Like 15
15
Jesu ayamba anga ambiini
1Atoniŋi ma lepo bɨla anga ambiini, aciini mpili e Jesu na yuha nde. 2Afarisi bɨla ayisihi me ekele aya mawobo o mpaniŋi e bo ndi: «Lemono mvuuru yu ayamba anga ambiini. Nde aja bɨla bo!» 3Ŋa Jesu oti bo ncincami ndi: 4«O mpaniŋi e be mvuuru omo otu oka na ekuumi kuumi me endoombo. Omana ondoombo omo otu onywoŋi. Nde aka sa nyila endoombo ma ekuumi wa na endoombo wa nca ncehe, mo oje na saha ondoombo enywoŋi tii ngo e nde aswolo co ni? 5Nde oswolo co, nde osweri, osaari, olehi o yula aduu, 6oyeni njo e nde. Nde ocwoli andihi bɨla baari a paani ndi: “Leja saabe lecaba mo oma, me emi swolo ondoombo oki oma nywoŋo!” 7Ŋa me eduha be oswere eje oka o yulu mo nga ambiini omo otu, akaala lebihi le nde, evʉla ekuumi wa na baari wa, ma ali tele, bo kaama mo okaala lebihi le bo kali.»
Doro a nkoso a mvunu anywoŋi ami swolo
8«Si kali jwa okaasi ali na adoro a nkoso#15.8 Mpili a Greeke na asi Rome eki doro ma atwologo o drasme bɨla denye: wura e janja ojiila omo. a mvunu, kuumi. Ŋa doro omo onywoŋo nde i sa naasa lapi, okwomi njo, osahi yemiŋi, tii ngo e nde aswolo ni na? 9Ntini e nde aswolo, nde ocwoli andihi bɨla akaasi a paani, nde oduhi bo ndi: “Leswere bɨla me, obila me emi swolo doro a nkoso aki ama nywoho!” 10Ŋa me eduha be, oswere oli na abaanji a Njyami ma onga ambiini omo otu akaala lebihi le nde.»
Ncincami e mwana anywoŋi
11Nde ovurihi oduhi ndi: «Balaha mo eki na baana ma abalaha vwele. 12Mwarihi na taara ndi: “E taara mpa o me obari o wanda.” Taara se okabi osolo o mpaniŋi e baana a vwele. 13Ecuhu eyira, mwarihi otonihi e nde eso, otehi ma obaha adoro. Oyeni osi ola, mo osa lebihi lo oca oca. 14Ntini e nde amani okaba adoro aso, njala e nini evi mo osi kya, emana nde oya o nca kaama. 15Nde oyeni na ajanja mpili e mvuuru omo amo osi kya. Otumi nde nca anguunu a nde na akyele enguu. 16Nde aki na njala oja mburu e karube,#15.16 Karube mva mburu oyanda. biila ma ejihi enguu, ŋa mvuuru aka mpa nde ni.
17Nde oya acimiha ndi: “Mpili e taara a me ajanji aso na biila ema vʉla bo, ŋa kuuni me ekwa o njala! 18Me eje mpili e taara a me. Me eduha nde mbɨri: E taara me emasa mbiini o miisi a we bɨla a yulu. 19I ma buuna ocwolo me o mwana we ni. Yaha me mva ojanji a we.” 20Nde oyeni mpili e taara.
Nde oki okini la, taara otaali nde, omoni nde nkerihi, odumi ncini na ayamba nde, ompi nde amfemfe. 21Mwana na nde ndi: “E taara, me ema sa mbiini o miisi a we bɨla yulu. I ma buuna ocwolo me o mwana we ni.” 22Ŋa taara na ajanji a nde ndi: “Lesa asisari, leya na nde oringa ove, lelaasa nde yo. Lelehe nde nkwere ma olyemi, na akoroho o ntaami. 23Leya na mwana ngoombo ali na maari be lebuma, leja, leswere, 24obila mwana a me yu oki oma kwa, omi nyusuha, nde se aki omi nywoŋo, nde omi swoho.” Bo aya ma sa cinda.
25Ŋa mwana okuuru aki nca anguunu. Ntini e nde ayi na vuruha, nde ociina tuha na njo, oyuhi angwomi bɨla akini. 26Nde ocwoli ojanji omo, opɨsi nde ndi co kwa oma. 27Ojanji okaali na nde ndi: “Mwarihi a we omi ya na avuruha. Taara a we ama buma mwana ngoombo ali na maari, obila nde omi ya na avuriha yemiŋi.” 28Ŋa okulu obye nkala, nde aki njala onyunuha o njo kali. Taara a nde ocuuhi na avwono nde ma onyunuha o njo. 29Ŋa nde okaali na taara a nde ndi: “Me emi janja bɨla we esibi kuna, me ekini onyura ekele a we ni. We kini ompa me si mwana ondoombo omo, mo obu mbɨri me sa cinda bɨla andihi a me ni. 30Ŋa ntini e mwana a we a balaha yu ayi, nde aji osolo a we bɨla akaasi, we omi buma nde mwana ngoombo ali na maari!” 31Taara na nde ndi: “Mwana a me, we oli bɨla me antini aso, biibi e me eso, e we. 32Ŋa ove eki, saabe lesi cinda, lesweri obila mwarihi a we yu oki oma kwa, nde oli mwo, nde oki omi nywoho, lemi swolo!”»
Markert nå:
Like 15: MDT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Like 15
15
Jesu ayamba anga ambiini
1Atoniŋi ma lepo bɨla anga ambiini, aciini mpili e Jesu na yuha nde. 2Afarisi bɨla ayisihi me ekele aya mawobo o mpaniŋi e bo ndi: «Lemono mvuuru yu ayamba anga ambiini. Nde aja bɨla bo!» 3Ŋa Jesu oti bo ncincami ndi: 4«O mpaniŋi e be mvuuru omo otu oka na ekuumi kuumi me endoombo. Omana ondoombo omo otu onywoŋi. Nde aka sa nyila endoombo ma ekuumi wa na endoombo wa nca ncehe, mo oje na saha ondoombo enywoŋi tii ngo e nde aswolo co ni? 5Nde oswolo co, nde osweri, osaari, olehi o yula aduu, 6oyeni njo e nde. Nde ocwoli andihi bɨla baari a paani ndi: “Leja saabe lecaba mo oma, me emi swolo ondoombo oki oma nywoŋo!” 7Ŋa me eduha be oswere eje oka o yulu mo nga ambiini omo otu, akaala lebihi le nde, evʉla ekuumi wa na baari wa, ma ali tele, bo kaama mo okaala lebihi le bo kali.»
Doro a nkoso a mvunu anywoŋi ami swolo
8«Si kali jwa okaasi ali na adoro a nkoso#15.8 Mpili a Greeke na asi Rome eki doro ma atwologo o drasme bɨla denye: wura e janja ojiila omo. a mvunu, kuumi. Ŋa doro omo onywoŋo nde i sa naasa lapi, okwomi njo, osahi yemiŋi, tii ngo e nde aswolo ni na? 9Ntini e nde aswolo, nde ocwoli andihi bɨla akaasi a paani, nde oduhi bo ndi: “Leswere bɨla me, obila me emi swolo doro a nkoso aki ama nywoho!” 10Ŋa me eduha be, oswere oli na abaanji a Njyami ma onga ambiini omo otu akaala lebihi le nde.»
Ncincami e mwana anywoŋi
11Nde ovurihi oduhi ndi: «Balaha mo eki na baana ma abalaha vwele. 12Mwarihi na taara ndi: “E taara mpa o me obari o wanda.” Taara se okabi osolo o mpaniŋi e baana a vwele. 13Ecuhu eyira, mwarihi otonihi e nde eso, otehi ma obaha adoro. Oyeni osi ola, mo osa lebihi lo oca oca. 14Ntini e nde amani okaba adoro aso, njala e nini evi mo osi kya, emana nde oya o nca kaama. 15Nde oyeni na ajanja mpili e mvuuru omo amo osi kya. Otumi nde nca anguunu a nde na akyele enguu. 16Nde aki na njala oja mburu e karube,#15.16 Karube mva mburu oyanda. biila ma ejihi enguu, ŋa mvuuru aka mpa nde ni.
17Nde oya acimiha ndi: “Mpili e taara a me ajanji aso na biila ema vʉla bo, ŋa kuuni me ekwa o njala! 18Me eje mpili e taara a me. Me eduha nde mbɨri: E taara me emasa mbiini o miisi a we bɨla a yulu. 19I ma buuna ocwolo me o mwana we ni. Yaha me mva ojanji a we.” 20Nde oyeni mpili e taara.
Nde oki okini la, taara otaali nde, omoni nde nkerihi, odumi ncini na ayamba nde, ompi nde amfemfe. 21Mwana na nde ndi: “E taara, me ema sa mbiini o miisi a we bɨla yulu. I ma buuna ocwolo me o mwana we ni.” 22Ŋa taara na ajanji a nde ndi: “Lesa asisari, leya na nde oringa ove, lelaasa nde yo. Lelehe nde nkwere ma olyemi, na akoroho o ntaami. 23Leya na mwana ngoombo ali na maari be lebuma, leja, leswere, 24obila mwana a me yu oki oma kwa, omi nyusuha, nde se aki omi nywoŋo, nde omi swoho.” Bo aya ma sa cinda.
25Ŋa mwana okuuru aki nca anguunu. Ntini e nde ayi na vuruha, nde ociina tuha na njo, oyuhi angwomi bɨla akini. 26Nde ocwoli ojanji omo, opɨsi nde ndi co kwa oma. 27Ojanji okaali na nde ndi: “Mwarihi a we omi ya na avuruha. Taara a we ama buma mwana ngoombo ali na maari, obila nde omi ya na avuriha yemiŋi.” 28Ŋa okulu obye nkala, nde aki njala onyunuha o njo kali. Taara a nde ocuuhi na avwono nde ma onyunuha o njo. 29Ŋa nde okaali na taara a nde ndi: “Me emi janja bɨla we esibi kuna, me ekini onyura ekele a we ni. We kini ompa me si mwana ondoombo omo, mo obu mbɨri me sa cinda bɨla andihi a me ni. 30Ŋa ntini e mwana a we a balaha yu ayi, nde aji osolo a we bɨla akaasi, we omi buma nde mwana ngoombo ali na maari!” 31Taara na nde ndi: “Mwana a me, we oli bɨla me antini aso, biibi e me eso, e we. 32Ŋa ove eki, saabe lesi cinda, lesweri obila mwarihi a we yu oki oma kwa, nde oli mwo, nde oki omi nywoho, lemi swolo!”»
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES