Thangambere 5
5
Nyikwai Adamu
(1 Kei 1:1-4)
1 #
Tha 1:27, 28 Maeni kitabu mi dhanum’utuk pa Adamu. I ceng’ ma Mungu cwio ie dhanu, ecwie kud ayi Mungu; 2#Mt 19:4; Mk 10:6nico ku dhaku de ecwiogi, man emio mugisa igi, man elwong’o nying’gi Dhanu, i ceng’ m’ecwiogi i ie. 3Man Adamu camu ng’om rundi dak acel ku pier adek, man enyolo nyathin ma nico ma calu en gire, m’ulubo ayine; e ecaku nyinge Seth: 4man ceng’ pa Adamu yo ng’ei nyolo Seth en e rundi dak abora: man enyolo nyithindho ma co ku nyithindho ma nyir. 5Man ceng’ ma Adamu camu ie ng’om en e rundi dak abung’wen ku pier adek: e etho.
6Man Seth ucamu ng’om rundi dak acel kud abic, man enyolo Enoc: 7man Seth ucamu ng’om yo ng’ei nyolo Enoc rundi dak abora kud abiro, man enyolo nyithindho ma co ku nyithindho ma nyir: 8man ceng’ pa Seth ceke en e rundi dak abung’wen kud apar wi ario: e etho.
9Man Enoc ucamu ng’om rundi pier abung’wen, man enyolo Kenan: 10man Enoc ucamu ng’om yo ng’ei nyolo Kenan rundi dak abora kud apar wi abic, man enyolo nyithindho ma co ku nyithindho ma nyir: 11man ceng’ pa Enoc ceke en e rundi dak abung’wen ku wi abic: e etho.
12Man Kenan ucamu ng’om rundi pier abiro, man enyolo Mahalalel: 13man Kenan ucamu ng’om yo ng’ei nyolo Mahalalel rundi dak abora ku pier ang’wen, man enyolo nyithindho ma co ku nyithindho ma nyir: 14man ceng’ pa Kenan ceke en e rundi dak abung’wen kud apar: e etho.
15Man Mahalalel ucamu ng’om rundi pier abusiel wi abic, man enyolo Yared: 16man Mahalalel ucamu ng’om yo ng’ei nyolo Yared rundi dak abora ku pier adek, man enyolo nyithindho ma co ku nyithindho ma nyir: 17man ceng’ pa Mahalalel ceke en e rundi dak abora ku pier abung’wen wi abic: e etho.
18Man Yared ucamu ng’om rundi dak acel ku pier abusiel wi ario, man enyolo Enok: 19man Yared ucamu ng’om yo ng’ei nyolo Enok rundi dak abora, man enyolo nyithindho ma co ku nyithindho ma nyir: 20man ceng’ pa Yared ceke en e rundi dak abung’wen ku pier abusiel wi ario: e etho.
21Man Enok ucamu ng’om rundi pier abusiel wi abic, man enyolo Methusela: 22man Enok uwotho ku Mungu yo ng’ei nyolo Methusela rundi dak adek, man enyolo nyithindho ma co ku nyithindho ma nyir: 23man ceng’ pa Enok ceke en e rundi dak adek ku pier abusiel wi abic: 24#Ebr 11:5; Yud 1:14man Enok uwotho ku Mungu: e en embe; kum Mungu game.
25Man Methusela camu ng’om rundi dak acel ku pier abora wi abiro, man enyolo Lamek: 26man Methusela camu ng’om yo ng’ei nyolo Lamek, rundi dak abiro ku pier abora wi ario, man enyolo nyithindho ma co ku nyithindho ma nyir: 27man ceng’ pa Methusela ceke en e rundi dak abung’wen ku pier abusiel wi abung’wen: e etho.
28Man Lamek ucamu ng’om rundi dak acel ku pier abora wi ario, man enyolo nyathin ma nico: 29man elwong’o nyinge Noa, ewacu kumae, Ng’atu maeni bijukowa i tic mwa man i muli mi cingwa, m’uwok kum ng’om ma Yehova kwong’o. 30Man Lamek ucamu ng’om yo ng’ei nyolo Noa rundi dak abic ku pier abung’wen wi abic, man enyolo nyithindho ma co ku nyithindho ma nyir: 31man ceng’ pa Lamek ceke en e rundi dak abiro’ ku pier abiro wi abiro: e etho.
32Man Noa rundi pare dak abic: man Noa nyolo Cem, Ham, man Yafeth.
Markert nå:
Thangambere 5: AB1970
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
The Holy Bible In Alur (Lur), Revised Orthography © United Bible Societies, 1970.