Mateu 13
13
Chishimo chamuka-kukuva
(Mako 4:1-9; Luka 8:4-8)
1Halikumbi vene lize, Yesu alovokele muze muzuvo nakuya nakutwama kuchijiva.
2Kaha kwahomenene mazavu amavulu avatu nakumujingilika, ngocho engilile muwato nakutwamamo, kaha aze mazavu osena emanyine kungenge.
3Kaha avalwezele vyavivulu muvishimo ngwenyi, Ivwenu! Muka-kukuva ayile nakukuva.
4Ikiye hakukuva, yimwe yaholokelele kukulo yajila, kaha tujila vejile nakuyilya.
5Yikwavo yaholokelele hamavu amalolwa, haze kahapwile mavu amavuluko. Kaha hahaze vene yasokele, mwomwo kayapwile hamavu amavuluko.
6Oloze omu lyazundukile likumbi yapapukile, kaha hakuhona miji, yomine chau.
7Yikwavo yaholokelele mukachi kamingonga, kaha yize mingonga yakolele nakuyijiha.
8Yikwavo yaholokelele hamavu amwaza nakwima manona — halinona hilinona, eli likulukaji (100), eli makumi atanu nalimwe (60), eli makumi atatu (30).
9 #
11:15
Ou ali namatwitwi evwilile.
Mwomwo ika Yesu ahanjikile muvishimo?
(Mako 4:10-12; Luka 8:9-10)
10Kaha tumbaji twenyi vapandamine kuli ikiye, vamuhulishile ngwavo, Mwomwo ika uli nakuhanjika kuli vakiko muvishimo?
11Kaha Ikiye avakumbulwile ngwenyi, #19:11; 20:23; Luka 8:10; Yowa 6:65; 1 Yowa 2:20-27Enu vanamihane kutachikiza mangana ápwile akusweka awangana wamwilu, oloze vakiko kavavahànyinechoko.
12 #
25:29; Mako 4:25; Luka 8:18; 19:26 Mwomwo weshowo áli navyo navakamuwezelako, kaha mwakapwa navyakulisala. Oloze weshowo keshi navyoko, chipwe chize áli nacho navakamutambulacho.
13Shikaho nguli nakuhanjika kuli vakiko muvishimo, #Yele 5:21; Ezek 12:12; Lush 29:4mwomwo omu vali nakutala kaveshi nakumonako, kaha omu vali nakwivwa kaveshi nakwivwishisako chipwe kuvalumbunukila.
14Shikaho, mazu aupolofweto waIsaya anatesamo muli vakiko, akwamba ngwavo,
#
Isa 6:9-10; Mako 4:12; 8:18; Yowa 12:39-41; Vili 28:26-27; Loma 11:8 Kwivwa namwivwa, oloze kacheshi kumilumbunukilako.
Kumona namumona, oloze kacheshi kumitumbunukilako.
15Mwomwo michima yavatu ava yinambumbula,
Matwitwi avo kwivwa kanawa chiku,
Meso avo akulalavika,
Kuchina navamona nameso,
Nakwivwa namatwitwi,
Nakuvalumbunukila mumichima
Mangana vakinduluke nguvahindule.
16 #
13:16-17; Luka 10:23-24 Oloze anatokwa meso enu mwomwo ali nakumona, namatwitwi enu nawa mwomwo ali nakwivwa.
17Mwomwo mwamuchano nangumilweza ngwami #Yowa 8:56; Hepe 11:13; 1 Pet 1:10-12vapolofweto navaka-kwoloka vavavulu vafwililile kumona evi muli nakumona, oloze kavavimweneko, vafwililile kwivwa evi muli nakwivwa, oloze kavavivwileko.
Yesu mwalumbununa chishimo chamuka-kukuva
(Mako 4:13-20; Luka 8:11-15)
18Ivwililenu jino mwaya chishimo chamuka-kukuva.
19Weshowo mwevwa awa mazu awangana nakuzeneka kumulumbunukila, #5:37uze wamupi mweza nakunyanga awa vanakuu mumuchima wenyi. Eyi yikiko yakukuva kukulo yajila.
20Oloze yize yakukuva hamavu amalolwa — ikiye uze mwevwa mazu, kaha hahaze vene mwawatambula nakuwahilila.
21Oloze keshi namiji yakuzama muli iveneko, napu watando yayindende kaha. Oloze hakumona makava chipwe kumuyanjishila hamazu, hahaze vene himwaseza vyalufwelelo.
22Yize yakukuva mumingonga — ikiye uze mwevwa mazu, kaha hakuzakamina #Mako 4:19; Loma 12:2; 1 Koli 1:20; 2:6, 8; 3:18; 2 Koli 4:4; Ngal 1:4; Efwe 2:2vyamyaka yino, #19:23; 1 Chim 6:9-10, 17nakutangisa chaluheto, hinavihonesa mazu, kaha hinawazeneka kwima mihako.
23Oloze yize yakukuva hamavu amwaza — ikiye uze mwevwa mazu nakuwevwishisa. Ikiye vene mwemanga mihako nakulovola, aha likulukaji (100), hakwavo makumi atanu nalimwe (60), heka makumi atatu (30).
Chishimo chambuto yayisasu mukachi katiliku
24 #
13:24-30; Mako 4:26-29 Avatelelele chishimo chikwavo ngwenyi, Wangana wamwilu vanaufwanyisa namutu ákuvile mbuto jamwaza muwande wenyi.
25Oloze shimbu vapwile vatu jenyi mtúlo, muka-kole wenyi ejile nakukuvamo mbuto yayisasu#13:25 Mbuto akuvile muka-kole yapwile yakulifwana natiliku, oloze yapwile yayisasu yikwechi ulembe wakujiha mutu. mukachi katiliku nakuliyila kwenyi.
26Kaha omu yasokele mbuto nakwima, hahaze vene nayize mbuto yayisasu nawa yasolokele.
27Kaha vandungo jauze mwenyawande vejile nakumuhulisa ngwavo, Ove mwata, kumana muwande wove kawakuvilemo mbuto yamwazako? Nyi eyi mbuto yayisasu yinafumu kulihi?
28Avakumbulwile ngwenyi, Muka-kole ikiye nalingi chuma kana! Vandungo jenyi hinavamuhulisa ngwavo, Shikaho unasake tuyenga tukayivunyemo tahi?
29Oloze ikiye avakumbulwile ngwenyi, Nduma, kuchina hakuvunya mbuto yayisasu, namukavunyina kumwe natiliku.
30Jechenu tuhu josena jikolele hamwe palanga nahakwaha. Kaha hangonde yakwaha nangukalweza vaka-kwaha ngwami, Vangilenu kukungulula mbuto yayisasu nakuyikasa mikuta mikuta, muyoche. Oloze tiliku, #3:12yikungulwilenu muchisete chami.
Chishimo chambuto yamusetale
(Mako 4:30-32; Luka 13:18-19)
31Avatelelele chishimo chikwavo ngwenyi, Wangana wamwilu unafwane #17:20; Luka 17:6nge mbuto yamusetale, yize ambachile mutu nakuyitumba muwande wenyi.
32Yikiko yapwa yayindende chikuma kuhambakana jimbuto josena, oloze nge yinakolo lyehi nayitohwa kuhambakana vimbuto vikwavo vyosena, naupwa mutondo waunene, kaha #Ezek 17:23; 31:6; Ndan 4:12tujila vahelu naveza nakutungila maswa hamitango yawo.
Chishimo chachimbalwila
(Luka 13:20-21)
33Avatelelele chishimo chikwavo ngwenyi, Wangana wamwilu unafwane nge chimbalwila, chize ambachile pwevo nakuchisweka hakuchichingasana muunga watiliku #Kupu 18:6wavyesekelo#13:33 Chesekelo chimwe chapwile 7 kilo yaunga. vitatu, #Ngal 5:9swi-i nomu chayangililile mwosena.
Hafumine Yesu kuvatela vishimo
(Mako 4:33-34)
34Vyosena evi Yesu avihanjikile muvishimo kumazavu aze. #Yowa 10:6; 16:25Kahanjikilenga navo chakuzeneka chishimoko,
35mangana mazu ahanjikile kapolofweto atesemo, ngwenyi,
#
Samu 78:2
Nangulokolola mukanwa kami nakuta vishimo,
Nangutufula ovyo vyapwile vyakusweka kufuma hakwala chihela chakaye.
Yesu mwalumbununa chishimo chambuto yayisasu mukachi katiliku
36Haze vene asezele aze mazavu, engilile muzuvo. Kaha tumbaji twenyi vapandamine kuli ikiye nakumwamba ngwavo, Tulumbunwine chize chishimo chambuto yayisasu yamuwande.
37Avakumbulwile ngwenyi, Muka-kukuva mbuto yamwaza Ikiye Mwanamutu.
38Wande ukiko kaye. Mbuto yamwaza yikiko #8:12vana vawangana. Mbuto yayisasu yikiko #Yowa 8:44; Vili 13:10; 1 Yowa 3:10vana #13:19vauze wamupi.
39Kaha uze Muka-kole ayikuvile, ikiye liyavolo. Ngonde yakwaha yikiko #13:40, 49; 24:3; 28:20kukuma chamyaka yino. Vaka-kwaha vakiko vangelo.
40Shikaho, ngana muze veji kukungululanga mbuto yayisasu nakuyocha nakakahya, mukiko vene nachikapwa hakukuma chamyaka yino.
41Mwanamutu #Mat 24:3mwakatuma vangelo jenyi mangana vakakungule nakufumisa vyakuvulumwisa vyosena muwangana wenyi, kaha vipapwoki vosena
42navakavambila mulilungu lyakakahya — #8:12mwamuze vene navakapwanga nakulila jimbimbi nakulingenjunga kumazo.
43Haze vene vaka-kwoloka navakamunyikanga nge likumbi muwangana waSevo. #11:15Ou ali namatwitwi evwilile.
Luheto lwakuvumbika muwande
44Wangana wamwilu unafwane nge luheto lwakuvumbika muwande, olu awanyine mutu nakulushikila. Hakuwahilila chapwile mumuchima wenyi, ayile nakulanjisa vyenyi vyosena, nakulanda uze wande.
Pela yandando yayinene
45Cheka nawa wangana wamwilu unafwane nge muka-kusekasana mwatonda jipela#13:45 Pela yapwa usanga utoma wandando yayinene chikuma. Vajiwana mujimbangambanga jamukalungalwiji. jamwaza alande.
46Ikiye hakuwana pela yimwe yandando yayinene chikuma, ayile nakulanjisa vyenyi vyosena nakuyilanda.
Lyoji lyachikokela
47Cheka nawa, wangana wamwilu unafwane nge lyoji lyachikokela vafuchile mukalungalwiji, kaha vakuchikililemo vaishi vamiyachi yosena.
48Omu lyazalile, valikokelele kutunda, kaha vatwamine nakukungulwila vamwaza mumitonga, oloze vavapi vavambilile.
49Mukiko vene nachikapwa hakukuma chamyaka yino. Vangelo navakeza nakuhandununa vavapi kufuma muli vaka-kwoloka,
50nakuvambila mulilungu lyakakahya, #13:42; 8:12mwamuze vene navakapwanga nakulila jimbimbi nakulingenjunga kumazo.
Vyavihya nevi vyamwaka
51Vyosena evi vinamilumbunukila tahi? Vamukumbulwile ngwavo, Eyo Mwata.
52Kaha avambile ngwenyi, Shikaho muka-kusoneka himuka-kusoneka vánanangwila vyawangana wamwilu nafwane nge mutu mwenyazuvo, éji kulovolanga vyavihya nevi vyamwaka kufuma kuluheto lwenyi.
Yesu navamukana kuNazaleta
(Mako 6:1-6; Luka 4:16-30)
53Kaha chasolokele, #7:28; 11:1; 19:1; 26:1omu Yesu akumishile kuhanjika muvishimo evi, afumineko.
54Kaha omu ahetele kwimbo lyenyi, avanangwilenga musunangonga#13:54 Tala ha4:23. yavo. Ngocho valikomokelele nakulihwojola ngwavo, Kulihi nawane Ou Mutu mangana awa nevi vilinga vyangolo?
55Ou keshi Ikiye Mwana uze muka-kusongako? #12:46Naye keshi ikiye Maliyako? Vasongo jenyi vamalunga kaveshi vakiko vaYakova naYosefwe naShimona naYutako?
56Kaha kumana #Mako 6:3vasongo jenyi vamapwevo vosena katweshi navoko? Nyi vyosena evi naviwane kulihi?
57Kaha #11:6vamufutukilile. Oloze Yesu avambile ngwenyi, #Mako 6:4; Luka 4:24; Yowa 4:44Kapolofweto vamulemesa kweka kaha, keshi mwimbo lyenyi nakuzuvo yenyiko#13:57 MuchiHelase ngwavo, Kapolofweto kazeneka kavumbiko, shina mwimbo lyenyi nakumahyenyi kaha..
58Kaha kuze kalingilileko vilinga vyangolo vyavivuluko, hakuzeneka chavo kufwelela.
Markert nå:
Mateu 13: LUE
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
Bible Society of Zambia