woretampnemokonda ōvun netevokontū, ma savūtasū soret ūtūonamiap. 51Miyi yetūsepen nenūwi imo; kō, iyi tavsogi horog ra nevi mori, yepmenūwi imo nam pugi ugi Naviat, 52memokū, Iesū amas woretampnemokonda lō Isrēel, ĭm tawi woretampnemokonda imo lō wokon, kō yemokū osemsimokonda ōvun netnime eni Nōbū; marugi nūrūsū dūmnaseviokonda, ra semsimak siteven. 53Popōwo imo sugkū, marugi dan mori irora dūmaūorugi mūmōkū wontalugi.
54Im popōwo imo isugkū Iesū yetūōmavan ūnimĭnda ōveteme Isrēel; Iyi yivelah, memōwi nūrū yūi, ra nokorin nūrū wokon, ra sĭti, nin Efraĭm. Miyi yemetelap yūi dal ōvun nūrie eni. 55Paska enirora ōveteme Isrēel yemumpotipot; ĭm sikat mori dūmne ra nimotesū dūmūsah ra Yerūsalem worevī sentevives pol sugkū nempugon paska yetūvelum. 56Mirora dūmosorugi Iesū, mūmūsepen nenūwi punora mūmōkū, pol sugkū irora dūmūtūrū ūnisog nimo tumpora, kūmagkū sie? Iyi ampelum ra narĭgari, kū? 57Mōvun tavsogi horog, mōvun Faresi, dūmūmpasewokonda, mūmōkū, nagkū sī neteme agkili nurū Iyi yemetewi, anūatūmpeni Iyi, ma sugkū irora wonelekavi.
Markert nå:
Yoane 11: ERGNT79
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Erromangan New Testament © British and Foreign Bible Society, 1909,1979.
Yoane 11
11
1Sī neteme, nin eni Lasarus, neteme Betani, yamarat; nimote mori eni Mēri ĭm Marta, avensi eni, 2Mēri mori yemavūi Novsūromon ugi dumpon ves, memesentevi noan eni ugi novlĭmpū numpūn, ĭm man Lasarus yamarat. 3Revevenme endūrū dūmūtamūli pugi Novsūromon mūmūnūwi mūmōkū, Novsūromon, iyi mori kemnelintugi umnamarat 4Iesū yemorigi memenūwi, memokū, Imo namarat tawi ugi nemás kō, nĭmsĭn nilasilaswi eni Nōbū, ma Netni eni Nōbū, ampi nilasilaswi iran popōwo ugi. 5Im Iesū yemelintugi Marta, ĭm avensi eni, ĭm Lasarus. 6Im pol sugkū yemorigi iyi yamarat Iyi yemorokotelap dan dūrū ra nūrū mori Iyi yemetewi. 7Penūri imo Iyi yemenūwi punora ōvun nūrie eni, memokū, Kos loĭmlampe ra Yūdia. 8Mōvun nūrie dūmūnūwi pugi mūmōkū, Rabi, oveteme Isrēel dūmosorugi mūmōkū wantevok ugi nevat, ĭm kĭk ōmampe yūi kū? 9Iesū yemenūwi, memokū, Ovun nugkon twelv ra sī dan, kū? Nagkū sī umnavan ra nempugon dan iyi otumuntamsal, popōwo iyi umagesi nilara ra imo nemap. 10Kō, nagkū sī umnavan pūmrok iyi umosiīevo, popōwo tawi nilara ūnisog iyi. 11Iyi yemenūwi imo, mōmenūwi punora, memokū, Avetsī umnalēpo; kō, ya umampe menōiugi. 12Ovun nūrie eni dūmūnūwi, mūmōkū, Novsūromon, Nagkū iyi umnalēpo, ampiēōwara iyi. 13Kō Iesū yemenūwi memokū ugi nemás eni; ko irora dūmōkū Iyi yemenūwi memokū ugi nalēpo wokon. 14Iesū yemenūwisū punora, memokū, Lasarus okemas. 15Im ya umnavos popōwo ugi kĭmi, ma sugkū kimi kwontavnirĭgi, ma yaū tawi yūi. 16Kō, kos kelampe pugi. Im Tomas nalĭg eni Dĭdĭmus, yemenūwi punora ōvun nūrie mori, memokū, kos kelampe, kos sū, eĭm lamas dal Iyi.
17Im Iesū yivelum memokesi iyi yemale ra velitenemi dan devat. 18Betani potipot Yerūsalem, ĭsūt sugkū mīl endūrū. 19Im sikat oveteme Isrēel dūpmūvelum pugi Marta ĭm Mēri woretugi, popōwo ugi man. 20Im pol sugkū Marta yemorigi ma Iesū umprokevelum, iyi yempelah mevtit iran, kō Mēri yemetendōwi ūnisog nimo. 21Marta yemenūwi pugi Iesū, memokū, Novsūromon, nagkū kĭpimante igko, manūg petūmas. 22Kō, ya umagkili ma Nōbū ampunok marima sīsesĭ kĭk onesenĭgi Nōbū magkū ugi. 23Iesū yemenūwi pugi, memokū, Manum ōmamsor marugi nemas. 24Marta yōmenūwi pugi, memokū, Ya umagkili ma iyi ōmontūok marugi nemás ran dan nisah. 25Iesū yōmenūwi pugi, memokū, Nevsorasah marugi nemás, ĭm nomūrep, ūmamne ra yaū; iyi sī umentavnirĭgi yaū, nagkū iyi okomas, kō, iyi ōmamūrep. 26Miyi sī umnomūrep mementavnirĭgi yaū, otūamas. Kĭk ementavnirĭgi imo, kū? 27Marta yemenūwi pugi memokū, Monokowo, Novsūromon, ya umentavnirĭgi ma kĭk Krĭstō, Netni eni Nōbū, kokevelum ra nemap. 28Im pol sugkū iyi yemenūwi imo, iyi yivelah, memovrugi vamon Mēri avensi eni, memenūwi, memokū, Tavsogi igko, umamperug kĭk. 29Im pol sugkū iyi yemorigi, marimago iyi yemtūok mempe pugi. 30Iesū yetūvelum mafeli ūntemne, yemorokotelap ra nūrū mori Marta yemevtĭt iran. 31Mōveteme Isrēel mori dūmūte dal iyi ūnisog nimo, mūmageri dal, dūmōkesi Mēri yemtūok itnum mempe ilat, mūmūri, mūmūnūwi, mūmōkū, Iyi umampe ra velitenemi worageri yūi. 32Im pol sugkū Mēri yivelum ra nūrū mori Iesū yemetelapwi memokesi, iyi yumol ra nōan eni, memenūwi pugi memokū, Novsūromon, nagkū kĭpimante igko manūg petūmas. 33Popōwo imo sugkū, pol sugkū Iesū yemokesi ma iyi yemnageri, mōveteme Isrēel mori dūmūri dūmageri, Iyi yemesesorū ūnisog naviat eni, 34memesepen yēōmpeli Iyi memtagkelora memokū, Ia kūtenemia? Mirora dūmūnūwi pugi mūmōkū, Novsuromon, elum, mokesi. 35Iesū yemageri. Mōveteme Isrēel dūmūnūwi mūmōkū, 36Ah Iyi olintugi iyi tamas. 37Kō, nugkon ra irora dūmūnūwi, mūmōkū, Iyi mori yeratīpelah nipmi eni neteme nĭmtipat tawi faneteme worefinte imo neteme marugi nemas, kū? 38Popōwo imo sugkū Iesū yōmesesora ūnōwan, mempelum ra velitenemi, veli, ĭm nevat yemsumpat. Iesū yemenūwi, memokū, Uvīpelah nevat. 39Marta, veven neteme mori yimas, yemenūwi pugi, memokū, Novsūromon, Iyi umampen sat popōwo dan devat iran. 40Iesū yemtagkeli memokū, Ya onūwi punok mokū, nagkū kĭk ontavnirigi kagesi nilasilaswi eni Nōbū, kū? 41Mirora dūmūvīpelah nevat mori marugi nūrū neteme yimas yemale. Im Iesū yemelasah, memenūwi, memokū, Nate ya umnumpalugi iram popōwo kĭk orĭgi yaū. 42Im ya umagkili ma kĭk emandĭgi yaū indōwi; kō popōwo ugi numpūnlō mori umantūrū igko ya onūwi, ma irora wontavnirĭgi ma kĭmtamūliyaū. 43Im pol sūgkū Iyi yemenūwi imo Iyi yemovrugi gi naviansah, memokū, Lasarus, elum ilat. 44Miyi mori yimas yivelum ilat, dūmovsen nokoven ĭm nōan eni ugi ōvun nevlugkon némas, dūmūseni nipmi ugi sī némas. Iesū yemenūwi punora, memokū, Usūli iyi woravan.
45Sikat ra irora ōveteme Isrēel mori dūmūvelum pugi Mēri mūmōkesi imo Iesū yemumpi, dūmūtavnirĭgi Iyi. 46Kō, nugkon ra irora dūmūve punora ōvun Faresi, mūmūnūwi punora imo mori Iesū yemumpi.
47Popōwo imo sugkū, ōvun tavsogi horog, mōvun Faresi dūmūsemsimokonda mūmaūorugi, mūmūsepen tagkelora, mūmōkū, Sie kos kĭmlenumpi? Popōwo imo neteme mori umnumpi ōvun numpūrah horog sikat. 48Nagkū kos kelawi sugkū, omwisū wontavnirigi Iyi; mōveteme Rōm wampelum mampi lō ĭm nūrū enugkos.
49Im sī ra irora, Kaifas, tavsogi horog ra nevi mori, yemenūwi punora, memokū, Kĭmi kūtūmagkili sīsesī; 50kūtūmuntarū ma aremī nĭsekont ma sī neteme amas woretampnemokonda ōvun netevokontū, ma savūtasū soret ūtūonamiap. 51Miyi yetūsepen nenūwi imo; kō, iyi tavsogi horog ra nevi mori, yepmenūwi imo nam pugi ugi Naviat, 52memokū, Iesū amas woretampnemokonda lō Isrēel, ĭm tawi woretampnemokonda imo lō wokon, kō yemokū osemsimokonda ōvun netnime eni Nōbū; marugi nūrūsū dūmnaseviokonda, ra semsimak siteven. 53Popōwo imo sugkū, marugi dan mori irora dūmaūorugi mūmōkū wontalugi.
54Im popōwo imo isugkū Iesū yetūōmavan ūnimĭnda ōveteme Isrēel; Iyi yivelah, memōwi nūrū yūi, ra nokorin nūrū wokon, ra sĭti, nin Efraĭm. Miyi yemetelap yūi dal ōvun nūrie eni. 55Paska enirora ōveteme Isrēel yemumpotipot; ĭm sikat mori dūmne ra nimotesū dūmūsah ra Yerūsalem worevī sentevives pol sugkū nempugon paska yetūvelum. 56Mirora dūmosorugi Iesū, mūmūsepen nenūwi punora mūmōkū, pol sugkū irora dūmūtūrū ūnisog nimo tumpora, kūmagkū sie? Iyi ampelum ra narĭgari, kū? 57Mōvun tavsogi horog, mōvun Faresi, dūmūmpasewokonda, mūmōkū, nagkū sī neteme agkili nurū Iyi yemetewi, anūatūmpeni Iyi, ma sugkū irora wonelekavi.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Erromangan New Testament © British and Foreign Bible Society, 1909,1979.