Like 16
16
Ncincami ojanji ambalaha
1Jesu oduhi na alwoni a nde se ndi: «Balaha mo eli na osolo, eki na ojanji. Abaniŋi ojanji ndi nde ajibiha biibi e nkʉmu. 2Nkʉmu ocwoli nde, opɨsi nde ndi: “Maami a me eyuha o we ma buni? Duha osuumbu a we akyelehe biibi e me, ŋa we se aka ma kyele jo ni.” 3Ojanji owobi nde anku ndi: “Me oma sa ŋa buni, nkʉmu oya njala ndi me kyele biibi e nde kali? Lecima le ncye? Me mpari kali. Me na okʉru o mpahi. 4Aa! Me eyaa kiila o me esa o ntini e nde acyese me mbumbu, me saha baari ma aje oyamba me ma anjo a bo!” 5Nde ocwoli baari ma bihi biibi e nkʉmu a nde omo na omo. Nde na a ncomi ndi: “We ama biha na nkʉmu a me kwe?” 6Nde okaali ndi: “Ambiina a maari ekuumi kuumi.” Ojanji ndi: “Mono osaangumu, ka o nci teende ekuumi etaani.” 7Emana nde oduhi na okɨma ndi: “Ŋa we abihi kwe?” Jwa okaali ndi: “Ekuumi ma angara kuumi e mburu.” Ojanji na nde ndi: “Mono osaangumu, teende ekuumi mfwomo.” 8Ŋa nkʉmu ojuusi ojanji obi ma obila o nde ayeesi maami. Baari ama antini ma avʉli abuha a bɨla bo ambalaha, nkusa na baari ma ali nca oyalala.»
Njyami bɨla Adoro
9Jesu oluusi ndi: «Ŋa me eduha be, lesa leve na andihi a be bɨla osolo obi oma yula ncye ji. Cuhu osolo ewa Njyami aje oyamba be me ebiri e mbumbu. 10Mvuuru ma lehe lila o nde o maami ma akyehe, ma buuna se olehe lila o nde o maami ma anini. Mvuuru ali obi o maami ma akyehe, abuuna se oka obi o maami ma anini. 11Yuhu be le li tele ma osolo obi a yula ncye, aje ompa be osolo a jaa jaa na? 12Yuhu be leka aka tele bɨla biibi e mvuuru ni, aje ompa be, e be anku na? 13Ojanji i buuna ojanja ma ankʉmu vwele ni, nde aje obele omo nde odii omo, si kali nde oka bɨla omo, obeli omo. Be i buuna ojanja o Njyami omana be leki ayiha ma Adoro#16.13 Nca osangumu o Like amateende Mamon, osolo o baari mavwonoho, njyami oca. ni.»
Angɨri bɨla Onkani o Njyami
14Afarisi anga njala adoro, ma yuha mbari e nde awobihi eso, bo ma sebe Jesu. 15Jesu na bo ndi: «O miisi a baari be lelaha mbɨri be tele, ŋa Njyami oyaa etima e be. Obila kiila o baari ma mono o mpaniŋi e bo ndi kiila enini, o miisi a Njyami obi bo mɨni. 16Antini me ekele e Moyise bɨla awobi a mbari e Njyami asyeli o Jan Batise. Ŋa ma si baana o Jan Batise, Ncya e Mve Onkani o Njyami ami tooso yo, mvuuru na mvuuru osi mpari ma onyunuha nca onkani o Njyami. 17Yulu bɨla ncye ma aje oyira syami kali, ŋa ekele a Njyami si mpri mo ma aje ocyese kali. 18Balaha ecuura okari a nde ma oyaha okɨma, nde asi ncuuma. Eyaha okaasi olumi ama cuura, ncuuma nde se asyaha.»
Ncincami e nga osolo bɨla Lajaare
19«Mvuuru omo aki nga osolo olaasaha amfa a mvunu, ecuhu eso nde osyaha acinda. 20Onga owuha ma acwolihi o Lajaare, akihi o tolo ma onywa a njo a nde, ŋa nyuru ampura. 21Nde aki njala nde oji ojurihi mo biila me evwaha o tanda e nga osolo, ŋa o ngula amva alyeŋe nde ampura. 22Nga owuha okwi, abaanji abiri nde mpili Abraame. Nga osolo se okwi, ajihi nde. 23O mpili akwi aki ma swesehe nga osolo. Nde osaara miisi, otaali Abraame, Lajaare oli o paani e nde. 24Nde owʉli ankɨma ndi: “Abraame, taara a me, mono me nkerihi! Tuma Lajaare otuba ncwo olyemi a nde ma anja olehe me o yula lempele, obila me emono ampasi kuna nca mbaa.” 25Ŋa Abraame okaali ndi: “Mwana a me yibiha eve e we abahi nca lebihi le we, ŋa Lajaare abahi ndoho. Ŋa paraabu nde ma akooso, ŋa we amono ampasi. 26Ongoula ŋa, mpaniŋi e be bɨla bisi mbye e nini, baari ma saha o cyehe kuuni ma oya kwa i buuna ni, ma saha ocyehe kwa ma oya kuuni se i buuna ni.” 27Nga osolo ndi: “Ŋa kolo kolo e we taara, tuma Lajaare njo e taara a me. 28Obila me na barihi ataani. Nde oma jyese bo, bo se i ma ya o biri ampasi ji ni.” 29Abraame okaali ndi: “Bo na Moyise bɨla awobi a mbari e Njyami ma ojyese bo, bo ayuha bo!” 30Nde ndi: “Kali Abraame taara, yuhu mvuuru awa mpili akwi mo oje mpili e bo, bo akaala eku.” 31Abraame na nde ndi: “Bo abɨsa oyuha Moyise bɨla awobi a mbari e Njyami, si na mvuuru onyusaha mpili akwi, mo oje mpili e bo, bo ma aka yalaha ni.»
Markert nå:
Like 16: MDT
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES
Like 16
16
Ncincami ojanji ambalaha
1Jesu oduhi na alwoni a nde se ndi: «Balaha mo eli na osolo, eki na ojanji. Abaniŋi ojanji ndi nde ajibiha biibi e nkʉmu. 2Nkʉmu ocwoli nde, opɨsi nde ndi: “Maami a me eyuha o we ma buni? Duha osuumbu a we akyelehe biibi e me, ŋa we se aka ma kyele jo ni.” 3Ojanji owobi nde anku ndi: “Me oma sa ŋa buni, nkʉmu oya njala ndi me kyele biibi e nde kali? Lecima le ncye? Me mpari kali. Me na okʉru o mpahi. 4Aa! Me eyaa kiila o me esa o ntini e nde acyese me mbumbu, me saha baari ma aje oyamba me ma anjo a bo!” 5Nde ocwoli baari ma bihi biibi e nkʉmu a nde omo na omo. Nde na a ncomi ndi: “We ama biha na nkʉmu a me kwe?” 6Nde okaali ndi: “Ambiina a maari ekuumi kuumi.” Ojanji ndi: “Mono osaangumu, ka o nci teende ekuumi etaani.” 7Emana nde oduhi na okɨma ndi: “Ŋa we abihi kwe?” Jwa okaali ndi: “Ekuumi ma angara kuumi e mburu.” Ojanji na nde ndi: “Mono osaangumu, teende ekuumi mfwomo.” 8Ŋa nkʉmu ojuusi ojanji obi ma obila o nde ayeesi maami. Baari ama antini ma avʉli abuha a bɨla bo ambalaha, nkusa na baari ma ali nca oyalala.»
Njyami bɨla Adoro
9Jesu oluusi ndi: «Ŋa me eduha be, lesa leve na andihi a be bɨla osolo obi oma yula ncye ji. Cuhu osolo ewa Njyami aje oyamba be me ebiri e mbumbu. 10Mvuuru ma lehe lila o nde o maami ma akyehe, ma buuna se olehe lila o nde o maami ma anini. Mvuuru ali obi o maami ma akyehe, abuuna se oka obi o maami ma anini. 11Yuhu be le li tele ma osolo obi a yula ncye, aje ompa be osolo a jaa jaa na? 12Yuhu be leka aka tele bɨla biibi e mvuuru ni, aje ompa be, e be anku na? 13Ojanji i buuna ojanja ma ankʉmu vwele ni, nde aje obele omo nde odii omo, si kali nde oka bɨla omo, obeli omo. Be i buuna ojanja o Njyami omana be leki ayiha ma Adoro#16.13 Nca osangumu o Like amateende Mamon, osolo o baari mavwonoho, njyami oca. ni.»
Angɨri bɨla Onkani o Njyami
14Afarisi anga njala adoro, ma yuha mbari e nde awobihi eso, bo ma sebe Jesu. 15Jesu na bo ndi: «O miisi a baari be lelaha mbɨri be tele, ŋa Njyami oyaa etima e be. Obila kiila o baari ma mono o mpaniŋi e bo ndi kiila enini, o miisi a Njyami obi bo mɨni. 16Antini me ekele e Moyise bɨla awobi a mbari e Njyami asyeli o Jan Batise. Ŋa ma si baana o Jan Batise, Ncya e Mve Onkani o Njyami ami tooso yo, mvuuru na mvuuru osi mpari ma onyunuha nca onkani o Njyami. 17Yulu bɨla ncye ma aje oyira syami kali, ŋa ekele a Njyami si mpri mo ma aje ocyese kali. 18Balaha ecuura okari a nde ma oyaha okɨma, nde asi ncuuma. Eyaha okaasi olumi ama cuura, ncuuma nde se asyaha.»
Ncincami e nga osolo bɨla Lajaare
19«Mvuuru omo aki nga osolo olaasaha amfa a mvunu, ecuhu eso nde osyaha acinda. 20Onga owuha ma acwolihi o Lajaare, akihi o tolo ma onywa a njo a nde, ŋa nyuru ampura. 21Nde aki njala nde oji ojurihi mo biila me evwaha o tanda e nga osolo, ŋa o ngula amva alyeŋe nde ampura. 22Nga owuha okwi, abaanji abiri nde mpili Abraame. Nga osolo se okwi, ajihi nde. 23O mpili akwi aki ma swesehe nga osolo. Nde osaara miisi, otaali Abraame, Lajaare oli o paani e nde. 24Nde owʉli ankɨma ndi: “Abraame, taara a me, mono me nkerihi! Tuma Lajaare otuba ncwo olyemi a nde ma anja olehe me o yula lempele, obila me emono ampasi kuna nca mbaa.” 25Ŋa Abraame okaali ndi: “Mwana a me yibiha eve e we abahi nca lebihi le we, ŋa Lajaare abahi ndoho. Ŋa paraabu nde ma akooso, ŋa we amono ampasi. 26Ongoula ŋa, mpaniŋi e be bɨla bisi mbye e nini, baari ma saha o cyehe kuuni ma oya kwa i buuna ni, ma saha ocyehe kwa ma oya kuuni se i buuna ni.” 27Nga osolo ndi: “Ŋa kolo kolo e we taara, tuma Lajaare njo e taara a me. 28Obila me na barihi ataani. Nde oma jyese bo, bo se i ma ya o biri ampasi ji ni.” 29Abraame okaali ndi: “Bo na Moyise bɨla awobi a mbari e Njyami ma ojyese bo, bo ayuha bo!” 30Nde ndi: “Kali Abraame taara, yuhu mvuuru awa mpili akwi mo oje mpili e bo, bo akaala eku.” 31Abraame na nde ndi: “Bo abɨsa oyuha Moyise bɨla awobi a mbari e Njyami, si na mvuuru onyusaha mpili akwi, mo oje mpili e bo, bo ma aka yalaha ni.»
Markert nå:
:
Marker
Del
Kopier
Vil du ha høydepunktene lagret på alle enhetene dine? Registrer deg eller logg på
©Seed Company in partnership with COORDINATION INTER EGLISES POUR L’ALPHABETISATION ET LA TRADUCTION EN LANGUES GABONAISES