Like 11
11
Jesu ayisiha alwoni osuumbu ovwono
1Cuhu mo, Jesu akihi avwono o biri mo ntu. Ntini e nde amani ovwono, olwoni a nde omo opɨsi nde ndi: «Nkʉmu, yisiha bisi osuumbu mo ovwono, mva e Jan ayisihi alwoni a nde.» 2Nde na bo ndi: «Ntini e be levwono. Be leduhi mbɨri:
Taara,
sa mbɨri baari aso ayaa ndi Nkuumi e we opeende,
na Onkʉmu o we oya.
3Mpa bisi biila e bisi leli na kaama,
ecuhu eso.
4Boloho ambiini a bisi
mva o bisi leboloho a baari mabiisa bisi,
ka nyiliha bisi nca ecimihi me ebi ni.»
Ncincami e ndihi ali o nca kaama
5Jesu ovurihi oduhi bo ndi: «Mvuuru omo o mpaniŋi e be, abuuna obasaha ndihi, oyeni mpili e nde na mpiibi mo oduha nde ndi: “Ndihi a me, biha me mpeembe tari. 6Obila ndihi a me omo omiwa opiinga oli o njo, ŋa me kiila empa nde kali.” 7Ŋa na nca njo, buha okaali ndi: “Nyila me two! Me emi mana obiinda njo. Saa baana leli antolo. Me i buuna otemehe mo ompa we mpeembe ni.” 8Ŋa me eduha be mbɨri ndihi a nde atemehe, aje ompa nde eso e nde adya. Ka ma obila o nde ali ndihi e nde ni, ŋa mo nkomoho e nde. 9Ŋa me eduha be, be apɨsa ampi be, be osaha lebahi. Be okʉruha njo, anaani. 10Obila, mpɨni mvuuru apɨsa obahi, asaha omoni, ŋa akuruha njo ma aje onaana. 11Jwa taara o mpaniŋi e be na, ali ntini e mwana apɨsa ncu nde ompi nde ntaari o biri e ncu na? 12Si kali nde apɨsa bi na taara, taara ompi nde ngya na? 13Be baari ma abi, be leyaa ompa baana a be biibi ma eve, nkusa na Taara a be ali o yulu aje ompa Oduduma Santi na baari mapɨsa na nde!»
Mpari e Jesu
14Jesu aki acuura odidima obi oki na balaha eki nkɨna. Odidima ocuuhi, nde oya awobo. Lemvuuru leya nca lekimi. 15Baari ake ndi: «Nde acuura ŋa o mpari e Belejibile nkʉmu edidima me ebi. Ampaha nde onkʉmu mo ocuura jo!» 16Maamo asahi olehe nde oyere, bo apɨsi nde ndiimi omaa ewa na yulu. 17Jesu aki oyaa ecimiŋi e bo, oduhi na bo ndi: «Ntini e baari majwana eta o mpaniŋi e bo, nca osi, co obii, anjo avi o yula abuha.» 18Be leduha mbɨri me ecuura edidima me ebi o mpari e Belejibile. Ŋa yuhu Sata ajwana eta nde anku, osi o nde eje okaana buni? 19Ŋa yuhu me ecuuraha edidima me ebi o mpari e Belejibile, ŋa baana a be se macuuraha jo o mpari e na? Jya biri alwoni a be anku ma aje opama be! 20Yuhu Njyami mvuuru amampa me mpari mo ocuura edidima me ebi, o ŋa Onkʉmu o Nde omi ya mpili e be.
21«Ntini e balaha eli na mpari na anjasi mo okyele njo e nde, i buuna oyaha osolo a nde ni. 22Ŋa mvuuru avʉli nde mpari oya, opiini nde anjasi a nde aki amalehe tari o mo. Okabihi biibi e nde apiini na nde eso. 23Mvuuru ali ka bɨla me ni, na mbele e me. Ŋa mvuuru ali i yamaha me mo okusaha baari ni, acala bo.»
Odidima obi omiya na avuriha
24«Ntini odidima obi ocuuha o mvuuru, co oyeni nca kayi, osahi biri owuuma. Ŋa co obɨsa obasaha biri co oduhi ndi: “Tata me vuriha nca njo e me ecuuhi o yo.” 25Ŋa nde ovurihi, nde okiriha obasihi yo ama kwomo, amayeese. 26Nde oyeni na ayaha edidima ekɨma ncaami, me evuli nde obi, jo enyunihi, eya o nci. Ekihi e mvuuru jwa me enyarihi evuli e kala obi.»
Jesu awobo o baari ma ali nca oswere
27Ntini e Jesu awobihi vwa, okaasi omo nca lemvuuru oduhi nde na ankala ndi: «Oswere oka na okaasi abiri yimi e we, ompi we byele le nde!» 28Ŋa Jesu okaali ndi: «Oswere oka ni na baari mayuha mbari e Njyami na manyiimaha yo!»
Jesu akaala na baari mapɨsa nde omaa
29Lemvuuru le kuna leyi lejeniŋi Jesu, nde na bo ndi: «Baari a lobi abi, bo masaha ndiimi, ŋa omaa o baari ma aje omono oso ni o Jonase.#11.29 Jonase aki owobi a Njyami atumi mpili asi Ninive. 30Ŋa mo osuumbu a Jonase aki ndiimi omaa ŋa asi Ninive, Mwana Mvuuru se aje oka ndiimi o baari a lobi. 31Cuhu opami Nkani okaasi a mo osi o mbere#11.31 Okaasi jwa aki Nkani osi o Saba, oki la na Isayele na mbere. aje otemeŋe obanaŋa baari a lobi, obila nde amawa esi e la, mo oyuha ncimi e mbari e Salomo. Ŋa ali kuuni ovuli Salomo! 32Cuhu opami baari a Ninive ma aje otemehe mo obanaha njubu e lobi, obila bo amayalaha mbari e Jonase atoosi, bo se amakaala eku. Ŋa ali kuuni ovuli Jonase!»
Miisi mva baami e mbaa
33«Mvuuru i buuna onaasa baami e mbaa, ojisihi yo si kali olehi yo ncina njuu ni. Nde obaŋa yo o biri e baari ma ali onyunuŋa amoni oyalala. 34Diisi le we baami e mbaa e nyuru. Ntini e diisi le we le eli yemiŋi, nyuru e we eso se eli nca oyalala. Ŋa yuhu lo le bi, nyuru e we se eli nca lempiibi. 35Ŋa sa ayiba! Oyalala eli o we i ma ka lempiibi ni. 36Ŋa yuhu nyuru e we eso eli nca oyalala, se lengulu lemo leli nca lempiibi onyaŋa, yo eka eso nca oyalala, mva ntini e baami e mbaa empaha we oyalala o yo.»
Jesu abanaŋa Afarisi bɨla ayisihi me ekele
37Ntini e Jesu awobihi, Ofarisi omo ocwoli Jesu na aja o njo e nde. Jesu onyunihi, oya o tanda. 38Ofarisi okimi mo osuumbu a Jesu aka saa cuka jyala#11.38 Ntini e bo ma ja biila, ove bo asa cuka jyala na ntaami bɨla epele mo oka opeende. ntini e bo ma baani oja ni. 39Ŋa Nkʉmu oduhi na Ofarisi ndi: Be lecuka ngula akobo bɨla epele, ŋa nca etima e be, be njala kuba, bɨla maami obi. 40Be baari a ncimi kali! Njyami osi ngula nji, nde se aka sa nca kari ni? 41Lempa anga owuha biibi e be leli na jo nca akobo bɨla epele, ŋa maami aso aka ce ce o be.
42«Ŋa ndoho eka na be Afarisi, obila be lempaha Njyami buhu le okuumi le efuuma mva jira#11.42 jira mpili e bo ma Ajife otwolo o maante. na efuuma ekɨma ma eli o swaha na ma anguunu a be. Ŋa be lebisi oka tele bɨla abuha, be i dya Njyami ni. Kaa be lesi vwa, o ngula ŋa be i malimaha maamo ni. 43Ŋa ndoho eka na be Afarisi! Be njala okaha o nci me ebiri ma levusu nca anjo mavwonoho. Be njala awosoho be ma ambuhu. 44Ŋa ndoho eka na be, be le eli mva amuuma ma ali i mono ni. Baari mayira o yula mo i yaa ni!»
45Oyisihi a mbari e Njyami omo na Jesu ndi: «E Nkʉmu, ntini e we awobo vwa, we atuha bisi se!» 46Jesu okaali ndi: «Ndoho eka na be se ayisihi me ekele e Njyami! Obila be leduha baari obira elemi e kuna, ŋa be anku i tiila bo se mo olyemi ni. 47Ndoho eka na be! Ma obila o be letuuŋa amuuma ma awobi a mbari e Njyami, ni ma bumi bo ankaha a be! 48Mo osuumbu jwa be lesiisa enywa o maami ma ankaha a be ma asi. Mo oma bo mabuma awobi a mbari e Njyami, ŋa be lecwa amuuma! 49Jya biri e Njyami o nca ncimi e nde aduhi ndi: Me eje otuma bo awobi a mbari e Njyami bɨla antuma. Bo ma aje obuma ake, aswesehe maamo. 50Ŋa ma aje opɨsa njubu e lobi ji, tohi awobi a mbari e Njyami ecoli ma asi baana osuumba ncye. 51Mo obaana o tohi Abele, tii tohi e Jakari ma abumi ma lebuhu le njo e Njyami, o mpaniŋi e nkiina bɨla nkwomo. Me eduha be Njyami aje oliisa njubu e lobi o maami maa aso!
52Ndoho eka na be ayisihi me ekele e Njyami! Ma obila o be lemabiinda njila mo oje mpili e Njyami. Be anku leka nyuniha ni. Be se lemakanaha baari ma dii onyunuha.»
53Ntini e Jesu acuuhi o njo jya, ayisihi me ekele bɨla Afarisi abiri nkala yo mɨni, alehi nde eduhu kuna. 54Bo malehe nde eyere, mo osaha ndi jaa e mbi ecuuha mo onywa a nde.
Markert nå:
Like 11: MDT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Like 11
11
Jesu ayisiha alwoni osuumbu ovwono
1Cuhu mo, Jesu akihi avwono o biri mo ntu. Ntini e nde amani ovwono, olwoni a nde omo opɨsi nde ndi: «Nkʉmu, yisiha bisi osuumbu mo ovwono, mva e Jan ayisihi alwoni a nde.» 2Nde na bo ndi: «Ntini e be levwono. Be leduhi mbɨri:
Taara,
sa mbɨri baari aso ayaa ndi Nkuumi e we opeende,
na Onkʉmu o we oya.
3Mpa bisi biila e bisi leli na kaama,
ecuhu eso.
4Boloho ambiini a bisi
mva o bisi leboloho a baari mabiisa bisi,
ka nyiliha bisi nca ecimihi me ebi ni.»
Ncincami e ndihi ali o nca kaama
5Jesu ovurihi oduhi bo ndi: «Mvuuru omo o mpaniŋi e be, abuuna obasaha ndihi, oyeni mpili e nde na mpiibi mo oduha nde ndi: “Ndihi a me, biha me mpeembe tari. 6Obila ndihi a me omo omiwa opiinga oli o njo, ŋa me kiila empa nde kali.” 7Ŋa na nca njo, buha okaali ndi: “Nyila me two! Me emi mana obiinda njo. Saa baana leli antolo. Me i buuna otemehe mo ompa we mpeembe ni.” 8Ŋa me eduha be mbɨri ndihi a nde atemehe, aje ompa nde eso e nde adya. Ka ma obila o nde ali ndihi e nde ni, ŋa mo nkomoho e nde. 9Ŋa me eduha be, be apɨsa ampi be, be osaha lebahi. Be okʉruha njo, anaani. 10Obila, mpɨni mvuuru apɨsa obahi, asaha omoni, ŋa akuruha njo ma aje onaana. 11Jwa taara o mpaniŋi e be na, ali ntini e mwana apɨsa ncu nde ompi nde ntaari o biri e ncu na? 12Si kali nde apɨsa bi na taara, taara ompi nde ngya na? 13Be baari ma abi, be leyaa ompa baana a be biibi ma eve, nkusa na Taara a be ali o yulu aje ompa Oduduma Santi na baari mapɨsa na nde!»
Mpari e Jesu
14Jesu aki acuura odidima obi oki na balaha eki nkɨna. Odidima ocuuhi, nde oya awobo. Lemvuuru leya nca lekimi. 15Baari ake ndi: «Nde acuura ŋa o mpari e Belejibile nkʉmu edidima me ebi. Ampaha nde onkʉmu mo ocuura jo!» 16Maamo asahi olehe nde oyere, bo apɨsi nde ndiimi omaa ewa na yulu. 17Jesu aki oyaa ecimiŋi e bo, oduhi na bo ndi: «Ntini e baari majwana eta o mpaniŋi e bo, nca osi, co obii, anjo avi o yula abuha.» 18Be leduha mbɨri me ecuura edidima me ebi o mpari e Belejibile. Ŋa yuhu Sata ajwana eta nde anku, osi o nde eje okaana buni? 19Ŋa yuhu me ecuuraha edidima me ebi o mpari e Belejibile, ŋa baana a be se macuuraha jo o mpari e na? Jya biri alwoni a be anku ma aje opama be! 20Yuhu Njyami mvuuru amampa me mpari mo ocuura edidima me ebi, o ŋa Onkʉmu o Nde omi ya mpili e be.
21«Ntini e balaha eli na mpari na anjasi mo okyele njo e nde, i buuna oyaha osolo a nde ni. 22Ŋa mvuuru avʉli nde mpari oya, opiini nde anjasi a nde aki amalehe tari o mo. Okabihi biibi e nde apiini na nde eso. 23Mvuuru ali ka bɨla me ni, na mbele e me. Ŋa mvuuru ali i yamaha me mo okusaha baari ni, acala bo.»
Odidima obi omiya na avuriha
24«Ntini odidima obi ocuuha o mvuuru, co oyeni nca kayi, osahi biri owuuma. Ŋa co obɨsa obasaha biri co oduhi ndi: “Tata me vuriha nca njo e me ecuuhi o yo.” 25Ŋa nde ovurihi, nde okiriha obasihi yo ama kwomo, amayeese. 26Nde oyeni na ayaha edidima ekɨma ncaami, me evuli nde obi, jo enyunihi, eya o nci. Ekihi e mvuuru jwa me enyarihi evuli e kala obi.»
Jesu awobo o baari ma ali nca oswere
27Ntini e Jesu awobihi vwa, okaasi omo nca lemvuuru oduhi nde na ankala ndi: «Oswere oka na okaasi abiri yimi e we, ompi we byele le nde!» 28Ŋa Jesu okaali ndi: «Oswere oka ni na baari mayuha mbari e Njyami na manyiimaha yo!»
Jesu akaala na baari mapɨsa nde omaa
29Lemvuuru le kuna leyi lejeniŋi Jesu, nde na bo ndi: «Baari a lobi abi, bo masaha ndiimi, ŋa omaa o baari ma aje omono oso ni o Jonase.#11.29 Jonase aki owobi a Njyami atumi mpili asi Ninive. 30Ŋa mo osuumbu a Jonase aki ndiimi omaa ŋa asi Ninive, Mwana Mvuuru se aje oka ndiimi o baari a lobi. 31Cuhu opami Nkani okaasi a mo osi o mbere#11.31 Okaasi jwa aki Nkani osi o Saba, oki la na Isayele na mbere. aje otemeŋe obanaŋa baari a lobi, obila nde amawa esi e la, mo oyuha ncimi e mbari e Salomo. Ŋa ali kuuni ovuli Salomo! 32Cuhu opami baari a Ninive ma aje otemehe mo obanaha njubu e lobi, obila bo amayalaha mbari e Jonase atoosi, bo se amakaala eku. Ŋa ali kuuni ovuli Jonase!»
Miisi mva baami e mbaa
33«Mvuuru i buuna onaasa baami e mbaa, ojisihi yo si kali olehi yo ncina njuu ni. Nde obaŋa yo o biri e baari ma ali onyunuŋa amoni oyalala. 34Diisi le we baami e mbaa e nyuru. Ntini e diisi le we le eli yemiŋi, nyuru e we eso se eli nca oyalala. Ŋa yuhu lo le bi, nyuru e we se eli nca lempiibi. 35Ŋa sa ayiba! Oyalala eli o we i ma ka lempiibi ni. 36Ŋa yuhu nyuru e we eso eli nca oyalala, se lengulu lemo leli nca lempiibi onyaŋa, yo eka eso nca oyalala, mva ntini e baami e mbaa empaha we oyalala o yo.»
Jesu abanaŋa Afarisi bɨla ayisihi me ekele
37Ntini e Jesu awobihi, Ofarisi omo ocwoli Jesu na aja o njo e nde. Jesu onyunihi, oya o tanda. 38Ofarisi okimi mo osuumbu a Jesu aka saa cuka jyala#11.38 Ntini e bo ma ja biila, ove bo asa cuka jyala na ntaami bɨla epele mo oka opeende. ntini e bo ma baani oja ni. 39Ŋa Nkʉmu oduhi na Ofarisi ndi: Be lecuka ngula akobo bɨla epele, ŋa nca etima e be, be njala kuba, bɨla maami obi. 40Be baari a ncimi kali! Njyami osi ngula nji, nde se aka sa nca kari ni? 41Lempa anga owuha biibi e be leli na jo nca akobo bɨla epele, ŋa maami aso aka ce ce o be.
42«Ŋa ndoho eka na be Afarisi, obila be lempaha Njyami buhu le okuumi le efuuma mva jira#11.42 jira mpili e bo ma Ajife otwolo o maante. na efuuma ekɨma ma eli o swaha na ma anguunu a be. Ŋa be lebisi oka tele bɨla abuha, be i dya Njyami ni. Kaa be lesi vwa, o ngula ŋa be i malimaha maamo ni. 43Ŋa ndoho eka na be Afarisi! Be njala okaha o nci me ebiri ma levusu nca anjo mavwonoho. Be njala awosoho be ma ambuhu. 44Ŋa ndoho eka na be, be le eli mva amuuma ma ali i mono ni. Baari mayira o yula mo i yaa ni!»
45Oyisihi a mbari e Njyami omo na Jesu ndi: «E Nkʉmu, ntini e we awobo vwa, we atuha bisi se!» 46Jesu okaali ndi: «Ndoho eka na be se ayisihi me ekele e Njyami! Obila be leduha baari obira elemi e kuna, ŋa be anku i tiila bo se mo olyemi ni. 47Ndoho eka na be! Ma obila o be letuuŋa amuuma ma awobi a mbari e Njyami, ni ma bumi bo ankaha a be! 48Mo osuumbu jwa be lesiisa enywa o maami ma ankaha a be ma asi. Mo oma bo mabuma awobi a mbari e Njyami, ŋa be lecwa amuuma! 49Jya biri e Njyami o nca ncimi e nde aduhi ndi: Me eje otuma bo awobi a mbari e Njyami bɨla antuma. Bo ma aje obuma ake, aswesehe maamo. 50Ŋa ma aje opɨsa njubu e lobi ji, tohi awobi a mbari e Njyami ecoli ma asi baana osuumba ncye. 51Mo obaana o tohi Abele, tii tohi e Jakari ma abumi ma lebuhu le njo e Njyami, o mpaniŋi e nkiina bɨla nkwomo. Me eduha be Njyami aje oliisa njubu e lobi o maami maa aso!
52Ndoho eka na be ayisihi me ekele e Njyami! Ma obila o be lemabiinda njila mo oje mpili e Njyami. Be anku leka nyuniha ni. Be se lemakanaha baari ma dii onyunuha.»
53Ntini e Jesu acuuhi o njo jya, ayisihi me ekele bɨla Afarisi abiri nkala yo mɨni, alehi nde eduhu kuna. 54Bo malehe nde eyere, mo osaha ndi jaa e mbi ecuuha mo onywa a nde.
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES