Like 12
12
Baari ma yalaha Jesu
1O ntini jya, lemvuuru le kuna lejenihi Jesu. Bo ma jaraha nyiili ma abuha. Jesu obaani owobo na alwoni ndi: «Be lesi ayiba ma leviire#12.1 Leviire kiila ma lehe o fariini ma okuusa lo, ntini ma sa mpeembe. le Afarisi, lo oma kaha ompyele o bo. 2Maami a ma ajisihi aso ma aje ocuuha, a ma ajisihi aso se ma aje oyaa. 3Kya obila eli maami aso a be le eje oduha nca lempiibi, ma aje oyuha na mwi. A be le eje oduha ma awawa ocwi le buha nca otini o njo, ma aje ocuuha o mwa mpuhu.»
Mvuuru ma abuuna onyiima
4Me eduha be ma andihi a me, lekaa monoho vwoho o baari ma bumaha akabi ni. Ongula ŋa bo i buuna osa jaa nkɨma ni. 5Me eduha be mvuuru a be lebuuna onyiima: be onyiima mvuuru ali na onkʉmu ma otuna be nca mbaa leku o gʉla leku. Ee me eduha be, nde mvuuru a be lebuuna onyiima!
6«Ma buuna otehe baana ma anywi ataani ma adoro vwele? Okoroho Njyami i limiha si omo ni. 7Na mfu eli ma ecwi e be, ama tala yo. Lekaa monoho vwoho ni, be levuli baana ma anywi a kuna mvunu!»
8«Me eduha be: mpɨni mvuuru aje oyalaha me o miisi a baari, Mwana Mvuuru se aje oyalaha nde o miisi ma abaanji a Njyami. 9Ŋa mvuuru abɨsa me o miisi a baari, Mwana mvuuru se aje obɨsa nde o miisi ma abaanji a Njyami. 10Mvuuru owobo mbari e mbi o Mwana mvuuru, ma aje oboloho nde. Ŋa atuha Oduduma Santi ma aka aje oboloho nde ni. 11Ntini ma aje obira be nca anjo mavwonoho ma opama be, o miisi ma ankʉmu na ankani, be lekaa monoho vwoho mo mbari e be le eje owobo na a be le eje oduha ni. 12Obila Oduduma Santi aje oyisiha be o ŋiŋa jaa e be le eje oduha.»
Jesu aduha ncincami e balaha eli na njala osolo
13Mvuuru omo o nca lemvuuru na Jesu ndi: «E Nkʉmu, duha na okulu a me okaba wanda e saande.» 14Jesu okaali nde ndi: «Ama cuusa me ŋa ma opama maami na le kaba la osolo a be na?» 15Emana nde oduhi na bo ndi: «Be lesi ayiba! Leka syaha njala biibi kuna ni. Lebihi le mvuuru ka mvuuha ni, si nde avʉla osolo.»
16Nde oti bo ncincami ndi: «Balaha mo e nga osolo evuusi biila kuna ma anguunu a nde. 17Nde acimiha nca otima ndi: “Me osa buni? Me biri ocuusa biila kali?” 18Ŋa nde ndi: “Me yaa osuumbu a me esa. Me cala etala, me tuha ma evuli onini. Ŋa me lehe mburu#12.18 Mburu oma kaha ble ma syaha fariini bɨla lempeembe. e me eso, na biibi e me ekema. 19Ŋa me eduha na Oduduma a me mbɨri we na mvuuha kuna, me esibi kuna. Wuuma, ja, nywa, swere.” 20Ŋa Njyami na nde ndi: “We ojili! Ma lempiibi le lobi li me eyaha owʉru a we. Ŋa eso e we ama yeese ma etala, asiila na jo na?”» 21Jesu oluusi ndi: «Mono maami ma aya o mvuuru asaha osolo a nde anku, nde osolo o miisi a Njyami kali.»
Lelehe tari o Njyami
22Emana Jesu oduhi na alwoni a nde ndi: «Jya biri e me eduha be mbɨri, be leka monoho ongwo ma lebihi le be, na kiila o be leja, bɨla amfa ma olaasa ni. 23Obila lebihi levuli biila, ŋa nyuru evuli amfa. 24Lekeese enkwaŋa, jo i kuna ni, jo i kyele mburu ni, okoroho Njyami abunuŋa jo. Be levuli anywi mvunu. 25O mpaniŋi e be abuuna oluusa ecuhu nca lebihi le nde obila ma ongwo na? 26Yuhu be i buuna osa maami ma akyehe ni, ŋa be lemonoho ongwo o maami maamo buni? 27Lemono mva ekulaha wʉla efuuma ma anguunu, yo i janja ni, i cwa amfa ni. Okoroho me eduha be ntini e nkani Salomon aki na osolo a nde aso, nde aka laasa amfa ma awali ma vuli wʉla si mo ni. 28Njyami alaasa efuuma ma anguunu lobi ma aje ocuha osuuha, ŋa nkusa na be? Be oyalihi nceeri! 29Ŋa be i ma saha kiila o be le eje oja na onywa ni, be i ma mono ongwo ni. 30Bya eso osahi jo antini aso, baari a yula ncye ma ali i yaa Njyami ni. Ŋa taara a be oyaa ndi be na kaama. 31Lesa saha Onkʉmu o Njyami o yula be, ŋa ma emo oma luusa be lembɨsa.»
32«Be leka monoho vwoho ni, jiimi le ekyehe. Obila taara a be amono ove mo ompa be eve ma Onkani o nde. 33Letehe biibi ma eli na be, lempa anga owuha adoro. Lesaha osolo a mbumbu, osolo oli i wa o yulu ni. Mpili eli ojibi i ciina ni, ancyeri i ja ni. 34Ŋa biri eli osolo a be, biri eje oka etima e be.»
Ajanji ma amoho
35Leka ma amfa a janja, be lekyele abaami ma mbaa a be aka ma onama. 36Be leki mva ajanji ma adɨla nkʉmu awa cinda e baala. Ntini e nde aje oya, na o nde aje okʉruha, onaani nde njo. 37Oswere oka na ajanji ma ali nkʉmu oya, obasihi bo ma amoho! Sisyele me eduha be, nde aje oselehe amfa, olehe bo o tanda, omana ompa bo biila. 38Nde oya na avuruha o mwa otima lempiibi, si kali ma ecihi e cuhu, nde obasihi bo mwo, oswere oka na bo!
39«Be leyaa mbɨri: o nga njo aki ma oyaa ntini ejyaha ojibi, kaa nde aka nyila nde onyunihi o njo e nde ni. 40Be se le deli, mo oma Mwana Mvuuru aje oya o ntini e be le eli i yaa ni.»
Ojanji ali tele na oyeri
41Pyere na nde ndi: «E Nkʉmu, we ata ncincami ji ŋa o bisi atu, si o baari aso?» 42Nkʉmu okaali na nde ndi: «Jwa ojanji ali tele na oyeri a nkʉmu ama cuusa ma okyele njo na lempa la abuha biila antini aso na? 43Oswere oka na ojanji ali nkʉmu oya na avuruha, nde obasihi nde asa janja! 44Me eduha be sisyele: Nde aje ompa ojanji onkʉmu o yula osolo a nde aso. 45Ŋa ojanji ocwomo na ocimiŋa nca otima a nde ndi: “Nkʉmu a me aka aya paraabu ni”, ŋa nde oya abeere ajanji maamo, ma abalaha na ma akaasi. Nde oji, onywi, okoli. 46Ŋa nkʉmu ojanji jwa aje oya o cuhu na tari e nde ali i yaa ni. Nkʉmu aje ocuura nde na leliisa le nde, mva baari ma ali ka tele ni. 47Ŋa ojanji ajyabi ediiŋi e nkʉmu a nde, omana nde i ma sa mva e nkʉmu adii ni, mbaa nkʉmu aje obeere nde ekaci e kuna. 48Ŋa ojanji ali i yaa ediiŋi e nkʉmu ni, asa maami ma abi, ma aje obeere nde ekaci nceeri. Ma aje opɨsa kuna na mvuuru ma ama mpa kuna. Ma ama ampa kuna, ma aje oselehe opɨsa nde kuna.»
Jesu ndi baari ma aje obaha abuha o nde
49«Me eyi na mbaa o yula ncye. Me njala yo enama! 50Ove me yahi ateeme#12.50 Ateeme kuuni oma kaha ampasi a Jesu aya omono., ongwo osa me yuhu me kini yaha mo ni. 51Be lecima mbɨri me eyi ŋa na ampa oduusu o yula ncye? Kali, me eduha be me eyi na ombayi. 52Ŋa mo obaana o lobi baari ataani o njo ma baha abuha. Atari ma jwana na vwele, vwele ma jwana na atari. 53Taara abele mwana a balaha, mwana a balaha abele taara, nguhu abele mwana okaasi, mwana okaasi abele nguhu, nguhu olumi abele okari a mwana, okari a mwana abele nguhu olumi.»
Ove leyaa andiimi a Njyami
54Nde aselehe oduha na lemvuuru ndi: «Ntini e be lemono yulu emipiina mpili e tari evwaha, be mbɨri: “Mvʉla lobi anoho”, nde se onohi. 55Ntini e be lemono pyebi ewa na mbere eya na ntaana, be leduhi mbɨri: “Lobi na njuusi”, yo se eyi. 56Be anga ompyele! Be leyaa maami ma yira o yulu bɨla ncye, ŋa ma yira ma antini ma, be i yaa ni?»
57«Be i paama be anku osuumbu osa maami a tele ni? 58Ntini e mvuuru abanaŋa we, omana be leyeni ososo, ove be leyeesi o njila, mo oduma be oto kwa, opami oma mpa we na oworo, olehe we ongeneŋe. 59Me eduha we, we i buuna ocuuha mo ongeneŋe yuhu we kini wura obiimi#12.59 O ŋa le wura le obiimi tii doro okyehe. oso ni.»
Markert nå:
Like 12: MDT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Like 12
12
Baari ma yalaha Jesu
1O ntini jya, lemvuuru le kuna lejenihi Jesu. Bo ma jaraha nyiili ma abuha. Jesu obaani owobo na alwoni ndi: «Be lesi ayiba ma leviire#12.1 Leviire kiila ma lehe o fariini ma okuusa lo, ntini ma sa mpeembe. le Afarisi, lo oma kaha ompyele o bo. 2Maami a ma ajisihi aso ma aje ocuuha, a ma ajisihi aso se ma aje oyaa. 3Kya obila eli maami aso a be le eje oduha nca lempiibi, ma aje oyuha na mwi. A be le eje oduha ma awawa ocwi le buha nca otini o njo, ma aje ocuuha o mwa mpuhu.»
Mvuuru ma abuuna onyiima
4Me eduha be ma andihi a me, lekaa monoho vwoho o baari ma bumaha akabi ni. Ongula ŋa bo i buuna osa jaa nkɨma ni. 5Me eduha be mvuuru a be lebuuna onyiima: be onyiima mvuuru ali na onkʉmu ma otuna be nca mbaa leku o gʉla leku. Ee me eduha be, nde mvuuru a be lebuuna onyiima!
6«Ma buuna otehe baana ma anywi ataani ma adoro vwele? Okoroho Njyami i limiha si omo ni. 7Na mfu eli ma ecwi e be, ama tala yo. Lekaa monoho vwoho ni, be levuli baana ma anywi a kuna mvunu!»
8«Me eduha be: mpɨni mvuuru aje oyalaha me o miisi a baari, Mwana Mvuuru se aje oyalaha nde o miisi ma abaanji a Njyami. 9Ŋa mvuuru abɨsa me o miisi a baari, Mwana mvuuru se aje obɨsa nde o miisi ma abaanji a Njyami. 10Mvuuru owobo mbari e mbi o Mwana mvuuru, ma aje oboloho nde. Ŋa atuha Oduduma Santi ma aka aje oboloho nde ni. 11Ntini ma aje obira be nca anjo mavwonoho ma opama be, o miisi ma ankʉmu na ankani, be lekaa monoho vwoho mo mbari e be le eje owobo na a be le eje oduha ni. 12Obila Oduduma Santi aje oyisiha be o ŋiŋa jaa e be le eje oduha.»
Jesu aduha ncincami e balaha eli na njala osolo
13Mvuuru omo o nca lemvuuru na Jesu ndi: «E Nkʉmu, duha na okulu a me okaba wanda e saande.» 14Jesu okaali nde ndi: «Ama cuusa me ŋa ma opama maami na le kaba la osolo a be na?» 15Emana nde oduhi na bo ndi: «Be lesi ayiba! Leka syaha njala biibi kuna ni. Lebihi le mvuuru ka mvuuha ni, si nde avʉla osolo.»
16Nde oti bo ncincami ndi: «Balaha mo e nga osolo evuusi biila kuna ma anguunu a nde. 17Nde acimiha nca otima ndi: “Me osa buni? Me biri ocuusa biila kali?” 18Ŋa nde ndi: “Me yaa osuumbu a me esa. Me cala etala, me tuha ma evuli onini. Ŋa me lehe mburu#12.18 Mburu oma kaha ble ma syaha fariini bɨla lempeembe. e me eso, na biibi e me ekema. 19Ŋa me eduha na Oduduma a me mbɨri we na mvuuha kuna, me esibi kuna. Wuuma, ja, nywa, swere.” 20Ŋa Njyami na nde ndi: “We ojili! Ma lempiibi le lobi li me eyaha owʉru a we. Ŋa eso e we ama yeese ma etala, asiila na jo na?”» 21Jesu oluusi ndi: «Mono maami ma aya o mvuuru asaha osolo a nde anku, nde osolo o miisi a Njyami kali.»
Lelehe tari o Njyami
22Emana Jesu oduhi na alwoni a nde ndi: «Jya biri e me eduha be mbɨri, be leka monoho ongwo ma lebihi le be, na kiila o be leja, bɨla amfa ma olaasa ni. 23Obila lebihi levuli biila, ŋa nyuru evuli amfa. 24Lekeese enkwaŋa, jo i kuna ni, jo i kyele mburu ni, okoroho Njyami abunuŋa jo. Be levuli anywi mvunu. 25O mpaniŋi e be abuuna oluusa ecuhu nca lebihi le nde obila ma ongwo na? 26Yuhu be i buuna osa maami ma akyehe ni, ŋa be lemonoho ongwo o maami maamo buni? 27Lemono mva ekulaha wʉla efuuma ma anguunu, yo i janja ni, i cwa amfa ni. Okoroho me eduha be ntini e nkani Salomon aki na osolo a nde aso, nde aka laasa amfa ma awali ma vuli wʉla si mo ni. 28Njyami alaasa efuuma ma anguunu lobi ma aje ocuha osuuha, ŋa nkusa na be? Be oyalihi nceeri! 29Ŋa be i ma saha kiila o be le eje oja na onywa ni, be i ma mono ongwo ni. 30Bya eso osahi jo antini aso, baari a yula ncye ma ali i yaa Njyami ni. Ŋa taara a be oyaa ndi be na kaama. 31Lesa saha Onkʉmu o Njyami o yula be, ŋa ma emo oma luusa be lembɨsa.»
32«Be leka monoho vwoho ni, jiimi le ekyehe. Obila taara a be amono ove mo ompa be eve ma Onkani o nde. 33Letehe biibi ma eli na be, lempa anga owuha adoro. Lesaha osolo a mbumbu, osolo oli i wa o yulu ni. Mpili eli ojibi i ciina ni, ancyeri i ja ni. 34Ŋa biri eli osolo a be, biri eje oka etima e be.»
Ajanji ma amoho
35Leka ma amfa a janja, be lekyele abaami ma mbaa a be aka ma onama. 36Be leki mva ajanji ma adɨla nkʉmu awa cinda e baala. Ntini e nde aje oya, na o nde aje okʉruha, onaani nde njo. 37Oswere oka na ajanji ma ali nkʉmu oya, obasihi bo ma amoho! Sisyele me eduha be, nde aje oselehe amfa, olehe bo o tanda, omana ompa bo biila. 38Nde oya na avuruha o mwa otima lempiibi, si kali ma ecihi e cuhu, nde obasihi bo mwo, oswere oka na bo!
39«Be leyaa mbɨri: o nga njo aki ma oyaa ntini ejyaha ojibi, kaa nde aka nyila nde onyunihi o njo e nde ni. 40Be se le deli, mo oma Mwana Mvuuru aje oya o ntini e be le eli i yaa ni.»
Ojanji ali tele na oyeri
41Pyere na nde ndi: «E Nkʉmu, we ata ncincami ji ŋa o bisi atu, si o baari aso?» 42Nkʉmu okaali na nde ndi: «Jwa ojanji ali tele na oyeri a nkʉmu ama cuusa ma okyele njo na lempa la abuha biila antini aso na? 43Oswere oka na ojanji ali nkʉmu oya na avuruha, nde obasihi nde asa janja! 44Me eduha be sisyele: Nde aje ompa ojanji onkʉmu o yula osolo a nde aso. 45Ŋa ojanji ocwomo na ocimiŋa nca otima a nde ndi: “Nkʉmu a me aka aya paraabu ni”, ŋa nde oya abeere ajanji maamo, ma abalaha na ma akaasi. Nde oji, onywi, okoli. 46Ŋa nkʉmu ojanji jwa aje oya o cuhu na tari e nde ali i yaa ni. Nkʉmu aje ocuura nde na leliisa le nde, mva baari ma ali ka tele ni. 47Ŋa ojanji ajyabi ediiŋi e nkʉmu a nde, omana nde i ma sa mva e nkʉmu adii ni, mbaa nkʉmu aje obeere nde ekaci e kuna. 48Ŋa ojanji ali i yaa ediiŋi e nkʉmu ni, asa maami ma abi, ma aje obeere nde ekaci nceeri. Ma aje opɨsa kuna na mvuuru ma ama mpa kuna. Ma ama ampa kuna, ma aje oselehe opɨsa nde kuna.»
Jesu ndi baari ma aje obaha abuha o nde
49«Me eyi na mbaa o yula ncye. Me njala yo enama! 50Ove me yahi ateeme#12.50 Ateeme kuuni oma kaha ampasi a Jesu aya omono., ongwo osa me yuhu me kini yaha mo ni. 51Be lecima mbɨri me eyi ŋa na ampa oduusu o yula ncye? Kali, me eduha be me eyi na ombayi. 52Ŋa mo obaana o lobi baari ataani o njo ma baha abuha. Atari ma jwana na vwele, vwele ma jwana na atari. 53Taara abele mwana a balaha, mwana a balaha abele taara, nguhu abele mwana okaasi, mwana okaasi abele nguhu, nguhu olumi abele okari a mwana, okari a mwana abele nguhu olumi.»
Ove leyaa andiimi a Njyami
54Nde aselehe oduha na lemvuuru ndi: «Ntini e be lemono yulu emipiina mpili e tari evwaha, be mbɨri: “Mvʉla lobi anoho”, nde se onohi. 55Ntini e be lemono pyebi ewa na mbere eya na ntaana, be leduhi mbɨri: “Lobi na njuusi”, yo se eyi. 56Be anga ompyele! Be leyaa maami ma yira o yulu bɨla ncye, ŋa ma yira ma antini ma, be i yaa ni?»
57«Be i paama be anku osuumbu osa maami a tele ni? 58Ntini e mvuuru abanaŋa we, omana be leyeni ososo, ove be leyeesi o njila, mo oduma be oto kwa, opami oma mpa we na oworo, olehe we ongeneŋe. 59Me eduha we, we i buuna ocuuha mo ongeneŋe yuhu we kini wura obiimi#12.59 O ŋa le wura le obiimi tii doro okyehe. oso ni.»
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES